IPL 2027 पूर्वी मुंबई इंडियन्समध्ये मोठा ट्विस्ट! रोहित शर्मा कर्णधार होणार? MI ने केला मोठा खुलासा

Rohit Sharma MI Captain in Ipl 2027: आयपीएल २०२७ च्या आधी मुंबई इंडियन्स संघात अनेक बदल होणार असल्याचे सांगितले जात आहे. त्याचबरोबर, रोहित शर्माला मुंबई इंडियन्सचा कर्णधार म्हणून नियुक्त केले जाईल, अशाही चर्चा सुरु झाल्या आहेत.

• हार्दिक पांड्या MI सोडणार?
• रोहित शर्माच्या कर्णधारपदाबाबत खुलासा
• MI मध्ये नेमकं काय घडतंय?

Rohit Sharma MI Captain in Ipl 2027: इंडियन प्रीमियर लीग २०२७ च्या आधी मुंबई इंडियन्सच्या संघात अनेक बदल होण्याच्या चर्चां सुरु आहेत. त्यातच आता, मुंबई इंडियन्सचा माजी कर्णधार रोहित शर्मा पु्न्हा एकदा कर्णधारपद भूषवणार असल्याच्या चर्चांनी जोर धरला आहे. वत्तानुसार, हार्दिक पांड्या मुंबई इंडियन्समधून बाहेर पडणार असल्याचे जवळपास निश्चित झाले आहे, त्यामुळे संघ नवीन कर्णधाराच्या शोधात आहे. अलीकडेच, संघ व्यवस्थापन आयपीएल २०२७ साठी कर्णधारपद रोहित शर्माकडे सोपवण्याचा विचार करत असल्याच्या बातम्या समोर आल्या होत्या. मुंबई इंडियन्सने आता या बातम्यांवर स्पष्टीकरण दिले आहे. याव्यतिरिक्त, हार्दिक पांड्याच्या ट्रेडबाबतही एक अपडेट समोर आली आहे. (Rohit Sharma return as Mumbai Indians captain for IPL 2027)

IND vs WI: T20 क्रिकेटमध्ये श्रेयस अय्यरचा दबदबा! सरपंचने मोडला फिनिशर Dhoni चा ‘हा’ महारेकॉर्ड

रोहित शर्मा MI चा पुढचा कर्णधार?

माध्यमांशी बोलताना, मुंबई इंडियन्सच्या सूत्रांनी स्पष्ट केले की, रोहित शर्माला कर्णधार म्हणून नियुक्त केले जाण्याच्या बातम्या खोट्या आहेत. त्यांनी स्पष्ट केले की, आयपीएलच्या पुढील हंगामासाठी कर्णधारपदाबाबत कोणतीही चर्चा झालेली नाही. जर हार्दिक पांड्याने मुंबई इंडियन्स सोडले, तर रोहित शर्मा व्यतिरिक्त एमआयकडे कर्णधारपदासाठी अनेक चांगले पर्याय आहेत. या अहवालात असेही म्हटले आहे की, सूर्यकुमार यादव आणि तिलक वर्मा हे एमआयचे पुढील कर्णधार होण्याच्या शर्यतीत आघाडीवर आहेत. याव्यतिरिक्त, न्यूझीलंडचा कर्णधार मिचेल सँटनर देखील एक दावेदार आहे.

हार्दिक पांड्याच्या ट्रेडबाबतही अपडेट

आयपीएल २०२४ साठी हार्दिक पांड्याची मुंबई इंडियन्सच्या कर्णधारपदी नियुक्ती करण्यात आली होती. त्यानंतर, एमआयला अपेक्षित यश मिळाले नाही. मीडिया रिपोर्ट्सनुसार, हार्दिक पांड्याचे संघासोबतचे संबंधही बिघडले असून, त्याने एमआय सोडण्याचा निर्णय घेतला आहे. मुंबई इंडियन्सच्या एका सूत्राने असेही म्हटले आहे की, संघ हार्दिक पांड्याला ट्रेड करण्याच्या शक्यतेचा विचार करत आहे आणि इतर संघ त्याला करारबद्ध करण्यासाठी वाट पाहत आहेत. आतापर्यंत, एमआयला पांड्यासाठी कोणताही योग्य ट्रेड सापडलेला नाही.

आयपीएलचा लिलाव कधी होणार?

मुंबई इंडियन्ससाठी मागचा आयपीएल हंगाम निराशाजनक राहिला. आता संघ काही बदल करण्याच्या विचारात आहेत. असेही वृत्त आहे की, सर्व संघांना नोव्हेंबरच्या मध्यापर्यंत आपल्या रिटेन खेळाडूंची यादी जाहीर करावी लागेल. यानंतर, डिसेंबरच्या दुसऱ्या आठवड्यात आयपीएल २०२७ चा मिनी लिलाव आयोजित केला जाईल. त्याआधी, हार्दिक पांड्याच्या ट्रेडबाबतची परिस्थिती अधिक स्पष्ट होईल. मुंबई इंडियन्स या लिलावाच्या माध्यमातून आपला संघ अधिक मजबूत करण्याचा प्रयत्न करेल.

Ranji Trophy 2026: कमबॅकचा आनंद अन्…! ;न्यूझीलंड दौऱ्याआधी टीम इंडियाचा ‘हा’ वाघ जखमी, अडचणी वाढणार?