(फोटो सौजन्य-सोशल मीडिया)
कोलकाता येथील ईडन गार्डन्स मैदानावर खेळल्या गेलेल्या सामन्यात, KKR संघाला सनरायझर्सकडून ६५ धावांच्या मोठ्या फरकाने पराभवाचा सामना करावा लागला. या सामन्यात प्रथम फलंदाजी करताना, सनरायझर्स हैदराबाद संघाने २० षटकांत ८ विकेट गमावत २२६ धावांचा विशाल धावांचा डोंगर उभारला केला. फलंदाजीमध्ये, सनरायझर्ससाठी हेनरिक क्लासेनने ५२ धावांची धडाकेबाज खेळी केली. याव्यतिरिक्त, अभिषेक शर्माने ४८ धावांचे महत्त्वपूर्ण योगदान दिले, तर ट्रॅव्हिस हेडनेही ४६ धावांची मोलाची भर घातली.
सनरायझर्स हैदराबादने दिलेल्या २२८ धावांच्या लक्ष्याचा पाठलाग करताना, KKR संघाची सुरुवात अत्यंत निराशाजनक झाली. KKR ने त्यांचा पहिला गडी फिन ॲलनच्या रूपाने गमावला; त्यानंतर लगेचच, संघाचा कर्णधार अजिंक्य रहाणे हा देखील अवघ्या ८ धावा काढून बाद झाला. त्यानंतर, अंगक्रिश रघुवंशीने काही काळासाठी संघाच्या आशा नक्कीच जिवंत ठेवल्या होत्या; मात्र, रिंकू सिंगशी योग्य ताळमेळ न जमल्यामुळे, ५२ धावांवर असताना तो धावबाद झाला. त्यापूर्वी, कॅमेरॉन ग्रीनच्या धावबाद होण्यातही त्याचा सहभाग होता. रघुवंशी बाद झाल्यानंतर, रिंकू सिंगने KKR चा डाव पुढे नेण्याचा प्रयत्न केला; परंतु २५ चेंडूंमध्ये ३५ धावा काढून तोही बाद झाला. परिणामी, KKR चा संपूर्ण संघ अवघ्या १६ षटकांत, एकूण १६१ धावांवरच सर्वबाद झाला.
रिंकू सिंगने हा रिकॉर्ड फील्डिंग करताना आपल्या नावावर केला आहे. विशेष म्हणजे रिंकू सिंगने IPL मध्ये KKR कडून खेळताना सर्वाधिक झेल घेण्याचा नवीन विक्रम केला आहे. ज्यामध्ये त्याने आंद्रे रसेलला मागे टाकतं आपलं नाव कोरलं आहे. KKR कडून खेळताना आपल्या ६१ व्या मॅचमध्ये रिंकूने हा टप्पा गाठला आहे. आता KKR कडून खेळताना रिंकूच्या नावावर एकूण ४२ कॅच नावावर झाले आहेत; यापूर्वी, याच संघाकडून खेळताना त्याने ४० कॅच घेण्याचा विक्रम आंद्रे रसेलच्या नावावर होता.
.png "Videos"){kind=small}
