CSK Vs DC Live: दिल्लीचे ‘धुरंदर’ चेन्नईवर भारी ठरणार की…; अक्षर पटेलने घेतला ‘हा’ निर्णय

दुखापतीमुळे एम. एस. धोनी संघाच्या बाहेर आहे. याची उणीव चेन्नईला जाणवत आहे. त्यामुळे आजचा सामना जिकण्याचा थोडा दबाव देखील चेन्नई आणि कर्णधार ऋतुराज गायकवाडवर असणार आहे.

चेन्नई सुपर किंग्ज आपल्या पहिल्या विजयाच्या प्रतीक्षेत 
एम. ए. चिदंबरम स्टेडियमवर होणार सामना 
ऋतुराज गायकवाडच्या कामगिरीकडे असणार लक्ष

CSK Vs DC Tata IPL 2026 Live Toss Updates: आज संध्याकाळी 7.30 वाजता चेन्नईच्या एम.ए. चिदंबरम स्टेडियमवर चेन्नई सुपर किंग्ज विरुद्ध दिल्ली कॅपिटल्स यांच्यात सामना रंगणार आहे. चेन्नई आज पहिला विजय मिळवण्यासाठी (IPL) मैदानात उतरणार आहे. तर दिल्लीदेखील मागच्या पराभवाचा वचपा काढण्यासाठी खेळेल यात शंका नाही. दरम्यान दिल्ली कॅपिटल्सने टॉस जिंकून प्रथम गोलंदाजी करण्याचा निर्णय घेतला आहे.

ऋतुराज गायकवाडच्या कामगिरीकडे लक्ष

यंदाच्या हंगामात चेन्नई सुपर किंग्जला अद्याप एकही विजय मिळवता आलेला नाही. दुखापतीमुळे एम. एस. धोनी संघाच्या बाहेर आहे. याची उणीव चेन्नईला जाणवत आहे. त्यामुळे आजचा सामना जिकण्याचा थोडा दबाव देखील चेन्नई आणि कर्णधार ऋतुराज गायकवाडवर असणार आहे. होम ग्राऊंडवर सामना असल्यामुळे आज चेन्नई आपल्या विजयाचे खाते उघडणार का याकडे सर्वांचे लक्ष लागले आहे. आजचा सामना जिंकून गुणतालिकेत दोन अंक प्राप्त करण्याचा प्रयत्न चेन्नई सुपर किंग्ज करताना पाहायला मिळेल.

CSK vs DC Pitch Report: चेन्नईत फिरकीचा दरारा की रन्सची आतषबाजी? ऋतुराजची सेना सज्ज….

चेपॉकचा पीच रिपोर्ट काय सांगतो?

चेपॉकचे स्टेडीयम क्रिकेट विश्वातील एक प्रसिद्ध स्टेडियम आहे. आतापर्यंत या स्टेडियमवर आयपीएलचे 92 सामने खेळले गेले आहेत. या ठिकाणी प्रथम फलंदाजी करणाऱ्या संघाला थोडा जास्त फायदा होतो. पहिल्यांदा फलंदाजी करताना या ठिकाणी 51 सामने जिंकले गेले आहेत. रन्सचा पाठलाग करतानाया या मैदानावर 41 सामने जिंकले गेले आहेत.  या ठिकाणी प्रथम फलंदाजी करताना 160 ते 70 इतक्या धावा होऊ शकल्या आहेत.

मागच्या सामन्यात 200 पेक्षा जास्त रन्स झाल्या होत्या. त्यामुळे आज देखील जास्त रन्स होण्याची शक्यता आहे. मात्र या ठिकाणी स्पिनर्सला मदत मिळते. त्यामुळे आजचा सामना जबरदस्त असा होणार आहे. आजचे चेन्नईचे हवामान साफ आणि मोकळे राहणार आहे. पावसाची शक्यता असली तरी त्यामुळे सामन्यावर परिणाम होण्याची शक्यता कमी आहे.

दिल्लीविरूद्ध येणार का CSK चा वाघ MSD? कोच फ्लेमिंगने दिली रिकव्हरीवर अपडेट

चेन्नई सुपर किंग्जची संभाव्य टीम:  संजू सॅमसन (यष्टिरक्षक), आयुष म्हात्रे, ऋतुराज गायकवाड (कर्णधार), डेवाल्ड ब्रेविस, शिवम दुबे, सरफराज खान, जेमी ओव्हरटन, नूर अहमद, खलील अहमद, अंशुल कंबोज, राहुल चहर,मॅट हेन्री

दिल्ली कॅपिटल्सची संभाव्य टीम: केएल राहुल (यष्टिरक्षक) , पाथुम निसांका, नितीश राणा, ट्रिस्टन स्टब्स, डेव्हिड मिलर, अक्षर पटेल (कर्णधार), आशुतोष शर्मा, कुलदीप यादव, विप्रज निगम, टी. नटराजन, लुंगी एन्गिडी, समीर रिझवी