Rohit Sharma: चॅम्पियन्स ट्रॉफीचा ‘अनसीन व्हिडिओ’ आला समोर, रोहित शर्माने निवृत्तीवर दिली होती ‘ही’ प्रतिक्रिया

चॅम्पियन्स ट्रॉफी जिंकल्यानंतरचा एक अनसीन व्हिडिओ समोर आला आहे, ज्यामध्ये रोहित शर्माने त्याच्या निवृत्तीबद्दल मोठा खुलासा केला. जाणून घ्या या व्हिडिओमध्ये काय आहे खास.

Rohit Sharma ODI Retirement: टीम इंडियाने (Team India) चॅम्पियन्स ट्रॉफी (Champions Trophy) जिंकून जवळपास पाच महिने झाले आहेत. न्यूझीलंडला हरवून भारताने ही आयसीसी ट्रॉफी (ICC Trophy) आपल्या नावे केली होती. मात्र, आता या विजयानंतरचा एक ‘अनसीन व्हिडिओ’ (Unseen Video) समोर आला आहे, जो आतापर्यंत लपवून ठेवण्यात आला होता. या व्हिडिओमध्ये कर्णधार रोहित शर्मा (Rohit Sharma) याने त्याच्या निवृत्तीबद्दल एक मोठे विधान केले आहे. हा व्हिडिओ सध्या सोशल मीडियावर प्रचंड व्हायरल होत आहे.

भारताचा ऐतिहासिक विजय आणि व्हिडिओची कहाणी

गेल्या मार्च महिन्यात दुबई आंतरराष्ट्रीय स्टेडियमवर भारत आणि न्यूझीलंड यांच्यात चॅम्पियन्स ट्रॉफीचा अंतिम सामना खेळला गेला. रवींद्र जडेजाने ४९ व्या षटकाच्या शेवटच्या चेंडूवर चौकार मारून भारताला ४ विकेट्सने विजय मिळवून दिला. हा विजय साजरा करतानाचा ड्रेसिंग रूममधील व्हिडिओ खेळाडू ऋषभ पंत (Rishabh Pant) याने १५ ऑगस्ट रोजी, म्हणजेच स्वातंत्र्यदिनाच्या शुभ मुहूर्तावर शेअर केला. जरी ऋषभ पंत या स्पर्धेचा भाग नव्हता, तरी त्याने शेअर केलेल्या या व्हिडिओमुळे चाहत्यांना ड्रेसिंग रूममधील उत्साह पुन्हा एकदा अनुभवता आला.

ऑस्ट्रेलिया दौऱ्याआधी एकदिवसीय मालिकेसाठी रोहित शर्माची तयारी सुरू! Video Viral

रोहित शर्माने निवृत्तीवर काय म्हटले?

व्हिडिओच्या शेवटी, खेळाडू रोहित शर्मा याची निवृत्तीच्या संदर्भात मजा घेताना दिसत आहेत. रोहितने हातात स्टंप घेतला असल्यामुळे, त्याच्या एकदिवसीय क्रिकेटमधील निवृत्तीबद्दल चर्चा सुरू झाली. त्यावेळी रोहित शर्माने स्पष्टपणे म्हटले की, “जर मी प्रत्येक वेळी जिंकत राहिलो, तर मी निवृत्त होत राहणार का?”

See more

Happy Independence Day, India. 🇮🇳
Some moments stay with you forever and winning for India is at the top of the list. Proud to be Indian.#RP17 📷🕶️ pic.twitter.com/pfgr1tg7da

— Rishabh Pant (@RishabhPant17) August 15, 2025

विशेष म्हणजे, रोहित शर्मा आणि विराट कोहली यांनी २०२४ मध्ये टी-२० विश्वचषक जिंकल्यानंतर त्याच रात्री टी-२० आंतरराष्ट्रीय क्रिकेटमधून निवृत्ती जाहीर केली होती. त्यामुळे, चॅम्पियन्स ट्रॉफी जिंकल्यानंतरही त्यांच्या निवृत्तीबद्दल अंदाज लावले जात होते.

आता रोहित आणि कोहली फक्त वनडे खेळत आहेत

या दोन्ही खेळाडूंनी आता कसोटी क्रिकेटमधूनही निवृत्ती घेतली आहे. सध्या रोहित शर्मा आणि विराट कोहली (Virat Kohli) फक्त एकदिवसीय सामने खेळत आहेत. नोव्हेंबरमध्ये होणाऱ्या एकदिवसीय मालिकेत हे दोन्ही खेळाडू पुन्हा एकदा मैदानात उतरताना दिसतील. या खेळाडूंच्या निवृत्तीबद्दल विविध अफवा नेहमीच पसरत असतात, पण त्यांच्या मनात नक्की काय आहे, हे केवळ तेच सांगू शकतात.

‘हिटमॅन’ वनडे क्रिकेटमधून घेणार निवृत्ती? रोहित शर्माच्या बालपणीच्या प्रशिक्षकांनी केला मोठा खुलसा!

९ सप्टेंबरपासून आशिया कप २०२५ ला सुरूवात

९ सप्टेंबरपासून आशिया कप २०२५ ला सुरूवात होणार आहे. स्पर्धेचा अंतिम सामना २८ सप्टेंबरला खेळला जाईल. यावेळी ही स्पर्धा T20 फॉरमॅटमध्ये होणार असून, टीम इंडिया आपला पहिला सामना १० सप्टेंबरला खेळेल. स्पर्धेचे आयोजन युएईमधील अबू धाबी आणि दुबई येथे होणार आहे. मात्र, बीसीसीआयने (BCCI) अद्याप संघाची घोषणा केलेली नाही.