Smriti Mandhana: स्मृती मंधानाजवळ इतिहास रचण्याची संधी, विराट-रोहितलाही टाकणार मागे

Smriti Mandhana: भारतीय महिला क्रिकेट संघाची नियमित कर्णधार स्मृती मंधाना टी-२० आंतरराष्ट्रीय क्रिकेटमध्ये एक महत्त्वाचा टप्पा गाठण्याच्या जवळ आहे. विराट-रोहितलाही हा कारनामा जमला नाही

• स्मृती मंधाना रचणार मोठा इतिहास 

• केवळ १३३ धावांची गरज 

• विराट – रोहितलाही टाकणार रेकॉर्डमध्ये मागे 

Smriti Mandhana: भारतीय महिला क्रिकेट संघाची नवीन कर्णधार स्मृती मंधाना, पहिल्यांदाच नियमित कर्णधार म्हणून संघाचे नेतृत्व करण्यास सज्ज झाली आहे. भारत आणि झिम्बाब्वे यांच्यातील तीन सामन्यांची टी-२० आंतरराष्ट्रीय मालिका १६ ऑक्टोबरपासून सुरू होत आहे. या मालिकेकडे चाहत्यांचे लक्ष आहे आणि भारत ही मालिका जिंकले अशी अपेक्षाही आहे. 

या मालिकेत स्मृतीला एक असा ऐतिहासिक विक्रम करण्याची संधी आहे, जो पुरुष किंवा महिला क्रिकेटमधील कोणत्याही खेळाडूने आजपर्यंत केलेला नाही. स्मृती मंधाना कमाल खेळाडू आहे, तिचा खेळण्याचा फॉर्मही सध्या उत्कृष्ट असून ती या रेकॉर्डला याच सामन्यामध्ये गवसणी घालेल अशी चाहत्यांना अपेक्षा आहे. 

स्मृती मंधानाचा रेकॉर्ड 

स्मृती मंधानाने टी-२० आंतरराष्ट्रीय धावांच्या बाबतीत पुरुष खेळाडूंना मागे टाकले आहे. बाबर आझम, जोस बटलर, रोहित शर्मा आणि विराट कोहली यांसारख्या टी-२० आंतरराष्ट्रीय सामन्यांमध्ये सर्वाधिक धावा करणाऱ्या पुरुष क्रिकेटपटूंच्या धावा स्मृतीपेक्षा कमी आहेत. आता ती टी-२० आंतरराष्ट्रीय क्रिकेटमध्ये ५,००० धावा पूर्ण करणारी जगातील पहिली खेळाडू बनण्याच्या अगदी जवळ आहे.

महाराष्ट्राच्या लेकीच्या हातात Team India ची कमान; Smriti Mandhana करणार भारताचे नेतृत्व

स्मृती मंधाना १३३ धावा करून इतिहास रचू शकते

आजपर्यंत पुरुष किंवा महिला क्रिकेटमधील कोणत्याही खेळाडूला टी-२० आंतरराष्ट्रीय सामन्यांमध्ये ५,००० धावा करता आलेल्या नाहीत. पण भारतीय कर्णधार स्मृती मंधाना हा टप्पा गाठण्याच्या अगदी जवळ आहे. तिने १७९ सामन्यांमधील १७२ डावांमध्ये दोन शतके आणि ३७ अर्धशतकांसह ४८६७ धावा केल्या आहेत. आता, हा ऐतिहासिक विश्वविक्रम करण्यासाठी तिला फक्त १३३ धावांची गरज आहे, जो ती झिम्बाब्वेविरुद्धच्या आगामी मालिकेत पूर्ण करू शकते.

भारत आणि झिम्बाब्वे प्रथमच द्विपक्षीय मालिका खेळणार

भारत आणि झिम्बाब्वेच्या महिला क्रिकेट संघांमधील तीन सामन्यांची टी-२० मालिका शुक्रवारी सुरू होत आहे. दोन्ही देशांच्या महिला संघांमधील ही पहिली द्विपक्षीय मालिका आहे. झिम्बाब्वेने वेस्ट इंडिजवर एकदिवसीय सामन्यात जोरदार विजय मिळवला असून, त्यांचा आत्मविश्वास उंचावला आहे आणि संघाचे नेतृत्व जोसेफिन न्कोमो करणार आहे. टी-२० मालिकेतील तिन्ही सामने १६, १८ आणि २० ऑक्टोबर रोजी रायपूरमध्ये खेळले जातील. यानंतर दोन्ही संघ वडोदरा येथे जातील, जिथे २३, २५ आणि २८ ऑक्टोबर रोजी तीन एकदिवसीय सामन्यांची मालिका खेळली जाईल.

Smriti Mandhana : “त्या परिस्थितीत मला देवांची आठवण…” लग्न पुढे ढकलल्यानंतर स्मृती मानधना पहिल्यांदा आली समोर…; पहा VIDEO