Sports News: पुण्यात स्नूकर लीगचा थरार! स्कायलाईन स्ट्रायकर्सची विजयी सलामी; साखळी फेरीत थेट..

६ रेड स्नूकर दुहेरीत अमित भडभडे आणि विशाल भुरट यांनी दीपक सबनीस व राहुल मुंदडा यांचा ५४-४४ असा पराभव केला. ब्लॅक बॉल शूटआऊटमध्ये आनंद आपटेने सौमित्र रानडेवर ३-१ अशी मात केली.

• सुप्रीम एसेस, स्कायलाईन स्ट्रायकर्सची विजयी सलामी
• साखळी फेरीत दोन्ही संघांचा ५-२ असा दमदार विजय
• गिरीश दामले यांचा एकेरीत विजय

पुणे: पीवायसी हिंदू जिमखाना आयोजित तिसऱ्या पीवायसी स्नूकर अँड बिलियर्ड्स लीग स्पर्धेत साखळी फेरीत सुप्रीम एसेस आणि स्कायलाईन स्ट्रायकर्स या संघांनी आपापल्या प्रतिस्पर्ध्यांवर ५-२ असा विजय मिळवत विजयी सलामी दिली.पीवायसी हिंदू जिमखाना येथील स्नूकर अँड बिलियर्ड्स विभागात सुरू असलेल्या या स्पर्धेच्या सलामीच्या लढतीत सुप्रीम एसेस संघाने टीपी रॉकेट्स संघाचा ५-२ असा पराभव करून शानदार सुरुवात केली. विजयी संघाकडून निमिश कुलकर्णी, कर्णा मेहता, श्री शिरोडकर, रोहित सुगंधी, अरुण बर्वे आणि प्रकाश वाळंबे यांनी उल्लेखनीय कामगिरी करत संघाच्या विजयात मोलाचा वाटा उचलला.

या लढतीत १५ रेड स्नूकर एकेरीत निमिश कुलकर्णीने सुचरित राजाध्यक्षचा १०२-४६ असा पराभव केला. ६ रेड दुहेरीत संजीव पटेल आणि हर्षद शहा यांना संजय बामणे व रणजीत पांडे यांच्याकडून २०-४८ असा पराभव पत्करावा लागला. बिलियर्ड्समध्ये अशोक शेट्टी यांना विशाल मल्होत्राकडून ७०-१०२ असा पराभव झाला.

Hockey National Championship: यजमान महाराष्ट्राला धक्का, पण झारखंड-हरियाणाचा दणदणाट!

 ब्लू बॉल शूटआऊटमध्ये विजयी

यानंतर ६ रेड स्नूकर एकेरीत कर्णा मेहताने केदार लूकतुकेचा ७७-३९ असा पराभव केला. ६ रेड स्नूकर दुहेरीत श्री शिरोडकर आणि रोहित सुगंधी यांनी तुषार मेंगाळे व मेघ तायडे यांच्यावर ६४-५४ अशी मात केली. ब्लॅक बॉल शूटआऊटमध्ये अरुण बर्वेने समीर सावला याचा ३-२ असा पराभव केला, तर ब्लू बॉल शूटआऊटमध्ये प्रकाश वाळंबेने प्रशांत कुलकर्णीवर २-० असा विजय मिळवून सुप्रीम एसेसच्या विजयावर शिक्कामोर्तब केले.दुसऱ्या लढतीत स्कायलाईन स्ट्रायकर्स संघाने क्यु मास्टर्स संघाचा ५-२ असा पराभव करत विजयी सुरुवात केली. विजयी संघाकडून आदित्य देशपांडे, दिग्विजय गोरे, अनिकेत शिंदे, स्वरूप कुलकर्णी, अमित भडभडे, विशाल भुरट आणि आनंद आपटे यांनी प्रभावी कामगिरी बजावली.या लढतीत १५ रेड स्नूकर एकेरीत आदित्य देशपांडेने योगेश लोहियाचा ६४-५० असा पराभव केला.

रणधुमाळी Hokcey स्पर्धेची! पुण्यनगरीत रंगला थरार; झारखंड, हरियाणा यांची दमदार सुरुवात अन्…

गिरीश दामले यांचा एकेरीत विजय

६ रेड स्नूकर एकेरीत संजीव आगाशे यांना गिरीश दामले यांच्याकडून २५-४७ असा पराभव स्वीकारावा लागला. मात्र, ६ रेड स्नूकर दुहेरीत अमित भडभडे आणि विशाल भुरट यांनी दीपक सबनीस व राहुल मुंदडा यांचा ५४-४४ असा पराभव केला. ब्लॅक बॉल शूटआऊटमध्ये आनंद आपटेने सौमित्र रानडेवर ३-१ अशी मात केली. ब्लू बॉल शूटआऊटमध्ये देवव्रत राक्षे यांना क्षितीज लोहियाकडून १-३ असा पराभव झाला. तरीही एकूण लढतीत स्कायलाईन स्ट्रायकर्सने ५-२ असा विजय मिळवला.यापूर्वी स्पर्धेचे उद्घाटन पीवायसी हिंदू जिमखानाचे सहसचिव सारंग लागू यांच्या हस्ते करण्यात आले. यावेळी क्लबच्या स्नूकर व बिलियर्ड्स विभागाचे सचिव नंदन डोंगरे, क्रिकेट विभागाचे सचिव अविनाश रानडे, तसेच शिरीष साठे, रणजीत पांडे आदी मान्यवर उपस्थित होते.