मंगळवार, 10 नोव्हेंबर 2026
टेनिस स्पर्धा (फोटो-सोशल ; मिडिया)
पाषाण (pune) येथील अनिकेत वाकणकर टेनिस कोर्टवर ही स्पर्धा पार पडली. स्पर्धेतील १२ वर्षांखालील मुलींच्या अंतिम फेरीत रितिशा नेहे हिने चमकदार खेळ करत अनया अगरवाल हिचा ४-२, ४-२ असा सरळ सेटमध्ये पराभव करून विजेतेपद आपल्या नावावर केले. मुलांच्या १२ वर्षांखालील गटात अव्वल मानांकित आरुष देशपांडेने आपली विजयी मालिका कायम राखत दुसऱ्या मानांकित क्रिशांग शर्माला ४-२, ४-१ अशा फरकाने पराभूत केले.
१४ वर्षांखालील मुलींच्या अंतिम लढतीत इशिता पाटील हिने एकतर्फी वर्चस्व गाजवत रितिशा नेहेचा ४-०, ४-१ असा सहज पराभव करून विजेतेपदावर नाव कोरले. तर मुलांच्या १४ वर्षांखालील गटात सहाव्या मानांकित आरुष देशपांडेने प्रतिस्पर्धी इथन लाहोटीला ५-३, ४-१ अशा फरकाने नमवून स्पर्धेत दुसरे विजेतेपद निश्चित केले.
स्पर्धेतील सर्व विजेत्या व उपविजेत्या खेळाडूंना मान्यवरांच्या हस्ते करंडक आणि प्रशस्तिपत्रक देऊन गौरविण्यात आले. पारितोषिक वितरण निलेश गायकवाड व अनिकेत वाकणकर यांच्या हस्ते पार पडले. या वेळी स्पर्धा निरीक्षक प्रणव वाघमारे आणि सचिन वदगा यांच्यासह टेनिसप्रेमी उपस्थित होते.
अनया अगरवाल वि. वि. मीरा तहलन ७-२
रितिशा नेहे वि. वि. आयुर्दा घनवट ७-०
अंतिम फेरी :
रितिशा नेहे वि. वि. अनया अगरवाल ४-२, ४-२
१२ वर्षांखालील मुलांचा गट
उपांत्य फेरी
आरुष देशपांडे (१) वि. वि. श्रेयश चौतमहल (३) ७-०
क्रिशांग शर्मा (२) वि. वि. रीदीत नवले (४) ७-२
अंतिम फेरी :
आरुष देशपांडे (१) वि. वि. क्रिशांग शर्मा (२) ४-२, ४-१
१४ वर्षांखालील मुलांचा गट
उपांत्य फेरी
आरुष देशपांडे (६) वि. वि. अगस्त्य तापकीर (१) ७-३
इथन लाहोटी वि. वि. रेयांश जगताप (२) ७-३
अंतिम फेरी
आरुष देशपांडे (६) वि. वि. इथन लाहोटी ५-३, ४-१
Badminton: थ्रिलर फायनल! शेवटच्या क्षणापर्यंत रंगलेल्या लढतीत नाडगोंडे रेव्हन्सचा दणकेबाज विजय
१४ वर्षांखालील मुलींचा गट
उपांत्य फेरी
इशिता पाटील वि. वि. यायरा सॅमसन (१) ७-३
रितिशा नेहे वि. वि. वल्लभा शिंदे ७-४
अंतिम फेरी
इशिता पाटील वि. वि. रितिशा नेहे ४-०, ४-१
