युवराज सिंग ईडी चौकशीसाठी पोहोचला, इतर अनेक क्रिकेटपटूंवर देखील असणार नजर

४३ वर्षीय युवराज दुपारी १२ वाजता एजन्सीच्या कार्यालयात पोहोचला. येत्या काळात या प्रकरणात आणखी अनेक लोकांची चौकशी होणार आहे. ईडीने काही क्रिकेटपटूंचे जबाबही नोंदवले आहेत.

आशिया कप आधी बेटिंग ऍप ड्रीम इलेव्हन, माय इलेव्हन सर्कल यासारख्या ॲपवर बंदी घालण्यात आली आहे. बीसीसीआयने या ॲपवर पूर्णपणे बंदी घातली आहे. माजी भारतीय स्टार क्रिकेटपटू युवराज सिंग मंगळवारी, २३ सप्टेंबर रोजी एका ऑनलाइन बेटिंग अॅपशी संबंधित प्रकरणात अंमलबजावणी संचालनालया (ईडी) समोर हजर झाला. ईडीने युवराज सिंगला ऑनलाइन बेटिंग अॅप ‘वनएक्सबेट’शी संबंधित मनी लाँड्रिंग प्रकरणात चौकशीसाठी हजर राहण्यास सांगितले होते. 

४३ वर्षीय युवराज दुपारी १२ वाजता एजन्सीच्या कार्यालयात पोहोचला. येत्या काळात या प्रकरणात आणखी अनेक लोकांची चौकशी होणार आहे. ईडीने काही क्रिकेटपटूंचे जबाबही नोंदवले आहेत. युवराजसह अनेक क्रिकेटपटूंनी या अॅपचा वेगवेगळ्या प्रकारे प्रचार केला होता. पीटीआय न्यूजनुसार, अधिकाऱ्यांनी सांगितले की एजन्सीने अष्टपैलू खेळाडूची चौकशी केली आणि मनी लाँड्रिंग प्रतिबंधक कायद्याअंतर्गत त्याचे म्हणणे नोंदवले. प्रभावशाली व्यक्ती अन्वेशी जैन देखील याच प्रकरणात चौकशीसाठी ईडीसमोर हजर झाल्या. 

Arjun Tendulkar vs Samit Dravid: सचिन तेंडूलकर आणि राहूल द्रविडचे लेक लढणार एकमेकांच्या विरोधात! कोण जिंकणार?

ईडीने यापूर्वी क्रिकेटपटू सुरेश रैना, शिखर धवन, रॉबिन उथप्पा, माजी टीएमसी खासदार आणि बंगाली अभिनेत्री मिमी चक्रवर्ती आणि अभिनेता अंकुश हजरा यांची चौकशी केली आहे. अभिनेता सोनू सूदला बुधवारी चौकशीसाठी समन्स बजावण्यात आले आहे. या बेटिंग अ‍ॅपच्या कारवायांचा तपास हा अशा प्लॅटफॉर्म्सविरुद्धच्या व्यापक चौकशीचा एक भाग आहे, ज्यांच्यावर कोट्यवधी रुपयांची फसवणूक केल्याचा आणि मोठ्या प्रमाणात प्रत्यक्ष आणि अप्रत्यक्ष कर चुकवल्याचा आरोप आहे. 

See more

#WATCH | Delhi: Former Indian Cricketer Yuvraj Singh arrives at the ED office in connection with the probe into the alleged illegal betting app 1xBet. pic.twitter.com/900Fid9ok0 — ANI (@ANI) September 23, 2025

येत्या काही दिवसांत, एजन्सी या चौकशीचा भाग म्हणून इतर अनेक खेळाडू, चित्रपट अभिनेते, ऑनलाइन प्रभावशाली आणि सेलिब्रिटींची चौकशी करण्याची अपेक्षा आहे. या सर्वांची तासन्तास चौकशी केली जात आहे. तथापि, अद्याप कोणतेही मोठे खुलासे झालेले नाहीत. ईडीने सुमारे अर्धा डझन प्रमुख व्यक्तींची चौकशी केली आहे, परंतु मनी लाँड्रिंग प्रकरणात कोणतेही ठोस पुरावे किंवा खुलासे समोर आलेले नाहीत. तथापि, अशा अ‍ॅप्सवर आता कायमची बंदी घालण्यात आली आहे.