Scam Alert: सावधान! ब्लॅक फ्रायडे सेलच्या नावाखाली सुरु आहे स्कॅम, 2 हजारहून अधिक फेक वेबसाइट्स आल्या समोर

Black Friday scam alert: ऑनलाईन शॉपिंगच्या नावाखाली स्कॅमर्स लोकांची फसणूक करतात. यासाठी खोट्या वेबसाईट आणि फ्रॉड लिंक्स व्हायरल केल्या जातात. आता देखील 2000 हून अधिक फेक वेबसाईट्सबाबत माहिती समोर आली आहे.

• 2 हजारहून अधिक खोट्या वेबसाईट्स आढळल्या
• या वर्षातील सर्वात मोठे फिशिंग इकोसिस्टम
• ग्राहकांना अगदी खऱ्या वाटणाऱ्या खोट्या वेबसाईट्स

सध्या इंटरनेटवर ब्लॅक फ्रायडे सेल मोठ्या प्रमाणात व्हायरल आहे. अनेक मोठ्या ई कॉमर्स कंपन्यांनी ऑफर्स आणि डिस्काऊंटसह ब्लॅक फ्रायडे सेलची घोषणा केली आहे. या सेलमध्ये ग्राहकांना अनेक मोठ्या ऑफर्ससह शॉपिंग करण्याची संधी मिळणार आहे. स्मार्टफोन्स, टॅब्लेटसह इतर अनेक वस्तू ग्राहकांना या सेलमध्ये कमी किंमतीत खरेदी करण्याची संधी मिळणार आहे. तुम्ही देखील ब्लॅक फ्रायडे सेलमध्ये खरेदी करण्याचा विचार करत असाल तर थांबा. कारण इंटरनेटवर 2 हजारहून अधिक ब्लॅक फ्रायडे सेलच्या वेबसाईट आढळल्या आहेत. त्यामुळे तुम्ही देखील ब्लॅक फ्रायडे सेलमध्ये खरेदी करण्याचा विचार करत असाल तर काळजी घ्या.

अँड्रॉईड यूजर्स सावधान! WhatsApp, Signal आणि Telegram चे एन्क्रिप्शनही होईल फेल, असं रिकामं होऊ शकतं तुमचं अकाऊंट

ग्राहकांची फसवणूक करणार वेबाईट्स

CloudSEK नावाच्या एका सायबर सिक्योरिटी कंपनीला इंटरनेटवर अ‍ॅमेझॉन, सॅमसंग आणि अ‍ॅपल सारख्या कंपन्यांची नकल करणाऱ्या 2 हजारहून अधिक खोट्या वेबसाईट्स आढळल्या आहेत. या वेबसाईट्स सेलच्या नावाखाली ग्राहकांना आकर्षित करतात आणि त्यांची फसवणूक करून डेटा आणि पेमेंट इंफोर्मेशन चोरतात. (फोटो सौजन्य – Pinterest) 

ग्राहकांची फसवणूक करण्यासाठी रचलं जाळं

CloudSEK ने दिलेल्या माहितीनुसार, सायबर गुन्हेगार या वर्षातील सर्वात मोठे फिशिंग इकोसिस्टम चालवत आहेत. या खोट्या वेबसाईट्स अशा पद्धतीने तयार करण्यात आल्या आहेत की त्या ग्राहकांना अगदी खऱ्या वाटतील. या खोट्या वेबसाईट्सवर फेस्टिव सेल वाले बॅनर, काउंटडाउन क्लॉक, फेक ट्रस्ट बॅजेज आणि रिसेंट परचेज वाले पॉप-अप पाहायला मिळत आहेत. ज्यामुळे ग्राहक कोणताही विचार न करता प्रोडक्ट सिलेक्ट करून पेमेंटच्या पेजवर जाऊ शकतील.

Amazon Black Friday: अशी ऑफर कधीच नव्हती! तुमच्या बजेटमध्ये खरेदी करा नवा स्मार्टफोन, इथे मिळणार धमाकेदार डिस्काऊंट

मोठ्या कंपन्यांच्या नावाने खोट्या वेबसाईट्स

ग्राहक जेव्हा प्रोडक्टची निवड करून चेकआउट पेजवर पोहोचतात, तेव्हा ग्राहकांची संपूर्ण माहिती सायबर गुन्हेगार चोरतात आणि ग्राहकांना हॅकर्सच्या कंट्रोलवाल्या पेमेंट पोर्टलवर रिडायरेक्ट केले जाते. बरेच ग्राहक येथे घाईघाईने पैसे देतात आणि पैसे हॅकर्सकडे जातात. सायबर गुन्हेगारांनी अ‍ॅपल, सिस्को, लॉजिटेक, तोशिबा, शाओमी आणि रे-बेन सारख्या मोठ्या कंपन्यांच्या नावाने या बनावट वेबसाइट तयार केल्या आहेत. त्यामुळे ग्राहकांनी खरेदी करताना घाई करू नये. तसेच काही संशायस्पद वाटल्यास वेबसाईट ताबडतोब बंद करावी.

• स्कॅमपासून सुरक्षित राहण्यासाठी फॉलो करा या स्टेप्स
• अशा स्कॅमपासून वाचण्यासाठी, सोशल मीडियावर दिसणाऱ्या आकर्षक जाहिरातींवर क्लिक करू नका.
• खरेदी सुरू करण्यापूर्वी, वेबसाइटची URL काळजीपूर्वक तपासा. जर काही स्पेलिंग चुका असतील तर तिथे खरेदी करू नका.
• जर एखाद्या साइटचे चेकआउट पेज संशयास्पद वेबसाइटवर रिडायरेक्ट होत असेल तर सतर्क रहा.