Table Tennis: पुण्यातील टेनिस स्पर्धेत युवा खेळाडूंचा जलवा! ‘या’ चार खेळाडूंची थेट…

Tennis: पीवायसी हिंदू जिमखाना व डेक्कन जिमखाना टेनिस कोर्ट येथे सुरू असलेल्या या स्पर्धेत मुख्य ड्रॉमध्ये पहिल्या फेरीत मुलांच्या गटात अव्वल मानांकित श्रेयश चौतमहल याने विवान डीक्करचे आव्हान ६-१, ६-१ असे मोडीत काढले.

• एमएसएलटीए-पीएमडीटीए चॅम्पियनशीप टेनिस सिरीज 
• श्रेयश, आरुष, देवांश, वेदांत यांची आगेकूच
  
• पीवायसी हिंदू जिमखानातर्फे स्पर्धेचे आयोजन 
  

पुणे/Tennis: पीवायसी हिंदू जिमखानातर्फे व शेपिंग चॅम्पियन्स फाउंडेशन्स पुणे यांच्या सहकार्याने आयोजित एआयटीए, एमएसएलटीए, पीएमडीटीए यांच्या मान्यतेखाली होत असलेल्या एमएसएलटीए-पीएमडीटीए चॅम्पियनशीप सिरीज (१२ वर्षाखालील) टेनिस स्पर्धेत मुलांच्या गटात श्रेयश चौतमहल, आरुष बालसुब्रमण्यम, देवांश चव्हाण, वेदांत अगरवाल यांनी आपापल्या प्रतिस्पर्धी खेळाडूंचा पराभव करून दुसऱ्या फेरीत प्रवेश केला.

पीवायसी हिंदू जिमखाना व डेक्कन जिमखाना टेनिस कोर्ट येथे सुरू असलेल्या या स्पर्धेत मुख्य ड्रॉमध्ये पहिल्या फेरीत मुलांच्या गटात अव्वल मानांकित श्रेयश चौतमहल याने विवान डीक्करचे आव्हान ६-१, ६-१ असे मोडीत काढले. तामिळनाडूच्या आरुष बालसुब्रमण्यम याने महाराष्ट्राच्या रियांश सिंगचा ६-०, ६-१ असा सहज पराभव केला. आठव्या मानांकित देवांश चव्हाण याने पात्रता फेरीतून मुख्य फेरीत प्रवेश केलेल्या ओजस पवारचा ५-७, ६-२, ६-१ असा संघर्षपूर्ण लढतीत पराभव करून दुसरी फेरी गाठली.

हीरा है यह हीरा! गुलवीर सिंहची पदकांची हॅट्ट्रिक; तब्बल 38 वर्षांनी रचला ‘हा’ इतिहास, Asian Games मध्ये…

रिदीत नवलेचा एकतर्फी विजय

पाचव्या मानांकित रिदित नवले याने विआन गोयलला ६-१, ६-० असे पराभूत केले. महाराष्ट्राच्या वेदांत अगरवाल याने कर्नाटकाच्या अनुप शिरूरचा ६-३, ६-४ असा पराभव करून आगेकूच केली. याआधी स्पर्धेचे उद्घाटन पीवायसी हिंदू जिमखानाचे चकोर गांधी यांच्या हस्ते करण्यात आले. यावेळी पीएमडीटीएचे सचिव अभिषेक ताम्हाणे, हेमंत बेंद्रे आणि एआयटीए सुपरवायझर प्रवीण झिटे आदी मान्यवर उपस्थित होते.

पहिली फेरी : मुले 

श्रेयश चौतमहल (१) (महाराष्ट्र) वि.वि. विवान डीक्कर (महाराष्ट्र) ६-१, ६-१; मोहम्मद शेख (महाराष्ट्र) वि.वि. अन्वेष पाटील (महाराष्ट्र) ६-२, ६-४; मल्हार सानप (महाराष्ट्र) वि.वि. आयांश सरकार (महाराष्ट्र) ६-३, ६-०; अर्थ सानप (महाराष्ट्र) (७) वि.वि. आदिराज पाटील (महाराष्ट्र) ६-४, ६-४; कबीर पंचमतिया (महाराष्ट्र) (३) वि.वि. अभिमन्यू चव्हाण (महाराष्ट्र) ६-२, ६-४; आरुष बालसुब्रमण्यम (तामिळनाडू) वि.वि. रियांश सिंग (महाराष्ट्र) ६-०, ६-१; देवांश चव्हाण (महाराष्ट्र) (८) वि.वि. ओजस पवार (महाराष्ट्र) ५-७, ६-२, ६-१; रिदित नवले (महाराष्ट्र) (५) वि.वि. विआन गोयल (महाराष्ट्र) ६-१, ६-०; वेदांत अगरवाल (महाराष्ट्र) वि.वि. अनुप शिरूर (कर्नाटक) ६-३, ६-४.

याला म्हणतात दणका! आराध्याचा तूफानी धडाका! शानदार खेळीने एलिट ॲकॅडमीचा दणदणीत विजय