India vs England : जिओ सिनेमावर नाही..IND vs ENG T20 मालिका केव्हा, कुठे पाहता येणार?

भारत विरुद्ध इंग्लंड टी-२० मालिकेची लाईव्ह स्ट्रीमिंग आणि टेलिव्हिजनवर या सामान्यचे प्रक्षेपण कधी आणि कुठे पाहता येणार यासंदर्भात आम्ही तुम्हाला सविस्तर माहिती देणार आहोत.

भारत विरुद्ध इंग्लंड मालिकेची लाईव्ह स्ट्रीमिंग : भारत विरुद्ध इंग्लंड ५ सामन्यांची T20 मालिका २२ जानेवारीपासून सुरू होत आहे. यासाठीच भारतीय क्रिकेट चाहते प्रचंड उत्सुक आहेत. टीम इंडिया घरच्या मैदानावर इंग्लंडविरुद्ध होणाऱ्या T२० आणि एकदिवसीय मालिका खेळणार आहे. त्यानंतर भारताचा संघ चॅम्पियन ट्रॉफीसाठी युएईला रवाना होणार आहे. या मालिकेतील पहिला सामना कोलकात्याच्या ईडन गार्डन्स मैदानावर होणार असून दोन्ही संघ तिथे पोहोचले आहेत.

भारतीय संघाने रविवारी पहिल्या सराव सत्रात घाम गाळला, तर जोस बटलरच्या नेतृत्वाखालील इंग्लिश संघाने विश्रांती घेण्याचा निर्णय घेतला. या टी-२० मालिकेत कामगिरी करून काही भारतीय खेळाडू चॅम्पियन्स ट्रॉफीच्या प्लेइंग इलेव्हनमध्ये आपले स्थान पक्के करण्याकडे लक्ष देतील. काही खेळाडूंना पदार्पणाची संधी मिळू शकते. भारत विरुद्ध इंग्लंड टी-२० मालिकेची लाईव्ह स्ट्रीमिंग आणि टेलिव्हिजनवर या सामान्यचे प्रक्षेपण कधी आणि कुठे पाहता येणार यासंदर्भात आम्ही तुम्हाला सविस्तर माहिती देणार आहोत.

भारत विरुद्ध इंग्लंड T20 मालिकेचे संपूर्ण वेळापत्रक-

२२ जानेवारी- पहिला T20, कोलकाता (सायंकाळी ७ नंतर)
२५ जानेवारी – दुसरा T20, चेन्नई (सायंकाळी ७ नंतर)
२८ जानेवारी- तिसरा T20, राजकोट (सायंकाळी ७ नंतर)
३१ जानेवारी- चौथा T20, पुणे (सायंकाळी ७ नंतर)
२ फेब्रुवारी – पाचवा T20, मुंबई (सायंकाळी ७ नंतर)

रिंकू सिंगने वडिलांना दिले खास गिफ्ट, सध्या सोशल मीडियावर जोरदार चर्चा

कधी आणि कुठे पाहता येणार सामन्याची लाईव्ह स्ट्रीमिंग?

भारत विरुद्ध इंग्लंड पहिला T20 सामना बुधवार, 22 जानेवारी रोजी खेळवला जाणार आहे. हा पहिला सामना कोलकात्याच्या ईडन गार्डन्स मैदानावर होणार आहे. इंडिया विरुद्ध इंग्लंड यांच्यामधील पहिला सामना भारतीय वेळेनुसार संध्याकाळी ७ वाजता सुरू होणार आहे, तर दोन्ही कर्णधार अर्धा तास आधी म्हणजेच संध्याकाळी ६:३० वाजता नाणेफेकीसाठी मैदानात उतरतील. भारतीय चाहते स्टार स्पोर्ट्सच्या विविध नेटवर्क्सवर भारत विरुद्ध इंग्लंड पहिली T20 थेट पाहू शकतात. डिस्ने प्लस हॉटस्टार ॲप आणि वेबसाइटवर तुम्ही भारत विरुद्ध इंग्लंड पहिला T20 चे लाइव्ह स्ट्रीमिंग पाहू शकता. या सामन्याशी संबंधित ताज्या अपडेट्ससाठी तुम्ही नवराष्ट्र डिजिटलच्या क्रिकेट पेजवर पाहू शकता.

भारत विरुद्ध इंग्लंड संघ-

भारताचा T२० संघ

सूर्यकुमार यादव (कर्णधार), संजू सॅमसन (यष्टीरक्षक), अभिषेक शर्मा, तिलक वर्मा, हार्दिक पंड्या, रिंकू सिंग, नितीश कुमार रेड्डी, अक्षर पटेल (उपकर्णधार), हर्षित राणा, अर्शदीप सिंग, मोहम्मद शमी, वरुण चक्रवर्ती, रवी बिश्नोई, वॉशिंग्टन सुंदर, ध्रुव जुरेल (यष्टीरक्षक)

इंग्लंडचा T२० संघ

जोस बटलर (कर्णधार), रेहान अहमद, जोफ्रा आर्चर, गुस ऍटकिन्सन, जेकब बेथेल, हॅरी ब्रूक, ब्रायडन कार्स, बेन डकेट, जेमी ओव्हरटन, जेमी स्मिथ, लियाम लिव्हिंगस्टोन, आदिल रशीद, साकिब महमूद, फिल सॉल्ट, मार्क वुड.