रविवार, 15 नोव्हेंबर 2026
Airtel Recharge Plan: कमी पैशांत जास्त सुविधा! कंपनी घेऊन आली स्वस्त प्लॅन, JioHotstar सब्सक्रिप्शनसह मिळणार इतका डेटा
एअरटेलने त्यांचा नवीन प्लॅन एक डेटा प्लॅन स्वरुपात लाँच केला आहे. त्यामुळे या प्लॅनमध्ये यूजर्सना कॉलिंगची सुविधा ऑफर केली जाणार नाही. कंपनीचा हा एक अ‍ॅड-ऑन प्लॅन आहे. कंपनीच्या या डेटा प्लॅनमध्ये यूजर्सना एकूण 1GB डेटा मिळणार आहे. एवढंच नाही तर कंपनीच्या या प्लॅनमध्ये जिओहॉटस्टार सब्सक्रिप्शन देखील ऑफर केले जाणार आहे. त्यामुळे तुम्ही जर एअरटेल यूजर आहात आणि डेटा प्लॅन किंवा जिओहॉटस्टार सब्सक्रिप्शनसाठी एखादा प्लॅन शोधत असाल तर कंपनीचा 48 रुपयांचा नवीन प्लॅन तुमच्यासाठी बेस्ट ठरणार आहे. (फोटो सौजन्य – Pinterest)
अलीकडेच, एअरटेलने 399 रुपयांचा एक नवीन रिचार्ज प्लॅन लाँच केला आहे. या प्लॅनमध्ये यूजर्सना 28 दिवसांची व्हॅलिडीटी ऑफर केली जाणार आहे. कंपनीच्या या प्लॅनमध्ये मिळणाऱ्या फायद्यांबद्दल बोलायचं झालं तर, यूजर्सना 399 रुपयांच्या या प्लॅनमध्ये संपूर्ण भारतात अनलिमिटेड कॉलिंगची सुविधा ऑफर केली जाणार आहे. तसेच या प्लॅनमध्ये फ्री नेशनल रोमिंगसह डेली 2.5GB डेटा ऑफर केला जाणार आहे. या प्रीपेड प्लॅनमध्ये रोज फ्री 100 एसएमसची सुविधा दिली जाणार आहे.
एअरटेलच्या पोर्टफोलिओमध्ये आणखी एक स्वस्त रिचार्ज प्लॅन आहे. या स्वस्त प्लॅनची किंमत 100 रुपये आहे. या प्लॅनमध्ये यूजर्सना एकूण 6GB हाय स्पीड डेटा मिळणार आहे. या रिचार्ज प्लॅनमध्ये यूजर्सना एकूण 30 दिवसांची व्हॅलिडिटी मिळणार आहे. हा देखील डेटा-ओन्ली प्लॅन आहे, ज्यामध्ये OTT लाभांच्या स्वरूपात जिओहॉटस्टार सबस्क्रिप्शन मिळते.
