IND vs SA 2nd T20I Live Streaming: दुसरा टी-२० सामना कधी अन् किती वाजता होणार सुरू? कुठे पाहणार लाईव्ह ॲक्शन? घ्या जाणून

IND vs SA: दक्षिण आफ्रिकेविरुद्धच्या पहिल्या टी-२० सामन्यात भारतीय संघाने दमदार कामगिरी केली आणि आता तीच लय कायम ठेवण्याचा त्यांचा प्रयत्न असेल. प्रेक्षक हा सामना कधी आणि कुठे पाहू शकतात ते जाणून घेऊया.

 

• भारत vs दक्षिण आफ्रिका दुसरा T20
• कधी, कुठे आणि फ्रीमध्ये कसा पाहता येईल सामना?
• जाणून घ्या संपूर्ण माहिती

IND vs SA 2nd T2oI: सध्या दक्षिण आफ्रिकेचा संघ भारत दौऱ्यावर असून, दोन्ही देशांमध्ये ५ सामन्यांची टी-२० मालिका खेळली जात आहे. पहिल्या सामन्यात भारताने (Team India) दमदार कामगिरी करत दक्षिण आफ्रिकेचा १०१ धावांनी पराभव करून मालिकेत १-० अशी आघाडी घेतली आहे. भारत आणि दक्षिण आफ्रिका (IND vs SA) यांच्यातील दुसरा टी-२० सामना ११ डिसेंबर, गुरुवारी खेळला जाईल. हा सामना महाराजा यादविंद्र क्रिकेट स्टेडियम, मुल्लांपुर (न्यू चंदीगड) येथे होणार आहे.

दुसऱ्या सामन्यात काय असेल आव्हान?

पहिला सामना जिंकल्यानंतर टीम इंडियाची नजर आता दुसरा सामना जिंकून मालिकेत २-० अशी मोठी आघाडी घेण्यावर असेल, तर दुसरीकडे दक्षिण आफ्रिकेचा संघ जोरदार पुनरागमन करण्याच्या इराद्याने मैदानात उतरेल.
पहिल्या सामन्यात भारताचे फलंदाज एकामागोमाग एक बाद होत होते. मात्र, दुखापतीतून परतलेल्या हार्दिक पांड्याने २८ चेंडूत ५९ धावांची तुफानी खेळी केली होती. दुसऱ्या सामन्यात भारतीय संघ पॉवरप्लेच्या (पहिले ६ षटके) काळात अधिक धावा करण्यावर भर देईल.

दक्षिण आफ्रिकेची कमकुवत फलंदाजी

दक्षिण आफ्रिकेचा संघ १७६ धावांचे सोपे लक्ष्य असतानाही अवघ्या ७४ धावांवर गारद झाला होता. त्यामुळे या सामन्यात त्यांची फलंदाजी सुधारण्याचा प्रयत्न असेल. गोलंदाजांनी पहिल्या सामन्यात चांगली कामगिरी करत भारतीय फलंदाजांना मोकळेपणाने खेळू दिले नव्हते.

किती वाजता सुरु होणार सामना?

भारत आणि दक्षिण आफ्रिका यांच्यातील दुसरा सामना ११ डिसेंबर रोजी महाराजा यादविंद्र सिंह आंतरराष्ट्रीय क्रिकेट स्टेडियम, न्यू चंदीगड येथे खेळला जाईल. सामना भारतीय वेळेनुसार संध्याकाळी ७:०० वाजता सुरू होईल आणि टॉस भारतीय वेळेनुसार संध्याकाळी ६:३० वाजता होणार आहे.

हे देखील वाचा: संजू सॅमसन वर्ल्ड कपबाहेर! जितेश शर्माची यष्टीरक्षकासाठी लॉटरी; माजी खेळाडूचे खळबळजनक भाकीत

कुठे मोफत पाहणार सामना?

भारत विरुद्ध दक्षिण आफ्रिका दुसरा टी२० सामना स्टार स्पोर्ट्स नेटवर्कवर थेट प्रक्षेपित केला जाईल. तुम्ही डीडी स्पोर्ट्सवर देखील सामना मोफत पाहू शकता.

सामन्याचे लाईव्ह स्ट्रीमिंग कुठे पाहणार?

भारत विरुद्ध दक्षिण आफ्रिका दुसरा टी२० सामना थेट प्रक्षेपित करणे जिओहॉटस्टार अॅपवर पाहता येईल.

टी-२० मालिकेसाठी दोन्ही संघांचे खेळाडू

भारत: सूर्यकुमार यादव (कर्णधार), शुभमन गिल, अभिषेक शर्मा, तिळक वर्मा, हार्दिक पांड्या, शिवम दुबे, अक्षर पटेल, जितेश शर्मा, संजू सॅमसन (विकेटकीपर), जसप्रीत बुमराह, वरुण चक्रवर्ती, अर्शदीप सिंग, कुलदीप यादव, हर्षित राणा आणि वॉशिंग्टन सनदर

दक्षिण आफ्रिका: एडन मार्कराम (कर्णधार), ओटनील बार्टमन, कॉर्बिन बॉश, डेवाल्ड ब्रेव्हिस, क्विंटन डी कॉक (विकेटकीपर), डोनोव्हन फरेरा, रीझा हेंड्रिक्स, मार्को जॅन्सन, केशव महाराज, डेव्हिड मिलर, जॉर्ज लिंडे, लुंगी एनगिडी, ॲनरिक नॉर्टजे, सेंट ट्रिब्स, लुथॉब्स आणि सेंट ट्रिब्स.

हे देखील वाचा: IND vs SA 1st T20 : ‘मी नाणेफेकीवेळी म्हटले होते…” दक्षिण आफ्रिकेविरुद्धच्या विजयानंतर सूर्याने सहकाऱ्यांना दिला संदेश….