गुरुवार, 24 सप्टेंबर 2026
WPL 2027 : ल्यूक विलियम्स मुंबई इंडियन्सच्या मुख्य प्रशिक्षकपदी, डब्ल्यूपीएलमध्ये प्रशिक्षणाचा दांडगा अनुभव, सौजन्य : आयएएनएस
दोन वेळचा गतविजेता संघ मुंबई इंडियन्स (एमआय)ने 2027 व्युमन्स प्रीमियर लीग (WPL 2027) च्या आगामी हंगामाआधी ल्यूक विलियम्स यांना आपल्या प्रमुख प्रशिक्षकपदी नियुक्त केले. विलियम्स हेड कोचच्या रुपात लिसा केटली यांची जागा घेतील. विलियम्स यांनी 2024 मध्ये रॉयल चॅलेंजर्स बंगळुरू (आरसीबी)ला डब्ल्यूपीएलचे पहिले जेतेपद पटकावून दिले होते.
स्वतः विलियम्स यांनी गुरुवारी दिलेल्या माहितीनुसार, मी मुंबई इंडियन्स, जी एक प्रतिष्ठीत व यशस्वी फ्रँचायजी आहे, त्यात सहभागी होण्यासह खेळाडू आणि सपोर्ट स्टाफच्या या प्रतिभावंत ग्रुपसोबत काम करण्यास उत्साहित आहे. आमच्याकडे एकत्रितपणे एक रोमहर्षक क्रिकेट खेळणे आणि यश मिळवण्याची एक शानदार संधी आहे. मी या आव्हानाची वाट पाहत आहे. आपल्या चाहत्यांना अभिमान वाटावे असे क्षण देण्याची माझी इच्छा आहे.
एमआयच्या ओनर नीता अंबानी याबाबत म्हणाल्या की, आम्ही मुंबई इंडियन्सच्या कुटुंबात ल्यूक विलियम्स यांचे स्वागत करत आहोत. ल्यूक एक विजेते असून त्यांच्याकडे अफाट अनुभव आहे. महिलांच्या खेळाबाबतचा सखोल विचार आणि खेळाडूंना विकसित करण्याची एक बळकट वचनबद्धता घेऊन ते संघात आलेत. मी ल्यूक आणि संपूर्ण संघाला या रोमहर्षक नव्या अध्यायासाठी शुभेच्छा देते.
त्या पुढे म्हणाल्या की, आमच्या मुलींनी डब्ल्यूपीएलमध्ये एक शानदार वारसा निर्माण केला आहे. मला विश्वास आहे की, ल्यूक यांचे मार्गदर्शन आणि हरमनच्या नेतृत्त्वात आम्ही पुढे जाऊ व यश संपादन करू.
IPL 2027 च्या ऑक्शनची तयारी सुरू! तीन वर्षांनंतर भारतात होणार लिलाव; BCCI ने ठरवलं ठिकाण
सर्व काही सोप्पे वाटत असले तरी विलियम्स यांच्यासमोर अनेक आव्हाने असणार आहेत. त्यांना सर्वात आधी येणाऱ्या हंगामाआधी एमआयमधील प्लेयर रिटेंशन आणि ऑक्शनची रणनीति आखावी लागेल. डब्ल्यूपीएलचा पाचवा हंगामाच्या प्लेअर रिटेंशनची अखेरची तारीख 28 सप्टेंबर आहे. तर लिलाव 28 ऑक्टोबरला कोच्चीत होईल.
बीसीसीआयने केलेल्या एका वक्यव्यानुसार, ही स्पर्धा 14 जानेवारी ते फेब्रुवारी 2027 पर्यंत खेळवले जाईल, तर या पाच संघाच्या मोठ्या स्पर्धेच्या यजमान शहरांचा अद्याप खुलासा करण्यात आलेला नाही.
