IND vs SL: टीम इंडियासाठी गुड न्यूज! Shubman gill फिट, श्रीलंकेविरुद्ध फलंदाजीसाठी मैदानात
साई सुदर्शनच्या जागी सरफराज खानचा दोन सामन्यांच्या कसोटी मालिकेसाठी भारतीय संघात समावेश करण्यात आला आहे. सरफराज लवकरच कोलंबो येथे भारतीय संघात सामील होईल. त्यानंतर संघ पहिल्या कसोटीसाठी गॉलकडे रवाना होईल. भारत आणि श्रीलंका यांच्यातील मालिकेतील पहिली कसोटी १५ ऑगस्ट २०२६ पासून गॉल येथे खेळवली जाईल. सरफराजसाठी संघात परतण्याची ही एक महत्त्वपूर्ण संधी आहे. सराफराने देशांतर्गत क्रिकेटमध्ये सातत्याने दमदार कामगिरी केली आहे. तो यापूर्वीही भारतीय कसोटी संघाचा भाग होता. बीसीसीआयने जाहीर केले आहे की, सरफराज खान गॉल येथील पहिल्या कसोटीपूर्वी भारतीय संघात सामील होईल.
श्रीलंकेविरुद्धच्या दोन सामन्यांच्या कसोटी मालिकेसाठी साई सुदर्शनच्या जागी संघात स्थान मिळालेल्या सरफराज खानने शेवटचा सामना नोव्हेंबर २०२४ मध्ये मायदेशात न्यूझीलंडविरुद्ध खेळला होता. तेव्हापासून सरफराज खानला खेळण्याची संधी मिळालेली नाही. आपल्या कसोटी कारकिर्दीत त्याने सहा कसोटी सामने खेळले असून, ११ डावांमध्ये फलंदाजी करताना ३७.१ च्या सरासरीने ३७१ धावा केल्या आहेत. या काळात त्याने तीन अर्धशतके आणि एक शतकही झळकावले आहे.
बीसीसीआयने श्रीलंका दौऱ्यासाठीच्या संघात सरफराज खानचा समावेश करण्यासोबतच, एका अधिकृत निवेदनात साई सुदर्शनच्या तंदुरुस्तीबद्दलही माहिती दिली आहे. त्यानुसार, सुदर्शनला श्रीलंकेविरुद्धच्या कसोटी मालिकेतून वगळण्यात आले आहे. तो बंगळूरु येथील बीसीसीआय सेंटर ऑफ एक्सलन्समध्ये त्याच्या उजव्या पायाच्या अंगठ्याला झालेल्या स्ट्रेस रिॲक्शन दुखापतीतून सावरत आहे. त्याच्या प्रकृतीत लक्षणीय सुधारणा झाली असून तो बरा होत आहे. मेडिकल टीम त्याच्या प्रकृतीवर बारकाईने लक्ष ठेवून आहे.
शुभमन गिल (कर्णधार), केएल राहुल (उपकर्णधार), यशस्वी जैस्वाल, ऋषभ पंत (यष्टीरक्षक), ध्रुव जुरेल (यष्टीरक्षक), रवींद्र जडेजा, कुलदीप यादव, मानव सुथार, मोहम्मद सिराज, प्रसिद्ध कृष्णा, गुरनूर ब्रार, देवदत्त पडिक्कल, सारांश जैन, आकिब नबी, सरफराज खान.
.png "Videos"){kind=small}
