तिरंगा उंचावला, साताऱ्याचा डंका वाजवला! Asian Games 2026 मधल्या ‘सुवर्ण’वीरांचे भव्य स्वागत

Asian games 2026: आशियाई क्रीडा स्पर्धेत सुवर्णपदकावर नाव कोरणाऱ्या सातारा जिल्ह्यातील सुपुत्रांच्या गौरवाप्रीत्यर्थ साताऱ्यात एका भव्य विजय रॅलीचे आयोजन करण्यात आले होते.

• एशियन गेम्समध्ये भारताने केली शानदार कामगिरी 
• सातारा जिल्ह्यात खेळाडूंचा भव्य सत्कार 
• जिल्हाधिकारी आणि पोलिस अधीक्षकांनी दिल्या शुभेच्छा 

Asian Games 2026: जपानमध्ये सध्या एशियन गेम्स 2026 स्पर्धा सुरू आहे या स्पर्धेत भारताच्या खेळाडूंनी शानदार कामगिरी केली आहे. एशियन गेम्स 2026 मध्ये आपल्या चमकदार कामगिरीच्या जोरावर भारतीय तिरंगा फडकवून देश आणि आपल्या सातारा जिल्ह्याचे नाव आंतरराष्ट्रीय स्तरावर उज्ज्वल करणाऱ्या खेळाडूंचे सोमवारी साताऱ्यात अत्यंत धुमधडाक्यात आणि भव्य दिव्य स्वागत करण्यात आले आहे. या खेळाडूंचे स्वागत करण्यासाठी सातारा शहरात मोठी तयारी आणि लोकांची गर्दी पाहायला मिळाली.

आशियाई क्रीडा स्पर्धेत सुवर्णपदकावर नाव कोरणाऱ्या सातारा जिल्ह्यातील सुपुत्रांच्या गौरवाप्रीत्यर्थ साताऱ्यात एका भव्य विजय रॅलीचे आयोजन करण्यात आले होते. या रॅलीमध्ये शहरातील विविध शाळा-कॉलेजांमधील हजारो विद्यार्थी, युवा खेळाडू, क्रीडाप्रेमी आणि स्थानिक नागरिक मोठ्या उत्साहाने सहभागी झाले होते.या रॅलीमध्ये शहरातील विविध शाळा-कॉलेजांमधील हजारो विद्यार्थी, युवा खेळाडू, क्रीडाप्रेमी आणि स्थानिक नागरिक मोठ्या उत्साहाने सहभागी झाले होते.

Lovlina Borgohain : पहिल्याच संधीत पात्र ठरण्याचे लक्ष्य; ऑलिम्पिकवर लवलिनाच्या नजरा

छत्रपती शाहू स्टेडियमवर संपन्न झालेल्या या मुख्य सोहळ्यात एशियन गेम्स २०२६ चे सुवर्णपदक विजेते साहिल राजेश जाधव, ऋतुजा दादासाहेब पिसाळ आणि सुदेशना शिवणकर हे मंचावर उपस्थित होताच संपूर्ण स्टेडियम प्रेक्षकांच्या आणि क्रीडाप्रेमींच्या टाळ्यांच्या कडकडाटाने दुमदुमून गेले. जिल्हाधिकारी संतोष पाटील आणि पोलीस अधीक्षक निखिल पिंगळे यांनी या तिन्ही सुवर्णपदक विजेत्या खेळाडूंना शाल, श्रीफळ, सन्मानपत्र आणि मानचिन्ह प्रदान करून त्यांचा गौरव केला.

सातारा, महाराष्ट्र: एशियन गेम्स 2026 में जिले का प्रतिनिधित्व करने वाले खिलाड़ियों के सम्मान में डायरेक्टरेट ऑफ स्पोर्ट्स एंड यूथ सर्विसेज, जिला खेल परिषद और जिला खेल अधिकारी कार्यालय की ओर से भव्य रैली निकाली गई। रैली में शहर के विभिन्न स्कूलों के बड़ी संख्या में छात्रों ने भाग लिया। रैली के बाद गौरव शाहू स्टेडियम में आयोजित सम्मान समारोह में जिला कलेक्टर संतोष पाटिल और जिला पुलिस अधीक्षक निखिल पिंगले ने स्वर्ण पदक विजेता साहिल राजे जाधव, ऋतुजा दादासाहेब पिसल और सुदेशना शिवंकर को सम्मानित किया। — IANS Hindi (@IANSKhabar) October 5, 2026

या प्रसंगी उपस्थितांना संबोधित करताना जिल्हाधिकारी संतोष पाटील म्हणाले, “सातारा जिल्ह्याच्या या गुणी खेळाडूंनी आशियाई क्रीडा स्पर्धेत तिरंगा फडकवून केवळ साताऱ्याचेच नव्हे, तर संपूर्ण देशाचे नाव जागतिक स्तरावर सुवर्ण अक्षरांनी कोरले आहे. त्यांची ही ऐतिहासिक कामगिरी जिल्ह्यातील हजारो बाल आणि युवा खेळाडूंसाठी अत्यंत प्रेरणादायी ठरेल. सातारा जिल्ह्यात दर्जेदार क्रीडा पायाभूत सुविधा निर्माण करण्यासाठी आणि खेळाडूंना सर्वतोपरी मदत करण्यासाठी जिल्हा प्रशासन कटिबद्ध आहे.”

Asian Games 2026 : Bye Bye Japan, 20 व्या आशियाई स्पर्धेची सांगता, आता ‘या’वर्षी दोहामध्ये रंगणार स्पर्धा

पोलीस अधीक्षक निखिल पिंगळे यांनीही खेळाडूंचे अभिनंदन करताना त्यांच्या शिस्तबद्ध मेहनतीचे कौतुक केले. “कोणत्याही आंतरराष्ट्रीय स्पर्धेत सुवर्णपदक मिळवणे ही साधी गोष्ट नाही. त्यामागे खेळाडूंची वर्षानुवर्षांची अखंड मेहनत, शिस्त आणि कौटुंबिक त्याग असतो. साहिल, ऋतुजा आणि सुदेशना यांनी दाखवून दिलेल्या या समर्पणामुळे सातारा पोलीस दल आणि संपूर्ण जिल्ह्याला त्यांचा मनस्वी अभिमान आहे,”