काय सांगता!!! Chrome समजून केलं डाऊनलोड अन् घडलं भलतंच… प्ले स्टोअरवर सुरु होता अनोखा खेळ, नेमकं प्रकरण काय?

गूगल प्ले स्टोअरवर अलीकडेच एक बनावट क्रोम ॲप आढळल्याची घटना समोर आली आहे. विशेष म्हणजेच हे ॲप 1,00,000 हून अधिक लोकांनी डाऊनलोड केले आहे. या ॲपमध्ये वेब ब्राउझिंगऐवजी एआय (AI) अवतारांसह चॅट-स्टाईल इंटरफेस आणि मोठ्या प्रमाणात जाहिराती देण्यात आल्या होत्या.

• गूगल क्रोमसारखा दिसणारा दुसरा एक संशयास्पद ॲप गूगल प्ले स्टोअरवर आढळला
• 1,00,000 हून अधिक लोकांनी डाऊनलोड केले बनावट ॲप
• बनवाट ॲप एका वेगळ्या ॲप डेव्हलपरद्वारे लिस्ट करण्यात आला

तुम्ही अलीकडेच गूगल प्ले स्टोअरवरून गूगल क्रोम डाऊनलोड केले आहे का? तर आता तुमच्यासाठी एक महत्त्वाची अपडेट आहे. तुम्ही डाऊनलोड केलेले गूगल क्रोम फेक म्हणजेच बनावट असण्याची शक्यता आहे. कारण अलीकडेच समोर आलेल्या एका रिपोर्टनुसार, गूगल क्रोमसारखा दिसणारा दुसरा एक संशयास्पद ॲप गूगल प्ले स्टोअरवर पाहायला मिळाला आहे. या ॲपचे नाव आणि लोगो कथितपणे खऱ्या गूगल क्रोम ॲपसारखा असल्याचे सांगितलं जात आहे. मात्र हा ॲप दुसऱ्या डेव्हलपरने तयार केला होता. रिपोर्टनुसार, हा बनावट ॲप गूगलने हटवण्यापूर्वी त्याला 1,00,000 हून अधिक लोकांनी डाऊनलोड केले असल्याचे सांगितलं जात आहे.

Tech Tips: Aadhaar Card मध्ये मोबाईल अपडेट करणं झालं सोपं… फॉलो करा ही सोपी प्रोसेस, फी केवळ 75 रुपये

अधिक चिंताजनक बाब म्हणजे, या ॲपमध्ये वेब ब्राउझिंगऐवजी एआय (AI) अवतारांसह चॅट-स्टाईल इंटरफेस आणि मोठ्या प्रमाणात जाहिराती देण्यात आल्या होत्या; यामुळे गुगलच्या ॲप तपासणी प्रक्रियेवर गंभीर प्रश्नचिन्ह निर्माण झाले आहे.  (फोटो सौजन्य: Pinterest) 

बनावट क्रोम ॲप

शेअर करण्यात आलेल्या पोस्टनुसार, गुगल क्रोमशी हुबेहूब मिळता-जुळता असलेला हा बनावट ॲप अधिकृत गुगल प्ले स्टोअरवरील सर्च रिजल्ट्समध्ये पाहायला मिळाला आहे. या बनावट ॲपचे नाव आणि लोगो ओरिजीनल क्रोम ॲपसारखाच होता. मात्र हा बनवाट ॲप एका वेगळ्या ॲप डेव्हलपरद्वारे लिस्ट करण्यात आला होता, ज्याचे नाव ‘Hizbartech’ आहे. पोस्टमध्ये पुढे सांगितलं आहे की, हे बनावट ॲप सर्च रिजल्ट्समध्ये ‘स्पॉन्सर्ड’ (प्रायोजित) लिस्टिंग म्हणून दिसत होते आणि ते अगदी अस्सल क्रोम ॲपच्या वरच्या बाजूला होते.

नेमकं काय आहे प्रकरण?

पोस्टवर करण्यात आलेल्या काही कमेंट्सनुसार, हे ॲप पहिल्यांदा 22 ऑगस्ट रोजी बॉल बाऊंस नावाचे गेमिंग ॲप म्हणून लिस्ट झाले होते. यानंतर 30 सप्टेंबर रोजी या ॲपचे नाव आणि लोगो बदलून गूगल क्रोमसारखेच करण्यात आले. ज्या यूजर्सनी हे ॲप इंस्टॉल केले आहे, त्यांनी त्यांचा अनुभव शेअर करताना कथितपणे सांगितलं की, हा ॲप म्हणजे कोणताही गेम किंवा कोणते ब्राऊझर नव्हते. याऐवजी, हे ॲप एआय (AI) अवतारांसह एक चॅट-स्टाईल इंटरफेस ओपन करत होते आणि स्क्रीनवर जाहिराती दिसत होत्या. या ॲपने कोणते पासवर्ड्स चोरी केले आहेत किंवा फोनमध्ये मालवेअर इंस्टॉल केला आहे, याचे कोणतेही पुरावे आढळले नाहीत.

दिवाळीपूर्वीच स्मार्टफोन ग्राहकांना झटका! Realme ने पुन्हा वाढवल्या डिव्हाईसच्या किंमती, आता खरेदीसाठी मोजावे लागणार तब्बल इतके पै

प्ले स्टोअरच्या सुरक्षेवर प्रश्नचिन्ह उपस्थित

नुकत्याच घडलेल्या या प्रकरणानंतर आता असा प्रश्न निर्माण होत आहे की, या ॲपने गूगलचे सेफ्टी चेक्स कसे पास केले, तसेच या ॲपच्या नावात आणि लोगोमध्ये झालेल्या बदलांचे योग्य पद्धतीने रिव्ह्यू करण्यात आले नाही का? दुसरी चिंता या ॲपच्या पेड प्रमोशनच्या वापराबाबत आहे. कारण एका सुप्रसिद्ध गुगल उत्पादनाशी साधर्म्य असूनही, या लिस्टिंगने अव्वल स्थान मिळवले. मात्र आता हे ॲप गूगल प्ले स्टोअरवरून हटवले असल्याचे सांगितलं जात आहे.