IND vs PAK Final match : आता थोडीशी चूकही पडेल महागात..; भारत-पाकिस्तान महामुकाबल्यासाठी नवीन मार्गदर्शक तत्त्वे जाहीर

आशिया कप २०२५ चा अंतिम सामना बहरत आणि पाकिस्तान यांच्यात खेळला जाणार आहे. या सामन्या दरम्यान प्रेक्षकांसाठी दुबई पोलिसांकडून कडक नियमावली जाहीर करण्यात आली आहे.

• आज २८ सप्टेंबर रोजी आशिया कपचा अंतिम सामना रंगणार
• भारत आणि पाकिस्तान यांच्यात ४१ वर्षानंतर अंतिम सामना होणार 
• आशिया कपच्या अंतिम सामन्यासाठी नवीन मार्गदर्शक तत्त्वे जाहीर

Asia Cup 2025 final match India vs Pakistan  : आज २८ सप्टेंबर रोजी आशिया कप २०२५(Asia Cup 2025) चा अंतिम सामना रंगणार आहे. दुबई आंतरराष्ट्रीय क्रिकेट स्टेडियमवर भारत आणि पाकिस्तान या दोन संघात अंतिम सामना होणार आहे. दोन्ही संघांनी या स्पर्धेत शानदार कामगिरी करत सुपर फोरमध्ये अव्वल स्थान पटकावले आणि अंतिम फेरीत धडक मारली.  भारत आणि पाकिस्तान यांच्यातील राजकीय संबंध नेहमीच तणावपूर्ण राहिले आहेत. याचा परिणाम स्पर्धेदरम्यान स्टेडियममध्ये देखील दिसून येतो. त्यामुळे आता अंतिम सामन्यापूर्वी, दुबई पोलिसांकडून प्रेक्षकांसाठी विशेष नियम आणि कायदे जारी करण्यात आले आहेत. हे नियम सर्वांनी पाळणे अनिवार्य असणार आहे.

हेही वाचा : IND vs PAK Final : सूर्या आर्मीकडून दोनदा चितपट, अंतिम सामन्यात कमाल दाखवणार? जाणून घ्या पाकिस्तानचा प्लेइंग इलेव्हन..

दुबई पोलिसांकडून कडक नियम जारी

दुबई पोलिसांनी त्यांच्या सोशल मीडिया अकाउंटवर आशिया कपच्या अंतिम सामन्याबाबत एक नियमावली जारी केली आहे. त्यानुसार, सामना सुरू होण्याच्या फक्त तीन तास आधी गेट उघडण्यात येणार आहे. स्टेडियममध्ये प्रवेश करण्यासाठी वैध तिकिटे अनिवार्य असणार आहेत. एकदा प्रेक्षकांनी स्टेडियममध्ये प्रवेश केला की, त्यांना पुन्हा प्रवेश करण्याची परवानगी देण्यात येणार नाही. प्रेक्षकांच्या प्रवेशाबाबतचे सर्व निर्णय हे स्टेडियम व्यवस्थापन घेईल आणि ते अंतिम असणार आहेत. तसेच, पार्किंग मार्गदर्शक तत्त्वे देखील जारी करण्यात आली आहेत. कोणत्याही परिस्थितीत प्रेक्षकांना यादृच्छिक ठिकाणी पार्क करण्याची परवानगी देण्यात येणार नाही.

सामन्यादरम्यान स्टेडियममध्ये कशावर असणार बंदी

1. निषिद्ध वस्तूंची यादी
2. रिमोट कंट्रोल डिव्हाइसेस
3. काचेच्या वस्तू
4. प्राणी (पाळीव प्राणी)
5. धूम्रपान
6. कोणत्याही बेकायदेशीर वस्तू
7. छत्री आणि सेल्फी स्टिक
8. पॉवर बँक
9. तीक्ष्ण वस्तू
10. फटाके
11. अन्न किंवा पेय बाहेर
12. लेसर पॉइंटर्स

हेही वाचा : Photo : आशिया कप 2025 च्या अंतिम सामन्यात सूर्यकुमार यादव इतिहास रचेल का? या खास विक्रमावर करेल लक्ष केद्रिंत

नियमांचे उल्लंघन केल्यास होणार कडक कारवाई

दुबई पोलिसांकडून इशारा देण्यात अल आहे की, जो कोणी या नियमांचे उल्लंघन करेल किंवा सुरक्षिततेशी तडजोड करताना आढळेल  त्याला कायदेशीर कारवाईस जावे लागणार आहे. कोणत्याही प्रकारच्या हिंसाचार, गैरवर्तन किंवा द्वेषपूर्ण टिप्पण्या करण्यास सक्त मनाई करण्यात आली आहे. अशा गुन्ह्यांमुळे मोठा दंड आणि तुरुंगवास देखील होण्याची शक्यता आहे.  म्हणून, अधिकाऱ्यांकडून सर्व प्रेक्षकांना खेळाच्या भावनेचा आदर करण्याचे आणि कायद्याचे पालन करण्याचे आवाहन करण्यात आले आहे.

भारत विरुद्ध पाकिस्तान अंतिम सामना

भारत आणि पाकिस्तान यांच्यातील आशिया कप २०२५ चा अंतिम सामना दुबई आंतरराष्ट्रीय क्रिकेट स्टेडियमवर रात्री ८ वाजता सुरू होणार आहे. सामन्यायाधी टॉस होणार असून तो  संध्याकाळी ७:३० वाजता होणार आहे. चाहते हा सामना सोनी स्पोर्ट्स नेटवर्कवर थेट पाहू शकतात. याव्यतिरिक्त, सामना सोनी लाईव्ह आणि फॅनकोडवर ऑनलाइन स्ट्रीम करण्यात येऊ शकतो.