सावधान! फक्त ५ रुपयांत विकला जातो तुमचा मोबाईल नंबर? सायबर फसवणूक टाळण्यासाठी लक्षात ठेवा या गोष्टी

सायबर फसवणूकीचे जाळे दिवसेंदिवस मोठ्या प्रमाणात वाढत आहे. यामुळे नागरिकांनी सुरक्षित राहण्यासाठी योग्य खबरदारी घेणं आवश्यक आहे. अन्यथा त्यांचे मोठ्या प्रमाणात नुकसान होऊ शकते.

• सायबर गुन्हेगार लोकांना घाबरवून त्यांच्याकडून पैसे उकळतात
• नागरिकांची ओळख असलेले मोबाईल क्रमांक, ई-मेल आयडी आणि छायाचित्रे सायबर विश्वात विकली जातात
• कोणतेही ॲप्स अधिकृत प्ले स्टोअरवरूनच डाउनलोड करा

बदलत्या तंत्रज्ञानाचा आपल्या जीवनावर फार मोठा परिणाम होत आहे. बदलत्या तंत्रज्ञानाचे ज्याप्रमाणे फायदे आहे, तसेच तोटे देखील आहेत. स्मार्टफोनमध्ये होणाऱ्या प्रगतीमुळे आपली अनेक कामं अगदी चुटकीसरशी होत आहेत. मात्र वाढत्या डिजीटल धोक्यांमुळे सर्वसामान्य नागरिकांमध्ये सतत चिंता असते. कारण सायबर गुन्हेगार वेगवेगळ्या पद्धतींचा वापर करून सामान्य नागरिकांची फसवणूक करत असतात. सायबर गुन्हेगार लोकांना घाबरवून त्यांच्याकडून पैसे उकळतात. अशा परिस्थितीत नागरिकांची एक छोटी चूक देखील महागात पडू शकते. डिजीटल जगात कोणतेही पाऊल उचलताना सावध राहणं अत्यंत गरजेचं असतं.

Samsung चा ग्राहकांना झटका! हे दोन स्मार्टफोन झाले महाग, आता मोजावे लागणार जास्त पैसे

डिजिटल वापर वाढत असताना त्यासोबतचे धोकेही वाढत आहेत. नागरिकांची ओळख असलेले मोबाईल क्रमांक, ई-मेल आयडी आणि छायाचित्रे सायबर विश्वात विकली जात आहेत. विमा आणि कर्जविक्री करणाऱ्या कंपन्यांपासून सायबर गुन्हेगारांपर्यंत अनेकजण ही माहिती खरेदी करून नागरिकांचे आर्थिक, सामाजिक आणि मानसिक नुकसान करत आहेत. मोबाईल क्रमांक आणि ई-मेल आयडी अवघ्या ५ रुपयांना, तर पडताळणी केलेला आधार क्रमांक ५०० ते ८०० रुपयांना तृतीय पक्षाच्या एजंटकडून खरेदी केला जात असल्याचे तपासात आढळले. (फोटो सौजन्य: Pinterest) 

प्ले स्टोअरवरूनच डाउनलोड करा ॲप

अशा प्रकारच्या फसवणुकीसाठी योग्य ती खबरदारी बाळगणे आवश्यक आहे. यासाठी तुमच्या मोबाईलवर कोणतेही ॲप्स अधिकृत प्ले स्टोअरवरूनच डाउनलोड करा आणि तुमचे कॉन्टॅक्ट्स, गॅलरी, लोकेशन, मेसेजेस, मायक्रोफोन आणि कॅमेरा यांना अनावश्यक परवानग्या देणे टाळा.

आधारचा सुरक्षित वापर करणे आवश्यक

सायबर सुरक्षा विभागाने आधारचा सुरक्षित वापर करण्याचे आवाहन केले आहे. अलीकडे आधार अद्ययावत करताना सरकारी योजनांसाठी अर्ज करताना किवा सिमकार्ड खरेदी करताना तृतीय पक्षाच्या एजंटकडून आधारचा गैरवापर करून गुन्हे केल्याची प्रकरणे समोर आली आहेत.

राक्षसी बॅटरीसह चीनमध्ये नव्या Oneplus स्मार्टफोनची एंट्री… तगड्या फीचर्ससह मिळणार हे रंग पर्याय; जाणून घ्या किंमत

लिंकद्वारे नागरिकांना गंडा

मोबाईल क्रमांक किंवा ई-मेल आयडीसोबत नाव, पत्ता, आधार क्रमांक आणि छायाचित्र असलेले ओळखपत्र जोडले गेल्यास सायबर भामटे बँक, डिजिटल वॉलेट, विमा आणि अन्य सेवांच्या केवायसी प्रक्रियेत फसवणूक करू शकतात. तसेच सिमकार्डची अदलाबदल करून किंवा विश्वासार्ह वाटणारे फोन करून नागरिकांना गंडा घालू शकतात. कर्ज, विमा, चलन, केवायसी, परतावा किंवा सरकारी योजनांच्या नावे लिंकद्वारे नागरिकांचे ओटीपी, बँक खात्याची माहितीही चोरली जाते.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)