Kabaddi Tournament : अमर हिंदचा दणदणीत विजय; सेजल कांबळेची चमकदार कामगिरी, जय भारत-यशचीही आगेकूच

Kabaddi Tournament : शिवनेरी सेवा मंडळाच्या कबड्डी महोत्सवात अमर हिंद मंडळाने महिला गटात भारतमाता महिला संघाचा पराभव करत दणदणीत विजय नोंदवला. सेजल कांबळेच्या आक्रमक चढायांनी अमर हिंदच्या विजयात महत्त्वाची भूमिका बजावली.

• कुमार गटात जय भारतची आगेकूच
• महिला गटात विश्वशांतीची गरुड भरारी
• व्यावसायिक गटात बेस्टचा टीबीएमवर दणदणीत विजय

शिवनेरी सेवा मंडळाच्या कबड्डी महोत्सवात (Kabaddi Tournament) अमर हिंद मंडळाने महिला गटात भारतमाता महिला संघाचा पराभव करत दणदणीत विजय नोंदवला. सेजल कांबळेच्या आक्रमक चढायांनी अमर हिंदच्या विजयात महत्त्वाची भूमिका बजावली.
कुमार गटात जय भारत सेवा मंडळ आणि यश क्रीडा मंडळाने, तर महिला गटात विश्वशांती क्रीडा मंडळाने विजय मिळवला. व्यावसायिक गटात बेस्ट, पी. डी. हिंदुजा आणि मुंबई पोस्टल संघांनीही प्रतिस्पर्ध्यांवर मात केली.

महिला गटात अमर हिंद मंडळाने भारतमाता महिला संघाचा 45-30 असा 15 गुणांनी पराभव केला. अमर हिंदकडून सेजल कांबळेने चढाईत, तर सलोनी नाक्तीने पकडीत प्रभावी कामगिरी केली. भारतमातेकडून पायल कांचनने चढाईत, तर दृष्टी कुंभारने पकडीत चांगला खेळ केला. मात्र, अमर हिंदने सामन्यावर वर्चस्व राखत विजय साकारला.

कुमार गटात जय भारतची आगेकूच

कुमार गटात जय भारत सेवा मंडळाने आकांक्षा क्रीडा मंडळाचा 36-24 असा 12 गुणांनी पराभव केला. जय भारतकडून आर्यन बावडेकरने चढाईत, तर तन्मय बावकरने पकडीत चमक दाखवली. आकांक्षाकडून ओमकार पवार आणि स्वप्निल पाटील यांनी अनुक्रमे चढाई व पकडीत योगदान दिले. याच गटात यश क्रीडा मंडळाने पंचगंगा सेवा मंडळावर ३५-३१ अशी चार गुणांनी मात केली.

Its Show Time : नीरज गोयात विरुद्ध अँथनी पेटिस असा रंगणार ऐतिहासिक Boxing Match!

महिला गटात विश्वशांतीची गरुड भरारी

महिला गटातील दुसऱ्या सामन्यात विश्वशांती क्रीडा मंडळाने गोल्फादेवी प्रतिष्ठानचा 32-25 असा सात गुणांनी पराभव केला. विश्वशांतीकडून रोझी डिसोझाने चढाईत, तर शितल मेरांडेने पकडीत चांगली कामगिरी केली. गोल्फादेवी प्रतिष्ठानकडून रचना म्हात्रेने चढाईत, तर जागृती घोसाळकरने पकडीत योगदान दिले.

व्यावसायिक गटात बेस्ट संघाने टीबीएमवर 36-31 अशी पाच गुणांनी मात केली. बेस्टकडून सुरेश पाटीलने चढाईत, तर राहुल परबने पकडीत प्रभावी खेळ केला. टीबीएमकडून पारस शिर्के आणि विकास जोगले यांनी अनुक्रमे चढाई व पकडीत प्रयत्न केले.

Cricket: कोंडाळा महालीच्या मुलींची बाजी, जिल्हास्तरीय क्रिकेट स्पर्धेत प्रथम; विभागीय स्पर्धेसाठी दिमाखात निवड

दुसऱ्या सामन्यात पी. डी. हिंदुजा संघाने आरबीएससीचा 45-37 असा आठ गुणांनी पराभव केला. या निकालांमुळे शिवनेरी कबड्डी महोत्सवातील कुमार, महिला आणि व्यावसायिक गटांतील स्पर्धेची रंगत वाढली आहे.