पैसाच-पैसा! ना 100, ना 200 कोटी… US Open 2026 मध्ये टेनिसपटूंवर होणार तब्बल ‘इतक्या’ कोटींची बरसात

US Open 2026 108M prize Money: यूएस ओपन २०२६ च्या टेनिस ग्रँड स्लॅम स्पर्धेच्या एकूण बक्षीस रकमेत लक्षणीय वाढ करण्यात आली आहे. खेळाडूंना किती मिळणार प्राइस मनी, जाणून घेऊयात.

• टेनिसच्या इतिहासात नवा विक्रम
• 1000 कोटींची प्राइज मनी जाहीर
• खेळाडूही होणार मालामाल

टेनिस ग्रँड स्लॅम यूएस ओपन २०२६ (US Open 2026) स्पर्धेला सुरुवात झाली आहे. ही स्पर्धा ३० ऑगस्ट ते १३ सप्टेंबर दरम्यान खेळवली जाईल. या स्पर्धेसाठी बक्षिसाच्या रकमेत विक्रमी वाढ झाली आहे. ही रक्कम गेल्या वर्षीच्या तुलनेत २०% वाढवण्यात आलेली आहे. त्यामुळे या स्पर्धेत खेळाडूंवर पैशांचा वर्षाव होणार आहे. यूएस टेनिस असोसिएशनने (USTA) स्पर्धेच्या बक्षीस रकमेची घोषणा केली. या हंगामात किती असेल प्राइस मनी, जाणून घेऊयात.

US Open 2026 मध्ये दिग्गजांना मोठा धक्का! सेरेना-अल्काराझचा पराभव; जोकोविच-सबालेन्काही पहिल्याच फेरीत गारद

US Open साठी तब्बल १००० कोटींची प्राइस मनी

यूएस ओपन २०२६ ची एकूण प्राइस मनी १०८ दशलक्ष डॉलर्स म्हणजेच अंदाजे १,०३३ कोटी रुपये आहे. ही रक्कम गेल्या वर्षीच्या तुलनेत २०% आणि २०२४ च्या तुलनेत जवळपास ४४% अधिक आहे. गेल्या वर्षीच्या यूएस ओपन पुरुष आणि महिला एकेरीचे विजेते, कार्लोस अल्काराझ आणि आर्यना सबालेन्का यांना प्रत्येकी ५ दशलक्ष डॉलर्स मिळाले होते. २०२५ मध्ये, स्पर्धेतील खेळाडूंना मिळालेली एकूण बक्षीस रक्कम ९० दशलक्ष डॉलर्स होती. या वर्षी पुरुष आणि महिला एकेरीच्या विजेत्यांना प्रत्येकी ५.५ लाख डॉलर्स म्हणजेच अंदाजे ५२.६६ कोटी रुपये इतकी बक्षीस रक्कम मिळेल. टेनिसच्या इतिहासात ग्रँड स्लॅम एकेरी विजेत्याला देण्यात आलेली ही आतापर्यंतची सर्वात मोठी बक्षीस रक्कम असेल.

मुख्य ड्रॉमध्ये पोहोचणारे खेळाडूही मालामाल होणार

मुख्य स्पर्धा ३० ऑगस्ट रोजी सुरू होईल आणि १३ सप्टेंबरपर्यंत चालेल. मुख्य ड्रॉमध्ये स्थान मिळवणाऱ्या प्रत्येक खेळाडूला १४०,००० लाख डॉलर्स अंदाजे रु. १३.४ कोटी रुपये मिळतील. उपांत्यपूर्व फेरीत पोहोचणाऱ्यांना ७८०,००० लाख डॉलर्स म्हणजे अंदाजे ७४.६ कोटी रुपये मिळतील. उपांत्य फेरीत पराभूत झालेल्यांना १४५,००० लाख डॉलर्स म्हणजे अंदाजे रु. १३८.८ कोटी रुपये मिळतील. उपविजेत्या संघाला २८ लाख डॉलर्स म्हणजेच अंदाजे २६.८० कोटी रुपये मिळतील.

दुहेरीच्या विजेत्यांना १० लाख डॉलर्स

यूएस ओपन मध्ये पुरुष दुहेरी, महिला दुहेरी आणि मिश्र दुहेरीतील विजेत्या संघांना बक्षीस म्हणून १० लाख डॉलर्स मिळतील. उपविजेत्या संघाला ५ लाख डॉलर्स मिळतील. व्हीलचेअर एकेरीच्या विजेत्यांसाठीची बक्षीस रक्कमही वाढवण्यात आली आहे. त्यांना १ लाख डॉलर्स मिळतील.

USTA ने एका नवीन ‘प्लेअर सपोर्ट प्रोग्राम’ची घोषणा केली आहे, ज्याची सुरुवातीची रक्कम २० लाख डॉलर्स निश्चित करण्यात आली आहे . ही रक्कम पुरुष आणि महिला खेळाडूंमध्ये समान विभागली जाईल. या कार्यक्रमाचा उद्देश खेळाडूंना अतिरिक्त सुविधा आणि लाभ प्रदान करणे, तसेच विद्यमान पेन्शन निधीला आधार देणे हा आहे.

Cricket News: देशांतर्गत क्रिकेटमध्ये आणखी एका संघाची भर? अंदमान-निकोबारबाबत BCCI घेणार मोठा निर्णय