पुण्यात Table Tennis स्पर्धेचा थरार! श्रेयस माणकेश्वर, सई कुलकर्णी यांची बाजी; तर 60 वर्षांवरील गटात…

60 वर्षांवरील प्रौढ गटात अंतिम सामन्यात चौथ्या मानांकित हरीश साळवी याने तिसऱ्या मानांकित रोहिंटन तोडीवालाचा 11-9,11-7,11-9 असा पराभव करून विजेतेपदाला गवसणी घातली.

पुणे जिल्हा टेबल टेनिस अजिंक्यपद स्पर्धेचे आयोजन
‘शारदा स्पोर्ट्स सेंटर’ येथे सुरू आहे टेबल टेनिस स्पर्धा
60 वर्षांवरील प्रौढ गटात  हरीश साळवी विजेते

पुणे: पुणे जिल्हा टेबल टेनिस संघटने तर्फे आयोजित व माजी टेबल टेनिसपटू यांच्या वतीने पुरस्कृत बालुफ ऑटोमेशन ‘प्लेअर्स कप 2026 पुणे जिल्हा टेबल टेनिस अजिंक्यपद स्पर्धेत 17 वर्षांखालील मुले व मुलींच्या गटात अनुक्रमे श्रेयस माणकेश्वर, सई कुलकर्णी यांनी, तर  60 वर्षांवरील प्रौढ गटात  हरीश साळवी यांनी विजेतेपद संपादन केले.

‘शारदा स्पोर्ट्स सेंटर’ येथे सुरू असलेल्या या स्पर्धेत  17 वर्षांखालील मुलांच्या गटात अंतिम फेरीत  श्रेयस माणकेश्वर याने अव्वल मानांकित अद्वैय हुद्दारचा 11-9,11-9,11-4 असा पराभव करून विजेतेपद पटकावले.  श्रेयस हा डीईएस एज्युकेशन सोसायटी सेकंडरी स्कुलमध्ये नववी इयत्तेत शिकत असून पीवायसी टॉस टेबल टेनिस अकादमीत प्रशिक्षक दिपेश अभ्यंकर यांच्या मार्गदर्शनाखाली सराव करतो.

17 वर्षांखालील मुलींच्या गटात अंतिम लढतीत चौथ्या मानांकित सई कुलकर्णीने नीरजा देशमुखचा 14-12,14-12,11-4 असा पराभव करून विजेतेपदाचा मान पटकावला. सई हि मिलेनियम नॅशनल शाळेत कला शाखेत अकरावी इयत्तेत शिकत असून चॅम्पियन्स टेबल टेनिस अकादमीत प्रशिक्षक लाँथोओइबा यांच्या मार्गदर्शनाखाली सराव करते.

Table Tennis: पुण्याच्या खेळाडूंचा दबदबा! हरीश साळवी चॅम्पियन, प्रदीप गुप्ताचाही कडवा संघर्ष

60 वर्षांवरील प्रौढ गटात अंतिम सामन्यात चौथ्या मानांकित हरीश साळवी याने तिसऱ्या मानांकित रोहिंटन तोडीवालाचा 11-9,11-7,11-9 असा पराभव करून विजेतेपदाला गवसणी घातली. ६५ वर्षांवरील महिला गटात अंतिम लढतीत पुण्याच्या सुहासिनी बाकरेने मुंबई शहरच्या उज्वला मराठेचा ११-४,११-६,११-६ असा पराभव करून विजेतेपद पटकावले.

निकाल:  17 वर्षांखालील मुले: उपांत्यपूर्व फेरी: 

शौरेन सोमण [5] वि.वि.अनुज फुलसुंदर [4] 11-5,11-9,9-11,11-5;
निशाद लेले[6] वि.वि.स्वरूप भाडळकर[3] 6-11,11-5,11-8,11-6;
श्रेयस माणकेश्वर  वि.वि.शारंग गवळी[2] 11-4,10-12,11-7,11-5;

उपांत्य फेरी
श्रेयस माणकेश्वर  वि.वि.निशाद लेले[6] 11-9,11-8,6-11,11-9;
अंतिम फेरी: श्रेयस माणकेश्वर  वि.वि.अद्वैय हुद्दार[1] 11-9,11-9,11-4;

17 वर्षांखालील मुली: उपांत्यपूर्व फेरी:
दिया शिंदे[1] वि.वि.डायना पटेल 11-3,11-7,11-9;

सई कुलकर्णी[4] वि.वि.स्वरदा साने 11-2,9-11,11-8,11-7;

नीरजा देशमुख वि.वि.मेधा कोत्रा[3] 9-11,11-7,11-7,11-9;
श्रेया गायकवाड वि.वि.सारा गांधी 9-11,11-9,11-7,11-8;

उपांत्य फेरी:
सई कुलकर्णी[4] वि.वि.दिया शिंदे[1] 18-16,11-5,11-2;

नीरजा देशमुख  वि.वि.श्रेया गायकवाड 11-8,8-11,11-7,11-9;

अंतिम फेरी:सई कुलकर्णी[4] वि.वि.नीरजा देशमुख 14-12,14-12,11-4

Sports News: पुण्यनगरीत टेबल टेनिसचा महासंग्राम! ज्येष्ठ खेळाडूंच्या जबरदस्त खेळाने जिंकली प्रेक्षकांची मनं

60 वर्षांवरील प्रौढ गट: उपांत्य फेरी:

हरीश साळवी[4] वि.वि.बापू काटदरे[1] 11-9,11-2,11-6
रोहिंटन तोडीवाला[3] वि.वि. अनिल निंबाळकर 11-2,11-3,11-5;

अंतिम फेरी: हरीश साळवी[4] वि.वि.रोहिंटन तोडीवाला[3] 11-9,11-7,11-9.