रविवार, 25 ऑक्टोबर 2026
फसव्या दिवाळी ऑफर्समुळे रिकामे होईल बँक अकाऊंट... WhatsApp चे हे फीचर्स वापरा अन् ओळखा खरे आणि खोटे मेसेज
अशा पद्धतीचे स्कॅम सहसा व्हॉट्सॲप मेसेजच्या माध्यमातून केले जातात. त्यामुळे व्हॉट्सॲप वापरणाऱ्या यूजर्सना कोणत्याही अनोळखी नंबरवरून आलेला मेसेज ओपन करण्यापूर्वी सावध राहणं अत्यंत गरजेचं आहे. आता आम्ही तुम्हाला व्हॉट्सॲपच्या 5 अशा फीचर्सबद्दल सांगणार आहोत, ज्यामुळे तुम्ही स्कॅमर्सपासून सुरक्षित राहू शकता. (फोटो सौजन्य: Pinterest)
अनोळखी नंबरवरून येणाऱ्या व्हॉट्सॲप कॉल्सपासून सुरक्षित राहण्यासाठी तुम्ही साइलेंस अननोन कॉलर्स फीचरचा वापर करू शकता. हे फीचर ऑन करताच तुम्हाला अनोळखी नंबरवरून आलेल्या कॉल्सची रिंग ऐकू येणार नाही. अनोळखी नंबरवरून आलेले कॉल्स तुमच्या कॉल लिस्टमध्ये दिसणार आहे. तुम्ही कॉल रिसिव्ह केलाच नाही तर स्कॅमर्स तुमची फसवणूक करू शकणार नाहीत. यासाठी व्हॉट्सॲप सेटिंगमध्ये जा, प्रायव्हसी पर्याय ओपन करा आणि कॉल्स ऑप्शन निवडा. येथे तुम्हाला साइलेंस अननोन कॉलर्स फीचर दिसेल, ऑन करा.
व्हॉट्सॲपने दावा केला आहे की, अँड्रॉईड यूजर्सना आता अशा नंबरची स्क्रीनवर जास्त माहिती दिसणार आहे, जे त्यांच्या फोनबुकमध्ये सेव्ह केलेले नाहीत. यामुळे स्पष्टपणे समजणार आहे की, नंबर कोणत्या कॉमन ग्रुपमध्ये सहभागी आहे की नाही आणि नंबर भारतातील आहे की नाही. संभाषण सुरू करण्यापूर्वीच, कॉल खरा आहे की बनावट, हे तुम्ही ओळखू शकाल.
व्हॉट्सॲपचे टू-स्टेप वेरिफिकेशन फीचर यूजर्सना कोणत्याही प्रकारच्या चोरी आणि हॅकिंगपासून सुरक्षा देते. यामध्ये जुन्या 6 अंकी पिनऐवजी एक मजबूत पासवर्ड सेट करण्याचा पर्याय मिळतो. ज्यामध्ये तुम्ही अक्षरं आणि स्पेशल कॅरेक्टर्सचा देखील वापर करू शकता.
जर तुम्हाला एखाद्या अनोळखी यूजरकडून एखादा संशयास्पद मेसेज आला असेल, ज्यामध्ये भारी डिस्काऊंट किंवा ऑफर्सचा दावा करण्यात आला असेल, तर तुम्ही तो नंबर ब्लॉक आणि रिपोर्ट करू शकता. लक्षात ठेवा की, मेसेजमध्ये दिलेल्या कोणत्याही लिंकवर क्लिक करू नका आणि कोणतेही अटॅचमेंट डाऊनलोड करू नका. याव्यतिरिक्त, अशा चॅट्ससाठी ‘कॉन्टेक्स्ट कार्ड्स’ तुम्हाला विविध तपशील पुरवू शकतात. उदा. अकाऊंट अलीकडेच तयार केले गेले आहे का, त्या अनोळखी क्रमांकासोबत तुमचे काही कॉमन ग्रुप आहेत का, सिम कार्ड कोणत्या देशातील आहे, आणि बरेच काही.
अनेकदा, स्कॅमर्स तुम्हाला तुमचे व्हॉट्सॲप अकाऊंट दुसऱ्या सिस्टिमसोबत लिंक करून तुम्हाला फसवण्याचा प्रयत्न करतात. जर एखादे संशयास्पद डिव्हाईस व्हॉट्सॲपला लिंक करण्याचा प्रयत्न करत असेल, तर व्हॉट्सॲप तुम्हाला तात्काळ एक सूचना पाठवून हा एक स्कॅम असू शकतो असा इशारा देईल.
