SRH vs CSK : CSK विरुद्ध Mohammad Shami ची विक्रमाला गवसणी, असा पराक्रम करणारा ठरला जगातील पहिलाच गोलंदाज

आयपीएल २०२५ च्या शुक्रवारी (२५ एप्रिल) खेळवण्यात आलेल्या ४३ व्या सामन्यात सनरायझर्स हैदराबादने चेन्नई सुपर किंग्जचा पराभव केला. या सामन्यात हैद्राबादचा वेगवान गोलंदाज मोहम्मद शमीने एक विशेष कामगिरी केली आहे.

मोहम्मद शमी(फोटो-सोशल मिडिया)

Follow Us:

Follow Us:

SRH vs CSK : आयपीएल २०२५ चा ४३ वा सामना काल शुक्रवारी(२५ एप्रिल) चेन्नई सुपर किंग्ज आणि सनरायझर्स हैदराबाद यांच्यात खेळला गेला.  चेन्नईच्या चिदंबरम स्टेडियमवर खेळवण्यात आलेल्या या सामन्यात हैद्राबादने चेन्नईचा पराभव केला. हैद्राबादच्या संघाने नाणेफेक जिंकून प्रथम गोलंदाजी करण्याचा निर्णय घेतला. तर चेन्नईने प्रथम फलंदाजीला उतरत १५३ धावा केल्या. प्रतिउत्तरात  हैदराबादने १९ व्या षटकातच  154 धावांचे लक्ष्य पूर्ण केले आणि सुपर किंग्सचा 5 विकेट्सने पराभव केला. या सामन्यात हैद्राबादचा गोलंदाज मोहम्मद शमीने एक विशेष  कामगिरी केली आहे. आयपीएलमध्ये चार वेळा डावाच्या पहिल्याच चेंडूवर विकेट घेणारा तो जगातील पहिला गोलंदाज ठरला आहे. काल चेन्नईविरुद्ध झालेल्या सामन्यात मोहम्मद शमीने हा इतिहास रचला आहे.

शुक्रवारी चेन्नईच्या एमए चिदंबरम स्टेडियमवर चेन्नई सुपर किंग्जविरुद्ध पॅट कमिन्सच्या नेतृत्वाखालील संघासाठी गोलंदाजीचे आक्रमण करण्यास  शमीने सुरवात केली. त्याने सामन्याच्या पहिल्याच चेंडूवर शेख रशीदला माघारी पाठवले. आंध्र प्रदेशचा २० वर्षीय उजव्या हाताचा फलंदाज अभिषेक शर्माने पहिल्या स्लिपमध्ये गोल्डन डकसाठी झेल दिला आणि त्याला तंबूत परतावे लागले.

मोहम्मद शमीने पहिल्याच चेंडूवर टिपले चार वेळा बळी

मोहम्मद शमीने चार वेळा पहिल्याच चेंडूवर विकेट घेण्याचा पराक्रम केला आहे. असे करणारा तो जगातील  पहिलाच गोलंदाज ठरला आहे. यापूर्वी, त्याने आयपीएल सामन्याच्या डावाच्या पहिल्याच चेंडूवर जॅक कॅलिस, केएल राहुल आणि फिल सॉल्ट यांची शिकार केली आहे.  आयपीएलमध्ये एकूण ४१ गोलंदाजांकडून डावाच्या पहिल्या चेंडूवर विकेट घेण्यात आल्या आहेत. परंतु चार वेळा हा पराक्रम करणारा शमी जगातील एकमेव गोलंदाज ठरला आहे. आयपीएल २०२५ च्या मेगा लिलावात सनरायझर्स हैदराबाद संघाने मोहम्मद शमीला १० कोटी रुपयांना संघात समाविष्ट करून घेतले आहे.

हेही वाचा : PBKS vs KKR : पंजाबचा पहिल्या चारमध्ये येण्याचा प्रयत्न, तर केकेआरही विजयी रुळावर परतण्यास सज्ज; आज दोन्ही संघ आमनेसामने

आयपीएलमध्ये डावाच्या पहिल्या चेंडूवर विकेट घेणारे गोलंदाज

1. मोहम्मद शमी – ४
2. लसिथ मलिंगा – ३
3. अशोक दिंडा – ३
4. प्रवीण कुमार – ३
5. भुवनेश्वर कुमार – ३
6. उमेश यादव – ३
7. ट्रेंट बोल्ट – ३
8. डर्क नॅनेस – २
9. इरफान पठाण – २
10. अल्बी मॉर्केल – २
11. हरभजन सिंग – २
12. पॅट कमिन्स – २
13. झहीर खान – २
14. रविचंद्रन अश्विन – २
15. दीपक चहर – २

हेही वाचा : IPL 2025 :’२० वर्षे IPL खेळण्याचे लक्ष्य ठेव, कोहलीला बघ..!’ माजी क्रिकेटपटूचा १४ वर्षीय Vaibhav Suryavanshi ला सल्ला..

डावाच्या पहिल्या चेंडूवर मोहम्मद शमीने बाद केलेले फलंदाज

1. जॅक कॅलिस (केकेआर), दुबई (२०१४)
2. केएल राहुल (एलएसजी), मुंबई (डब्ल्यूएस) (२०२२)
3. फिल साल्ट (केकेआर), अहमदाबादमध्ये (२०२३)
4. शेख रशीद (सीएसके), चेन्नई (२०२५)

Web Title: Srh vs csk mohammad shami created history against csk became the only bowler to achieve such a feat

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com