Rohit Sharma : ‘मी येथे खेळायला आलोय, टीमसाठी काय महत्त्वाचे ते करतोय….’; रोहित शर्माने केली सर्वांची बोलती बंद

माझ्या टीमसाठी काय महत्त्वाचे ते करतोय, आणि मी येथे खेळायला आलोय, कोण काय बोलते याची पर्वा नाही. आम्ही स्टीलचे बनलोय, असे ठणकावून सांगत रोहित शर्माने अनेकांची तोंडे बंद केली.

Rohit Sharma : भारत विरुद्ध ऑस्ट्रेलियाच्या शेवटच्या आणि अंतिम टेस्टमध्ये भारतीय संघाने आतापर्यंत 145 धावांची लीड घेतली आहे. असे असताना या सिडनी टेस्टमध्ये सर्वाधिक चर्चेचा विषय ठरला रोहित शर्मा. रोहित शर्माचा खराब फॉर्मनंतर त्याच्या रिटायरमेंटच्या चर्चा सर्वाधिक होऊ लागल्या. त्याच्या खेळावर मोठे प्रश्नचिन्ह उपस्थित केले जाऊ लागले असे सर्व असताना आज रोहित शर्माने सर्व प्रश्नांना मुंबई स्टाईलने उत्तर देत सर्वांची तोंड बंद केली.

माझ्या टीमसाठी गरजेचे ते केले

रोहित शर्माने म्हटले आहे की, मी कोण काय बोलते याचा मी विचार करत नाहीये, एवढ्या लांब मी आलोय बाहेर राहायला नाही आलोय. मला खेळायचेय पण मी आऊट ऑफ फॉर्म चाललोय. माझ्या टीमसाठी मी आऊट ऑफ फॉर्म जास्त दिवस कॅरी नाही करू शकत. सर्वात महत्त्वाचे म्हणजे टीमसाठी काय गरजेचे आहे, तर त्यासाठी मी निर्णय घेतला. मी निर्णय सिडनीला आल्यावर घेतला. परंतु हे माझ्या डोक्यात मेलबर्न टेस्टपासून चालले होते. मग मी माझा निर्णय टीम सिलेक्टर्स आणि कोच यांना डिसिजन सांगितला आणि त्यांनी तो मान्य केला.

आम्ही स्टीलचे बनलोय आणि खेळाडूंनासुद्धा स्टीलचे बनवतोय

माझ्या संघासाठी आणि सहकाऱ्यांसाठी बाहेर काय चालले आहे याची पर्वा करीत नाही, तो म्हणाला की आम्ही खेळाडू स्टीलचे बनलेले आहोत. आणि बाहेरचे लोक आपल्याबद्दल काय बोलतात याची आम्हाला पर्वा नाही. कसोटी निवृत्तीबाबतही तो उघडपणे बोलला. रोहित म्हणाला की, जर कोणाला वाटत असेल की संघाच्या आतल्या बातम्या लीक होत आहेत तर तसे होऊ द्या. आम्हाला काही फरक पडत नाही.

अफवांवर लक्ष न देण्याचा सल्ला
रोहित शर्माने आपल्या संघातील खेळाडूंना बाहेरच्या गोष्टी आणि अफवांवर लक्ष न देण्याचा सल्ला दिला आहे, तो म्हणाला की, संघ सध्या सिडनी कसोटी जिंकण्यावर लक्ष केंद्रित करीत आहे. कारण आम्ही खेळाडू पोलादी आहोत, टीम इंडिया 5 सामन्यांच्या मालिकेत 1-2 ने पिछाडीवर आहे. बॉर्डर गावस्कर ट्रॉफी कायम ठेवण्यासाठी टीम इंडियाला सिडनी कसोटी कोणत्याही किंमतीत जिंकावीच लागेल. दरम्यान, रोहितच्या निवृत्तीच्या अफवाही पसरत असून त्यामुळे परिस्थिती गुंतागुंतीची झाली आहे.

