रोहित शर्माला मुंबई इंडियन्समध्ये १५ वर्ष पूर्ण (फोटो सौजन्य - इन्स्टाग्राम)
रोहितच्या कर्णधारपदाखाली मुंबई इंडियन्सने पाच वेळा आयपीएलचे विजेतेपद पटकावले आहे. फ्रँचायझीसोबतची १५ वर्षे पूर्ण झाल्याच्या निमित्ताने, सध्याचा कर्णधार हार्दिक पांड्याने फ्रँचायझीच्या वतीने रोहितला एक भेटवस्तू दिली आणि भावूक हार्दिक पांड्याने आपल्या भावनादेखील यावेळी व्यक्त केल्या.
MI Vs DC Playing 11: केएल राहुलचा क्लास अन् Rohit Sharma चा…; काय आहे आजची प्लेइंग 11
हार्दिक रोहितबद्दल काय म्हणाला?
View this post on Instagram
या निमित्ताने मुंबई इंडियन्सच्या एका व्हिडिओमध्ये हार्दिक पांड्या म्हणाला, “रो, १५ वर्षे पूर्ण केल्याबद्दल अभिनंदन. तुम्ही इतकी वर्षे ज्या प्रकारे या फ्रँचायझीचे नेतृत्व केले आहे, त्याबद्दल धन्यवाद. मी पदार्पण केले, बूमने केले आणि आमच्यापैकी अनेकांनी तुमच्या कर्णधारपदाखाली पदार्पण केले. या फ्रँचायझीसाठी, तसेच भारतासाठी खेळलेल्या अनेक लोकांना प्रेरणा दिल्याबद्दल धन्यवाद. एक माणूस म्हणून, तुम्ही अद्भुत आणि अप्रतिम आहात.” तुम्ही नेहमीच खूप मनमिळाऊ आणि मोकळ्या मनाचे राहिला आहात. तुम्ही नेहमीच आघाडीवर राहून नेतृत्व केले आहे, त्यामुळे तुमचे अभिनंदन आणि तुम्ही ज्या प्रकारे अनेक वर्षे संघाचे नेतृत्व केले त्याबद्दल मनःपूर्वक धन्यवाद.
मुंबई इंडियन्ससाठी रोहितचा विक्रम
डेक्कन चार्जर्सकडून तीन वर्षे खेळल्यानंतर, २०११ मध्ये मुंबई इंडियन्ससाठी रोहित शर्माला सर्वाधिक बोली लागली. तो त्या हंगामातील चौथा सर्वात महागडा खेळाडू होता. तो २ दशलक्ष डॉलर्समध्ये मुंबई इंडियन्समध्ये सामील झाला. २०१३ च्या हंगामाच्या मध्यात मुंबईने रोहितला कर्णधार म्हणून नियुक्त केले आणि त्या हंगामात संघ पहिल्यांदाच चॅम्पियन बनला. त्यानंतर, रोहित शर्माच्या कर्णधारपदी मुंबई इंडियन्सने २०१५, २०१७, २०१९ आणि २०२० मध्ये आयपीएलचे विजेतेपद पटकावले. तो २०२३ पर्यंत कर्णधार राहिला. त्याने १५८ सामन्यांमध्ये मुंबई इंडियन्सचे नेतृत्व केले आणि संघाला ८७ विजय मिळवून दिले.
