‘Hockey स्पर्धेत उडाली खळबळ! फायनलच्या ट्रॉफीवर कोण कोरणार नाव? झारखंड की हरियाणा?

रविवारी होणाऱ्या अंतिम सामन्यात हॉकी झारखंड आणि हॉकी हरियाणा यांच्यात विजेतेपदासाठी लढत होणार आहे. तसेच तिसऱ्या क्रमांकासाठी हॉकी मध्य प्रदेश आणि छत्तीसगड हॉकी यांच्यात सामना रंगणार आहे.

झारखंडचा मध्य प्रदेशवर शूटआऊटमध्ये संघर्षपूर्ण विजय
हरियाणाकडून छत्तीसगडचा ८-० असा धुव्वा
हॉकी झारखंड, हॉकी हरियाणा अंतिम फेरीत

पुणे: १६व्या हॉकी इंडिया कनिष्ठ महिला राष्ट्रीय अजिंक्यपद स्पर्धा २०२६ मध्ये हॉकी झारखंड आणि हॉकी हरियाणा यांनी उपांत्य फेरीतील सामने जिंकत अंतिम फेरीत दिमाखात प्रवेश केला. नेहरूनगर, पिंपरी येथील मेजर ध्यानचंद हॉकी स्टेडियमवर शनिवारी झालेल्या उपांत्य सामन्यांमध्ये झारखंडने हॉकी मध्य प्रदेशवर शूटआऊटमध्ये संघर्षपूर्ण विजय मिळविला, तर हॉकी (Sports) हरियाणाने छत्तीसगड हॉकीचा तब्बल ८-० असा एकतर्फी पराभव केला.

रविवारी होणाऱ्या अंतिम सामन्यात हॉकी झारखंड आणि हॉकी हरियाणा यांच्यात विजेतेपदासाठी लढत होणार आहे. तसेच तिसऱ्या क्रमांकासाठी हॉकी मध्य प्रदेश आणि छत्तीसगड हॉकी यांच्यात सामना रंगणार आहे. ही स्पर्धा हॉकी महाराष्ट्राच्या आयोजनाखाली, हॉकी इंडियाच्या मार्गदर्शनाखाली आणि पिंपरी चिंचवड महानगरपालिकेच्या सहकार्याने आयोजित करण्यात आली आहे.

झारखंडचा शूटआऊटमध्ये थरारक विजय

शनिवारी झालेल्या पहिल्या उपांत्य सामन्यात हॉकी झारखंडने हॉकी मध्य प्रदेशवर शूटआऊटमध्ये मात करत अंतिम फेरी गाठली. अत्यंत चुरशीच्या झालेल्या या सामन्यात निर्धारित वेळेत दोन्ही संघांनी प्रत्येकी एक गोल केल्याने सामना १-१ असा बरोबरीत राहिला. हॉकी मध्य प्रदेशकडून काजल हिने १५व्या मिनिटाला गोल नोंदवत संघाला आघाडी मिळवून दिली. त्यानंतर मध्य प्रदेशने ही आघाडी अखेरपर्यंत टिकवून ठेवण्याचा प्रयत्न केला.

Hockey India स्पर्धेत ‘या’ चार संघाची सेमीफायनलमध्ये धडक; पिंपरीत पाहायला मिळतोय हॉकीचा संग्राम

मात्र, सामन्याच्या अगदी अखेरच्या क्षणी हॉकी झारखंडने जोरदार पुनरागमन केले. होरो एस्तेर हिने ६०व्या मिनिटाला गोल नोंदवत झारखंडला १-१ अशी बरोबरी साधून दिली आणि सामना शूटआऊटमध्ये गेला. शूटआऊटमध्ये हॉकी झारखंडकडून सलोमी नाग आणि राजणी केरकेट्टा यांनी अचूक गोल नोंदवले. हॉकी मध्य प्रदेशकडून केवळ काजल हिलाच गोल करता आला. त्यामुळे झारखंडने शूटआऊटमध्ये सरशी साधत अंतिम फेरीतील आपले स्थान निश्चित केले.

Hockey Competition: हॉकीत चंदीगड अन् मध्य प्रदेशचा बोलबाला; महाराष्ट्राला मात्र पराभवाचा धक्का

हरियाणाचा ८-० असा दणदणीत विजय

दुसऱ्या उपांत्य सामन्यात हॉकी हरियाणाने छत्तीसगड हॉकीवर सुरुवातीपासूनच वर्चस्व गाजवत ८-० असा दणदणीत विजय मिळविला. हरियाणाच्या आक्रमक खेळापुढे छत्तीसगडच्या बचावफळीचा निभाव लागला नाही.हरियाणाकडून शशी खासाने हॅट्ट्रिक नोंदवत संघाच्या विजयात मोलाचा वाटा उचलला. तिने ४५व्या, ५७व्या आणि ५९व्या मिनिटाला गोल करत छत्तीसगडच्या बचावफळीला पूर्णपणे निष्प्रभ केले.अंजनीनेही उत्कृष्ट कामगिरी करत दोन गोल नोंदवले. तिने सामन्याच्या ७व्या आणि ५८व्या मिनिटाला गोल केले. याशिवाय भव्या हिने ९व्या मिनिटाला, दीक्षा हिने ११व्या मिनिटाला, तर सुखप्रीत कौर हिने ३५व्या मिनिटाला प्रत्येकी एक गोल नोंदवत हरियाणाच्या मोठ्या विजयावर शिक्कामोर्तब केले.