गुरुवार, 15 ऑक्टोबर 2026
Washim District Girls Cricket Tournament
मंगरूळपीर येथील वाय. सी. महाविद्यालयात मंगळवारी आयोजित जिल्हास्तरीय क्रिकेट स्पर्धेत कारंजा तालुक्यातील प्रतिस्पर्धी संघाविरुद्ध खेळताना विद्यालयाच्या मुलीनी उत्कृष्ट खेळाचे प्रदर्शन केले. मैदानावरील चपळता, अचूक नियोजन, जिद्द, चिकाटी आणि एकजुटीच्या बळावर खेळाडूंनी विजयश्री खेचून आणली. प्रत्येक खेळाडूने संघाच्या यशासाठी दिलेले योगदान कौतुकास्पद ठरले.
या विजयामुळे मुलींच्या क्रोडागुणांना नवी दिशा मिळाली असून विभागीय स्तरावरही यशाची परंपरा कायम राखण्याचा आत्मविश्वास संघाने निर्माण केला. यशस्वी खेळाडूंची नावे पवित्रा देशमुख, कोमल आमदरे, गौरी शिंदे, खुशी महाले, रुपाली महाले, तेजस्विनी गावंडे, संस्कृती कांबळे, आर्या गाडेकर, अनुष्का कदम, दिव्या महाले, वैष्णवी राऊत, वेदिका डाखोरे, अंजली आवगण, शामल चव्हाण, श्रुती गायकवाड, मनीषा नालेगावकर यांनी यश खेचुन आणले. यशस्वीतेसाठी संघाला मार्गदर्शन करणारे व्ही. डी. सरकटे, के. एस. जाधव यांचे योगदान महत्त्वपूर्ण ठरले. घवघवीत यशाबद्दल संस्थेचे सचिव प्रा. व्ही एस चव्हाण, प्राचार्य कवार, शिक्षक व शिक्षकेतर कर्मचारी यांनी सर्व खेळाडूंचे आणि मार्गदर्शक शिक्षकांचे कौतुक केले.
या यशामुळे विद्यालयातील क्रीडा संस्कृतीला प्रोत्साहन मिळाले असून विद्यार्थिनींच्या आत्मविश्वासातही वाढ झाली आहे. खेळाडूंनी नियमित सराव, शिस्त आणि सांघिक समन्वयाच्या जोरावर हे यश मिळवले. आता विभागीय स्तरावरील स्पर्धेतही उत्कृष्ट कामगिरी करण्यासाठी संघाकडून विशेष तयारी केली जाणार आहे. या यशामुळे परिसरातील इतर विद्यार्थिनींनाही क्रीडा क्षेत्रात पुढे येण्याची प्रेरणा मिळेल, असा विश्वास शिक्षकांनी व्यक्त केला.