खेळाडूंना बळ देण्यासाठी सर्वोतोपरी प्रयत्न करणार

रोहित शर्माने स्टार स्पोर्ट्सला सांगितले की, ‘या (अफवांचा) आमच्यावर परिणाम होत नाही. कारण आम्ही खेळाडू स्टीलचे बनलेले आहोत. खेळाडूंना बळ देण्यासाठी आम्ही आमच्या बाजूने सर्वतोपरी प्रयत्न केले आहेत. आम्ही काही गोष्टींवर नियंत्रण ठेवू शकत नाही आणि आम्ही त्यांची काळजी करू इच्छित नाही. आम्हाला यावर वेळ वाया घालवायचा नाही. ते (गळती होऊ द्या) आम्ही याबद्दल काहीही करू शकत नाही. फक्त सामना जिंकण्यावर आणि सर्वोत्तम कामगिरी करण्यावर लक्ष केंद्रित करा. हेच आपल्याला करायचे आहे. प्रत्येकाला मैदानात येऊन सामना जिंकायचा असतो. आपल्या सर्वांना त्या (अफवा) संपवायचा आहे. मला सांगा, इतर कोणत्या संघाने येथे दोनदा मालिका जिंकली आहे? आमच्याकडे सुवर्णसंधी आहे. आम्ही मालिका जिंकू शकत नाही पण ही मालिका ड्रॉ करू शकतो.
‘मी ५-६ महिन्यांपूर्वी कर्णधार होतो’
रोहितने मान्य केले की कोणताही निर्णय चुकला तर त्याच्यावर टीका होईल. पण तो म्हणाला की हे त्याला त्याच्या मार्गापासून दूर जाण्यापासून रोखत नाही. तो म्हणाला, संघाचे नेतृत्व करताना तुम्हाला नेहमीच चांगले दिवस येणार नाहीत हे मान्य करावे लागेल. विचार आणि तुमची मानसिकता सारखीच आहे. आजही माझी मानसिकता आणि विचार प्रक्रिया तशीच आहे जी मी ५-६ महिन्यांपूर्वी कर्णधारपद भूषवत होतो पण कधी कधी तुम्हाला अनुकूल परिणाम मिळत नाहीत. मला माहित आहे की 140 कोटी लोक आमचा न्याय करतील. बस्स. मला स्वतःवर संशय घ्यायचा नाही. मी जे करत आहे ते योग्य आहे हे मला माहीत आहे. मला कर्णधारपदाच्या बाबतीत माझा दृष्टिकोन बदलायचा नाही.
‘मीही चुकू शकतो’
रोहितच्या म्हणण्यानुसार, ‘मीही चुकीचा असू शकतो. काल जर मी ठरवले की मी सिडनीमध्ये फलंदाजी करायची होती पण प्रत्यक्षात मी गोलंदाजी करायला हवी होती. हे चुकीचे असू शकते पण याचा अर्थ असा नाही की तुमची विचारसरणी चुकीची आहे.’ जेव्हा रोहितला विचारण्यात आले की, जसप्रीत बुमराहशिवाय आणखी कोणता खेळाडू भविष्यात भारतीय संघाचे नेतृत्व करू शकतो, तेव्हा तो म्हणाला, हे सांगणे कठीण आहे. असे अनेक खेळाडू आहेत पण त्यांनी आधी क्रिकेटचे महत्त्व समजून घ्यावे, या जागेचे महत्त्व समजून घ्यावे असे मला वाटते. त्यांनी तसे करावे असे मला वाटते. मी सध्या या पदावर आहे. बुमराह आहे. आमच्या आधी विराट कोहली आणि महेंद्रसिंग धोनी या पदावर होते. कोणलाही हे पद ताटात आयते मिळालेले नाही. असे पद कोणालाही मिळू नये. त्यांना मेहनत करू द्या. आमच्या खेळाडूंमध्ये खूप प्रतिभा आहे. मी आताच कोणाचे नाव घेणार नाही
भारताचा कर्णधार होणं ही सोपी गोष्ट नाही
रोहित म्हणाला, ‘भारताचा कर्णधार होणं ही सोपी गोष्ट नाही. दबाव आहे, पण तो मोठा सन्मान आहे. आमचा इतिहास आणि आम्ही ज्या पद्धतीने क्रिकेट खेळत आहोत ते पाहता ही मोठी जबाबदारी आहे. त्यांना हे पद मिळवू द्या. त्यांना ही संधी मिळणार आहे.