Marathi News »
Sports »
Paris Olympics 2024 Opening Ceremony Who Is The Flag Bearer Of India

पॅरिस ऑलम्पिकच्या ऐतिहासिक उद्घाटन सोहळ्यात भारताचा ध्वजवाहक कोण? वाचा सविस्तर

भारतीय ११७ खेळाडू आज पॅरिस ऑलिम्पिक उद्घाटन सोहळ्यामध्ये उपस्थित असणार आहेत. यंदा भारताचे ध्वजवाहक बॅडमिंटन स्टार पीव्ही सिंधू आणि अनुभवी टेबल टेनिसपटू अचंता शरथ कमल यांना भारताचे ध्वजवाहक बनवण्यात आले आहे. देश-विदेशातील दिग्गज आणि युवा खेळाडू या खेळांची शान वाढवतील, परंतु उद्घाटन सोहळा पूर्वीपेक्षा यावेळी अधिक खास असणार आहे.

By शुभांगी मेरे

Updated On: Jul 26, 2024 | 11:04 AM

पॅरिस ऑलम्पिकच्या ऐतिहासिक उद्घाटन सोहळ्यात भारताचा ध्वजवाहक कोण? वाचा सविस्तर

२५ रोजी भारताच्या पॅरिस ऑलिम्पिकच्या (Paris Olympics 2024) मोहिमेला सुरुवात झाली आहे. भारताचे ११७ खेळाडूंना पॅरिसमध्ये ऑलिम्पिकमध्ये खेळण्याची संधी मिळाली आहे. भारताच्या तिरंदाजांनी दमदार सुरुवात करत उपांत्यपूर्व फेरी गाठली आहे. आज पॅरिसमध्ये भव्यदिव्य उद्घाटन सोहळ्याचे आयोजन करण्यात आले आहेत. या सोहळ्यात ऑलिम्पिकमध्ये सहभागी झालेले सर्व खेळाडू या सोहळ्यांना उपस्थित असणार आहेत. या ऑलिम्पिकमध्ये १०,५०० खेळाडू सहभागी झाले आहेत. आजच्या या सोहळ्यात पॅरिसमध्ये यावेळी, देश-विदेशातील दिग्गज आणि युवा खेळाडू या खेळांची शान वाढवतील, परंतु उद्घाटन सोहळा पूर्वीपेक्षा यावेळी अधिक खास असणार आहे. आजच्या सोहळ्याच्या संदर्भात आम्ही तुम्हाला सविस्तर माहिती देणार आहोत.

भारताचा ध्वजवाहक कोण असेल?

पॅरिस ऑलिम्पिकसाठी भारताने ११७ ऍथलीट्सची तुकडी पाठवण्यात आली आहे, यामध्ये २०२० मध्ये टोकियो ऑलिम्पिकमध्ये भारतासाठी सुवर्णपदक जिंकणारे नीरज चोप्रा ते दोन वेळा ऑलिम्पिक पदक विजेती पीव्ही सिंधू यांचा समावेश असणार आहे. बॅडमिंटन स्टार पीव्ही सिंधू आणि अनुभवी टेबल टेनिसपटू अचंता शरथ कमल यांना भारताचे ध्वजवाहक बनवण्यात आले आहे. हे दोन खेळाडू हातात तिरंगा घेऊन भारतीय संघाचे नेतृत्व करणार आहेत.

Hear what star shuttler PV Sindhu and veteran table tennis athlete Sharath Kamal have to say!

As flag bearers at the Paris Olympics 2024, they share what it means to hold the flag together and represent India on the global stage. 🇮🇳#ParisOlympics2024 pic.twitter.com/SG8dehM4hS

— MyGovIndia (@mygovindia) July 26, 2024

परेडमध्ये भारताचा प्रवेश कोणत्या ठिकाणी होईल?

उद्घाटन समारंभात कोणता देश कोणत्या क्रमाने येईल याचा निर्णय वर्णमालानुसार घेतला जातो. हा आदेश इंग्रजी भाषेनुसार नसून यजमान देशाच्या राष्ट्रीय भाषेनुसार करण्यात आला असल्याने, उद्घाटन समारंभाच्या वेळी भारतीय संघाचा प्रवेश ८४व्या क्रमांकावर असणार आहे.