१७ वर्षांखालील मुलींचा क्रिकेटमध्ये धमाका; एम. आर. नागवाणी संघ तालुकास्तरावर विजय

Karanja School Cricket Tournament: कारंजा येथे २०२६-२७ या शैक्षणिक वर्षासाठी तालुकास्तरीय शालेय क्रिकेट स्पर्धा अमर क्रिकेट मैदानावर उत्साहात पार पडली. एम. आर. नागवाणी हायस्कूल व ज्युनियर कॉलेजच्या १७ वर्षांखालील मुलींच्या संघाने तालुकास्तरीय विजेतेपद पटकावत जिल्हास्तरीय क्रिकेट स्पर्धेसाठी पात्रता मिळवली.

• कारंज्यात क्रिकेटचा थरार
• क्रिकेटच्या मैदानात नागवाणी हायस्कूलचा जलवा
• १७ वर्षांखालील मुलींची जिल्हास्तरीय स्पर्धेसाठी पात्रता

कारंजा: २०२६-२७ या शैक्षणिक वर्षासाठी तालुकास्तरीय शालेय क्रिकेट स्पर्धा मंगळवारी अमर क्रिकेट मैदान, कारंजा येथे यशस्वीरित्या पार पडली. या स्पर्धेचे आयोजन क्रीडा व युवक सेवा संचालनालय (महाराष्ट्र राज्य, पुणे) आणि जिला क्रीडा परिषद, जिल्हा क्रीडा अधिकारी कार्यालय, वाशिम यांच्या संयुक्त विद्यमाने करण्यात आले होते. एम. आर. नागवाणी हायस्कूल आणि ज्युनियर कॉलेज, कारंजा येथील १७ वर्षांखालील मुलींच्या संघाने तालुकास्तरावर विजय मिळवून जिल्हास्तरीय क्रिकेट स्पर्धेसाठी पात्रता सिद्ध केली.

Prithvi Shaw: साखरपुड्यानंतर अवघ्या ६ महिन्यांत संपलं नातं; पृथ्वी शॉ-आकृती अग्रवाल झाले वेगळे, चीटिंगच्या आरोपांना मिळालं बळ

यामध्ये विजयी संघ आणि त्यांच्या क्रीडा शिक्षकांचे शाळेचे अध्यक्ष विजय नागवाणी, मुख्याध्यापक संजय इंगळे, समन्वयक सुबिन, के. ए., शिक्षक तसेच शिक्षकेतर कर्मचारी स्वागत केले. आगामी स्पर्धेसाठी शुभेच्छा दिल्या.

सहभागी खेळाडू

अनुष्का नागवाणी, वंशिका नागवाणी, लिशा नागवाणी, त्रिशा पाटील, श्रीनिधी बांगर, चाहत नागवाणी, सिद्धी घुडे, अनन्या घुडे, सारा मुंडे, वेदी पटेल, गार्गी पाटनकारे, जागृती देशमुख, हर्षदा कोकाटे, जीविका राठोड, नवमी पिंजरकर, कृतिका मेहेंगे आदींचा समावेश आहे.

जिल्हास्तरीय स्पर्धेसाठी सज्ज

तालुकास्तरीय विजयामुळे एम. आर. नागवाणी हायस्कूलच्या मुलींमध्ये उत्साहाचे वातावरण असून, जिल्हास्तरीय स्पर्धेतही चांगली कामगिरी करण्याचा संघाचा निर्धार आहे. विजयी खेळाडूंना शिक्षकांनी पुढील सामन्यांसाठी शुभेच्छा दिल्या.

Asian Games 2026: ना टॉस, ना सामना! बांग्लादेश थेट सेमीफायनलमध्ये; चीनचं आव्हान संपलं