Duleep Trophy 2026: नुसते वादळ अन् प्रतिस्पर्धी चक्काचूर! Ishan Kishan ची डबल सेंचुरी अन्…

Ishan Kishan Double Century in Duleep Trophy Final: ईस्ट झोनचा कर्णधार इशान किशनने चेन्नई येथे झालेल्या दुलीप ट्रॉफीच्या अंतिम सामन्यात शानदार द्विशतक झळकावले. यामुळे ईस्ट झोनने ५५० धावांचा टप्पा पार पडला.

• ईशान किशनचा ‘डबल धमाका’
• Duleep Trophy Final मध्ये ऐतिहासिक द्विशतक
• साऊथ झोन संकटात

दुलीप ट्रॉफीचा अंतिम सामना सध्या चेन्नईमध्ये ईस्ट झोन आणि साऊथ झोन यांच्यात खेळला जात आहे. दुसऱ्या दिवशी, ईस्ट झोन चा कर्णधार ईशान किशनने द्विशतक झळकावून इतिहास रचला. त्याने दमदार खेळी करून ईस्ट झोनला मजबूत स्थितीत आणले. या ऐतिहासिक खेळीच्या जोरावर किशनने भारतीय संघात दार ठोठावले आहे. किशनने २६ चौकार आणि २ षटकारांच्या मदतीने २७० चेंडूंमध्ये आपले द्विशतक पूर्ण केले.

चिनी भिंत भेदली! अखेर Satwik-Chirag ने China Masters 2026 चा किताब पटकावला; जी टिंग-रेन शियांग यूचा दारुण पराभव

दुसऱ्या दिवशी ईशान किशन चमकला

दुसऱ्या दिवशी, किशन आणि कुशाग्र यांनी आपला डाव पुढे चालू ठेवला. साऊथ झोनच्या गोलंदाजांना त्यांनी चागंलेच धुतले. कुशाग्रने १३२ चेंडूंमध्ये १०१ धावा करून शानदार शतक ठोकले. परंतु, यानंतर लगेच तिरुपुरना विजयने त्याची विकेट घेतली. ईशानने त्याला चांगली साथ दिली. दोघांनी मिळून २३० धावांची भागीदारी केली. ईशानने आपला डाव पुढे चालू ठेवत धमाकेदार द्विशतक झळकावले. या स्पर्धेत द्विशतक झळकावणारा तो ईस्ट झोनचा तिसरा फलंदाजही ठरला. त्याच्या आधी अरुणलाल आणि साबा यांनी द्विशतकाच्या जवळपास धावा केल्या होत्या. किशनच्या खेळीमुळे ईस्ट झोनने आपली धावसंख्या ५५० च्या पुढे नेली. साऊथ झोनचा संघ आता पूर्णपणे दबावाखाली आहे.

ईस्ट झोनच्या फलंदाजांची धडाकेबाज खेळी

ईशान किशनने पहिल्या दिवशी फलंदाजी करण्याचा निर्णय घेतला. त्याचा निर्णय योग्य ठरला. वैभव सूर्यवंशी आणि अभिमन्यू ईश्वरन यांनी पहिल्या विकेटसाठी १०० धावांची भागीदारी केली. दोघांनीही वेगाने धावा केल्या. वैभव ४४ धावांवर बाद झाला. ईश्वरननेही ८६ चेंडूंमध्ये ७२ धावा केल्या. शिखर मोहननेही ८५ धावांचे योगदान दिले. कर्णधार इशान किशन आणि कुमार कुशाग्र यांनी चांगली फलंदाजी केली. किशनने शानदार शतक झळकावून पहिला दिवस आपल्या नावावर केला. दिवसाचा खेळ संपला तेव्हा, किशन १११ धावांवर आणि कुशाग्र ६३ धावांवर नाबाद होते. किशनने प्रथम श्रेणी क्रिकेटमधील आपल्या ४००० धावा देखील पूर्ण केल्या.

ईस्ट झोन विरुद्ध साऊथ झोन प्लेइंग ११

ईस्ट झोन: अभिमन्यू इसवरन, वैभव सूर्यवंशी, कुमार कुशाग्रा, सुदीप कुमार घरामी, ईशान किशन (विकेटकीपर/कर्णधार), शिखर मोहन, अनुकुल रॉय, मोहम्मद कौनैन कुरेशी, मोहम्मद शामी, अभिजित के सरकार, मुकेश कुमार

साऊथ झोन: रिकी भुई, नारायण जगदीसन (विकेटकीपर), देवदत्त पडिक्कल, शेख रशीद, तिलक वर्मा (कर्णधार), स्मरण रविचंद्रन, श्रेयस गोपाल, त्रिपुराना विजय, मोहम्मद सिराज, चामा व्ही मिलिंद, एमडी निधिश

Duleep Trophy 2026: ईशान किशनची बॅट तळपली! फायनलमध्ये ठोकले खणखणीत शतक; पहिल्या दिवशी ईस्ट झोन मजबूत स्थितीत