IND Vs ZIM: नंदिनी शर्माने झिम्बाब्वेला रोखले! भारताला विजयासाठी केवळ 115 रन्सची गरज

IND Vs ZIM: झिम्बाब्वेच्या संघाला प्रथम फलंदाजी करण्याचे निमंत्रण भारताने दिले होते. झिम्बाब्वेच्या संघाकडून डावाची सुरुवात केलिस न्धलोवू आणि प्रिय बिझाने केली. मात्र प्रिय बिझा एकही रन करता आउट झाली.

स्मृती मंधानाच्या नेतृत्वात पहिलाच सामना 
भारताने टॉस जिंकून घेतला गोलंदाजीचा निर्णय
झिम्बाब्वेने भारताला दिले 115 रन्सचे टार्गेट

IND Vs ZIM: सध्या रायपुरमध्ये भारत विरुद्ध झिम्बाब्वेविरुद्ध यांच्यात टी 20 सिरीज सुरू आहे. त्यातील पहिला सामना आज रायपूरच्या स्टेडियमवर सुरू आहे. भारतीय संघाची कर्णधार स्मृती मंधानाने टॉस जिंकून प्रथम गोलंदाजी करण्याचा निर्णय घेतला आहे. स्मृती मंधानाला बीसीसीआयने कर्णधारपदाची जवाबदारी दिली आहे. तिच्या नेतृत्वात भारताचा हा पहिलाच सामना आहे. दरम्यान प्रथम फलंदाजी करताना झिम्बाब्वेच्या संघाने भारतीय संघाला 115  रन्सचे टार्गेट दिले आहे. केवळ 115 रन्सचे टार्गेट भारतीय संघ सहज पार करेल असे दिसून येत आहे. असे झाल्यास स्मृतीचा कर्णधार म्हणून हा पहिला विजय ठरणार आहे.

स्मृती मंधानाच्या नेतृत्वाखाली Team India सज्ज! रायपूरमध्ये IND Vs ZIM टी-20 मालिकेचा थरार

झिम्बाब्वेची फलंदाजी

झिम्बाब्वेच्या संघाला प्रथम फलंदाजी करण्याचे निमंत्रण भारताने दिले होते. झिम्बाब्वेच्या संघाकडून डावाची सुरुवात केलिस न्धलोवू आणि प्रिय बिझाने केली. मात्र प्रिय बिझा एकही रन करता आउट झाली. मॉडेस्टर मुपाचिकवा देखील 16 रन्स करून आउट झाली. झिम्बाब्वे संघाला या सामन्यात मोठी धावसंख्या उभारता आली नाही.

Caught and bowled! 🫴☝️ Sree Charani gets the breakthrough 👌 Updates ▶️ https://t.co/ZebQdoQIRo #TeamIndia | #INDvZIM | @mflone_ https://t.co/SqeJX2HvGR — BCCI Women (@BCCIWomen) October 16, 2026

भारतीय संघाची गोलंदाजी

भारतीय महिला संघाच्या गोलंदाजाने झिम्बाब्वेच्या संघाला कमी धावसंख्येत रोखून ठेवले. नंदिनी शर्माने भेदक गोलंदाजी करत 2 विकेट्स पटकावल्या. तर फिरकीपटू क्रांती गौडने देखील एक विकेट घेतली. अरुंधती रेड्डी आणि श्री चरणीने देखील प्रत्येकी 1-1 विकेट्स घेतल्या. पहिल्या सामन्यात भारतीय गोलंदाजांनी अत्यंत अचूक मारा केल्याचे पाहायला मिळाले.

भारतीय संघ: स्मृती मंधाना (कर्णधार), शेफाली वर्मा (उपकर्णधार), निकी प्रसाद, हरमनप्रीत कौर, अनुष्का शर्मा, ऋचा घोष (विकेटकीपर), जी कमलिनी (विकेटकीपर), दीप्ती शर्मा, प्रेमा रावत, श्री चरणी, नंदनी शर्मा, क्रांती गौड, अरुंधती रेड्डी, जिंतिमणी कलिता आणि मिन्नू मणी.

IND Vs ZIM: आता कसोटी स्मृतीच्या नेतृत्वाची; झिम्बाब्वेविरुद्ध कर्णधार म्हणून खेळणार पहिलाच सामना

झिम्बाब्वेचा संघ; जोसेफिन न्कोमो (कर्णधार), बिलेव्ड बिज़ा, चिपो मुगेरी-तिरिपानो, केलिस न्धलोवु, मिशेल मावुंगा, फ्रांसिस्का चिपारे, ओलिंडर चारे, कुदजाई चिगोरा, न्याशा ग्वांजुरा, नोमवेलो सिबांडा, लॉरिन फिरी, चियेड्जा धुरुरु, मोडेस्टर मुपाचिकवा, टेंदाई माकुशा आणि शार्ने मेयर्स.