LSG vs PBKS : निकोलस पूरनला बाद करताच चहलचा सुटला ताबा! केली हीन भाषेत टिप्पणी, पाहा Video

काल मंगळवारी (दि. 1 एप्रिल) लखनऊमधील एकेना स्टेडियमवर लखनऊ सुपर जायंट्स विरुद्ध पंजाब किंग्स यांच्यात सामना खेळला गेला. यामध्ये पंजाबने एलेसजीचा पराभव केला. या सामन्यात चहलने निकोलस पुरनवर असभ्य टिप्पणी केली आहे.

LSG vs PBKS : आयपीएल 2025 चा हा 18 वा हंगाम चांगलाच रंगात आला आहे. काल मंगळवारी (दि. 1 एप्रिल) लखनऊमधील एकेना स्टेडियमवर लखनऊ सुपर जायंट्स विरुद्ध पंजाब किंग्स यांच्यात सामना खेळला गेला. या सामन्यामध्ये पंजाबच्या संघाने एलएसजीचा पराभव केला आहे. या विजयाने पंजाबने या हंगामात सलग दुसऱ्या विजय मिळवला तर दुसरीकडे लखनऊचा मात्र दुसरा पराभव ठरला आहे. पंजाब किंग्सने लखनौ सुपर जायंट्सचा 8 विकेट्सने पराभूत केले. या सामन्यात एक प्रकार घडला. जो सध्या खूप व्हायरल झाला आहे. यामध्ये युजी चहलने निकोलस पूरनला शिवीगाळ केल्याचा प्रकार घडला आहे. ज्यानंतर युजवेंद्र चहलला खूप ट्रोल करण्यात येत आहे.

हेही वाचा : RCB vs GT : चिन्नास्वामी स्टेडियमवर कोण मारणार बाजी? रॉयल चॅलेंजर्स बंगळुरूची गुजरात टायटन्ससोबत टक्कर, जाणून घ्या A टू Z माहिती..

नेमकं काय घडलं?

पंजाबने नाणेफेक जिंकत लखनौला प्रथम फलंदाजीला बोलावले. एलएसजी संघाने 7 गडी गमावून 171 धावा केल्या.  या सामन्यात निकोलस पुरनने सर्वाधिक 44 धावा केल्या. मात्र, युझवेंद्र चहलने अप्रतिम गोलंदाजी करत त्याला आपल्या जाळ्यात ओढले आणि आपला शिकार बनवले. पण, पूरणला बाद केल्यानंतर युजी त्यावरच थांबला नाही तर त्याने पुरनवर अश्लील कमेंट केली, ज्याचा व्हिडिओ आता वेगात व्हायरल होऊ लागला आहे.

निकोलस पुरनचा तडाखा..

निकोलस पुरन नेहमीप्रमाणे पंजाबच्याविरुद्ध  गोलंदाजांना एकापाठोपाठ एक रिमांडवर घेताना दिसून आला. पण, युजीने त्याला तंबूचा रस्ता दाखवला. त्याची विकेट घेतल्यानंतर यूजीला स्वतःवर ताबा ठेवता आला नाही आणि निघताना पूरनला त्याने शिवीगाळ केली. या व्हिडिओमध्ये युजी शिवीगाळ करताना दिसून येत आहे.

See more

pic.twitter.com/nWvurTXx9F

— akash singh (@akashsingh17654) April 1, 2025

पहिल्याच षटकात क्रीझवर फलंदाजीला आलेला नीकोलस पुरन सुरुवातीला थोडा संथगतीने खेळताना दिसला. काही वेळाने त्याने चेंडू  सीमारेषेच्या बाहेर पाठवण्यास सुरवात केली आणि  पंजाबच्या गोलंदाजांना एक एक करून झोडपून काढले. यादरम्यान पूरनने 30 चेंडूंचा सामना करत 44 धावा चोपल्या. त्याने या खेळीत एकूण 5 चौकार आणि 2 षटकार लगावले. या खेळीमुळे त्याने पुन्हा एकदा ऑरेंज कॅप आपल्याकडे घेतली आहे.

हेही वाचा : LSG vs PBKS : समोर ऐकून घेणारा केएल नाही..! एलएसजीच्या पराभवावर संजीव गोयंका पंतकडे रागावून नाही, तर हसून बघताय..

एलएसजीचा सलग दूसरा पराभव..

काल मंगळवारी (दि. 1 एप्रिल) लखनऊमधील एकेना स्टेडियमवर लखनऊ सुपर जायंट्स विरुद्ध पंजाब किंग्स हे संघ आमनेसामने आले होते.  या सामन्यामध्ये पंजाबच्या संघाने एलएसजीचा 8 विकेट्सने पराभव केला आहे. या विजयाने पंजाबने या हंगामात सलग दुसऱ्या विजय मिळवला तर दुसरीकडे लखनऊचा संघ मात्र दुसऱ्या पराभवाला सामोरा गेला.