ODI Worldcup 2027 : विश्वचषक खेळण्याची ‘या’ खेळाडूंना मिळू शकते संधी, जाणून घ्या कोणाला लागणार लॉटरी ?

ODI Worldcup 2027 : पुढील वर्षी ऑक्टोबर महिन्यात भारत विश्वचषक 2027 खेळण्यासाठी दक्षिण आफ्रिकेला जाणार आहे. या संघात कोण कोणत्या खेळाडूला संधी मिळेल अशी शक्यता वर्तवण्यात येत असून फॉर्मात असलेल्या खेळाडूंची नावं प्रथमदर्शनी समोरं येत आहेत.

• हर्षित राणाला मिळू शकते संधी
• सलामीची जोडी निश्चित 
• यशस्वी जयस्वालला बॅकच्या स्वरुपात संघात जागा

दक्षिण आफ्रिका, झिम्बॉब्वे आणि नांबिया या आयोजनात 2027 वनडे विश्वचषकाची (ODI Worldcup 2027) सुरुवात 2 ऑक्टोबरने होईल. पुढील वर्षी विश्वचषक एकूण 51 दिवसापर्यंत चालेल, ज्यात एकूण 57 सामने खेळवले जातील. भारताच्या ग्रुपमध्ये सहा वेळचा विजेता ऑस्ट्रेलिया असून त्याशिवाय पाकिस्तान आणि यजमान झिम्बॉब्वे यांचाही समावेश आहे.
अशात भारताचा दक्षिण आफ्रिकेला जाणारा संघ कसा असेल, याबाबत एक शक्यता वर्तवण्यात आली असून काही दिग्गज खेळाडूंची या विश्वचषकातील जागा पक्की असून काही जणांना आपली जागा पक्की करण्यासाठी फक्त काही महिनेच हातात शिल्लक राहिले आहेत. तसेच या संघात जागा मिळवण्याची काही जणांची शक्यता माळवली असल्याचीही चर्चा आहे.

पहिल्या फळीतील फलंदाज निश्चित

प्लेइंग इलेव्हनबाबत विचार करता रोहित शर्मा, विराट कोहली व शुभमन गिल यांची जागा पक्की आहे. तसेच बॅकअपच्या रुपात यशस्वी जयस्वालचा संघात समावेश केला जाऊ शकतो. जयस्वालकडे भविष्यातील सलामीवीरच्या रुपात पाहिले जात आहे, त्यामुळे आगामी सर्व वनडे मालिकांमध्ये त्याने आपली जागा निश्चित केली आहे.

Asian Games 2026: कोरियाचा गड भेदला, ४८ वर्षांचा विक्रम मोडला! कुमकुम-अंकिता-कीर्तीचा सुवर्णवेध; रिकर्व्हमध्ये भारताला पहिले गोल्ड

मधल्या फळीत श्रेयस, के. एल. राहुल व रिषभ पंत

वनडे संघाचा उपकर्णधार श्रेयस अय्यरने फलंदाजीत चौथ्या क्रमांकावरील जागा निश्चित केली आहे. या फलंदाजी क्रमवारीत श्रेयसचा दांडगा अनुभव आहे व त्याने चौथ्या क्रमांकावर येत आतापर्यंत 2000 धावा साकारल्या आहेत. तसेच यष्टीरक्षकच्या रुपात के. एल. राहुल संघ व्यवस्थापनाची पसंती असेल, जो पाचव्या क्रमांकावर सांभाळून खेळू शकतो. बॅकअप यष्टीरक्षक आणि मधल्या फळीतील आणखीन एक पर्याय म्हणून रिषभ पंतची निवड होऊ शकते. दरम्यान, पंत सध्या वनडे संघाचा भाग नाही.

अष्टपैलूंमध्ये नितीशकुमार रेड्डी, हार्दिक पंड्या, रविंद्र जडेजा व वॉशिंग्टन सुंदर

दरम्यान, 2027 विश्वचषकाचे सामने आफ्रिकेच्या खेळपट्टीवर खेळवण्यात येत असल्याने, येथे मॅनेजमेंट जास्तीत जास्त वेगवान गोलंदाजांची निवड करेल. मागील काही दिवसांपासून जोरदार चर्चा आहे की, वेगवान गोलंदाज अष्टपैलू नितीशकुमार रेड्डी व हार्दिक पंड्या या दोघांनी विश्वचषक पथकातील आपली जागा पक्की केली आहे. तसेच फिरकीपटूंच्या रुपात रविंद्र जडेजा विश्वचषक खेळू शकतो. वॉशिंग्टन सुंदरला बॅकअप अष्टपैलूच्या रुपात आफ्रिकेसाठी संघात जागा मिळेल.

World Cup 2027: चाहत्यांसाठी पर्वणी! 1,2 नाही तब्बल 3 वेळा भारत-पाकिस्तान देणार वर्ल्ड कपमध्ये टक्कर, काय आहे समीकरण

गोलंदाजीत जसप्रीत बुमराह, मोहम्मद सिराज, कुलदीप याद, हर्षित राणा

वेगवान गोलंदाज जसप्रीत बुमहार भारताच्या पेस अटॅकला लीड करेल. त्याच्या सहकार्यासाठी मोहम्मद सिराज आणि हर्षित राणाला स्क्वॉडमध्ये जागा मिळू शकते. हर्षित राणा मागील काही दिवसांपासून जायबंद आहे, पण दक्षिण आफ्रिकेवरील खेळपट्टींवरील त्याची उंची, धोकादायक पेस व बाउंस करण्याची टेक्निक फायद्याची ठरू शकते. तो त्याशिवाय फलंदाजीतही योगदान देऊ शकतो. कुलदीप यादव मुख्य फिरकीपटूच्या भुमिकेत येथे दिसू शकतो.

असा असू शकतो भारताचा स्क्वॉड

रोहित शर्मा, विराट कोहली, शुभमन गिल (कर्णधार), यशस्वी जयस्वाल, श्रेयस अय्यर, के. एल. राहुल, रिषभ पंत, रवींद्र जडेजा, हार्दिक पांड्या, नितीशकुमार रेड्डी, वॉशिंग्टन सुंदर, हर्षित राणा, कुलदीप यादव, मोहम्मद सिराज, जसप्रीत बुमराह.