IND W vs AUS W: टीम इंडियाचा ऑस्ट्रेलियावर १०२ धावांनी दणदणीत विजय; दुसऱ्या वनडेमध्ये मालिका १-१ ने बरोबरीत

न्यू चंदीगड येथील महाराजा यादविंद्र सिंह आंतरराष्ट्रीय क्रिकेट स्टेडियमवर झालेल्या या सामन्यात, टीम इंडियाने ऑस्ट्रेलियाचा १०२ धावांनी मोठा पराभव करून मालिकेत १-१ अशी बरोबरी साधली.

• टीम इंडियाचा ऑस्ट्रेलियावर १०२ धावांनी दणदणीत विजय
• दुसऱ्या वनडेमध्ये मालिका १-१ ने बरोबरीत
• स्मृती मानधनाचे शानदार शतक

IND W vs AUS W 2nd ODI: भारतीय महिला आणि ऑस्ट्रेलियन महिला क्रिकेट संघ (IND W vs AUS W) यांच्यातील तीन सामन्यांच्या एकदिवसीय मालिकेतील दुसरा सामना आज, १७ सप्टेंबर रोजी खेळवण्यात आला. न्यू चंदीगड येथील महाराजा यादविंद्र सिंह आंतरराष्ट्रीय क्रिकेट स्टेडियमवर झालेल्या या सामन्यात, टीम इंडियाने ऑस्ट्रेलियाचा १०२ धावांनी मोठा पराभव करून मालिकेत १-१ अशी बरोबरी साधली. आता तिसऱ्या आणि निर्णायक सामन्यात दोन्ही संघ मालिका जिंकण्यासाठी आमनेसामने येतील.See more

And that’s how it is done 😎 🔥#TeamIndia comprehensively win the 2️⃣nd ODI by 102 runs and level the 3 match series 1️⃣-1️⃣ Scorecard ▶️ https://t.co/64x1QjUHl9#INDvAUS | @IDFCFIRSTBank pic.twitter.com/lXaEYxrqKq — BCCI Women (@BCCIWomen) September 17, 2025

Harmanpreet Kaur: महिला वर्ल्ड कप २०२५ कसा जिंकणार? कर्णधार हरमनप्रीत कौरचा फॉर्म ठरला चिंतेचा विषय; पाहा आकडेवारी

स्मृती मानधनाचे शानदार शतक

नाणेफेक गमावल्यानंतर आणि प्रथम फलंदाजी मिळाल्यावर टीम इंडियाने चांगली सुरुवात केली. सलामीवीर स्मृती मानधनाने शानदार फलंदाजी करत शतकी खेळी केली. तिने ९१ चेंडूत १४ चौकार आणि चार षटकारांच्या मदतीने सर्वाधिक ११७ धावा केल्या. स्मृती मानधनासह दीप्ती शर्मानेही ४० धावांची महत्त्वाची खेळी साकारली. या खेळीच्या जोरावर भारताने ४९.५ षटकांत २९२ धावा केल्या. ऑस्ट्रेलियाकडून डार्सी ब्राउनने तीन, तर ऍश्ले गार्डनर आणि मेगन शट यांनी प्रत्येकी दोन बळी घेतले.

गोलंदाजांची प्रभावी कामगिरी

२९३ धावांच्या आव्हानाचा पाठलाग करण्यासाठी मैदानात उतरलेल्या ऑस्ट्रेलियाची सुरुवात अत्यंत निराशाजनक झाली. केवळ १२ धावांमध्ये त्यांचे दोन्ही सलामीवीर तंबूत परतले. त्यानंतर, ऑस्ट्रेलियन संघ ४०.५ षटकांत केवळ १९० धावाच करू शकला. त्यांच्याकडून अ‍ॅनाबेल सदरलँडने सर्वाधिक ४५ धावा केल्या. भारताकडून गोलंदाजीत क्रांती गौरने सर्वाधिक तीन विकेट्स घेतल्या. तसेच, दीप्ती शर्मानेही दोन बळी मिळवले. आता दोन्ही संघांमधील मालिकेतील तिसरा आणि अंतिम सामना शनिवार, २० सप्टेंबर रोजी दिल्लीतील अरुण जेटली स्टेडियमवर खेळवला जाईल.