BSNL Data Plan: डेटा संपण्याची चिंता मिटली! 40 रुपयांहून कमी किंमतीत तब्बल 20GB डेटा; बीएसएनएलचा हा भन्नाट प्लॅन पाहिलात का?

बीएसएनएलच्या पोर्टफोलिओमध्ये काही विविध डेटा पॅक्स उपलब्ध आहेत. यातील एका डेटा पॅकची किंमत 39 रुपये आणि दुसऱ्या डेटा पॅकची किंमत 19 रुपये आहे. या डेटा पॅकमध्ये यूजर्सना कोणते फायदे मिळणार आहेत, याबाबत आता जाणून घेऊया.

• 39 रुपयांच्या डेटा पॅकमध्ये 1 दिवसासाठी तब्बल 20GB डेटा मिळतो.
• 19 रुपयांच्या डेटा व्हाऊचरमध्ये 1 दिवसासाठी 2GB डेटा मिळतो.
• 58 रुपयांच्या प्लॅनमध्ये 7 दिवसांसाठी 8GB डेटा मिळतो.

भारतातील सरकारी टेलिकॉम कंपनी भारत संचार निगम लिमिटेड म्हणजेच बीएसएनएल त्यांच्या यूजर्सना विविध रिचार्ज प्लॅन ऑफर करत असते. या रिचार्ज प्लॅनमध्ये यूजर्सना डेटा, कॉलिंग, एसएमएससोबतच इतर फायदे देखील ऑफर करतात. रिचार्ज प्लॅनसोबतच कंपनीच्या पोर्टफोलिओमध्ये यूजर्ससाठी काही डेटा पॅक्स देखील उपलब्ध आहेत. अशाच एका प्रीपेड डेटा प्लॅनबद्दल आता जाणून घेऊया. या डेटा प्लॅनची किंमत 40 रुपयांहून कमी आहे. विशेष म्हणजेच इतक्या कमी रुपयांत यूजर्सना तब्बल 20GB डेटा मिळणार आहे.

Tech Tips: YouTube Shorts पाहून कंटाळलात? एका सेटिंगने बंद करा Shorts Feed, आत्ताच फॉलो करा या सोप्या स्टेप्स

ॲक्टिव्ह डेटा प्लॅन

जर तुम्हाला मोठ्या प्रमाणात डेटाची गरज असेल तर हा डेटा व्हाऊचर तुमच्यासाठी एक चांगला पर्याय मिळणार आहे. पण लक्षात ठेवा की कंपनीचा हा रिचार्ज प्लॅन वापरण्यासाठी तुमच्याकडे एक ॲक्टिव्ह डेटा प्लॅन असणं गरजेचं आहे. कंपनीच्या या रिचार्ज प्लॅनची किंमत आणि इतर फायदे जाणून घेऊया. (फोटो सौजन्य: Pinterest) 

39 रुपयांचा डेटा पॅक

बीएसएनएलच्या या डेटा पॅकची किंमत केवळ 39 रुपये आहे. या डेटा पॅकमध्ये यूजर्सना तब्बल 20GB डेटा ऑफर केला जाणार आहे. या प्लॅनची व्हॅलिडीटी 1 दिवसाची आहे. हा प्लॅन यूजर्ससाठी फायदेशीर ठरणार आहे. कारण यूजर्सना या प्लॅनमध्ये अत्यंत कमी किंमतीत भरपूर डेटा मिळणार आहे. FUP (फेयर यूसेज पॉलिसी) डेटा लिमिट संपल्यानंतर इंटरनेट स्पीड 40 Kbps होणार आहे. हा एक डेटा व्हाऊचर आहे, त्यामुळे हा प्लॅन वापरण्यासाठी तुमच्याकडे एक ॲक्टिव्ह सर्विस व्हॅलिडिटी असलेला प्रीपेड प्लॅन असणं गरजेचं आहे. ज्यामुळे तुम्हाला डेटा व्हाऊचरचा फायदा मिळणार आहे.

19 रुपयांचा प्लॅन

याशिवाय, कंपनीच्या पोर्टफोलिओमध्ये एक 19 रुपयांचा प्लॅन देखील उपलब्ध आहे. हा देखील एक स्वस्त डेटा व्हाऊचर आहे. कंपनीच्या या 19 रुपयांच्या डेटा व्हाऊचर पॅकची व्हॅलिडीटी 1 दिवसाची आहे. या प्लॅनमध्ये 2GB डेटा मिळणार आहे. बीएसएनएलचा 19 रुपये आणि 39 रुपये या दोन्ही डेटा पॅकची व्हॅलिडीटी 1 दिवसाची आहे.

ChatGPT ला कामं सोपवा आणि विसरून जा! रिमाइंडरपासून रोजच्या कामांपर्यंत सगळं होणार ऑटोमॅटिक… जाणून घ्या कसं काम करणार ‘हे’ फीचर

58 रुपयांचा प्लॅन

हे दोन्ही डेटा व्हाऊचर्स देशातील सर्व टेलीकॉम सर्कल्समध्ये उपलब्ध आहे. याशिवाय, कंपनीच्या पोर्टफोलिओमध्ये एक 58 रुपयांचा प्लॅन देखील उपलब्ध आहे. या प्लॅनमध्ये यूजर्सना 7 दिवसांची व्हॅलिडीटी ऑफर केली जाते. हा प्लॅन यूजर्सना 8GB डेटा ऑफर करतो. त्यामुळे जर तुम्हाला दिर्घकाळ डेटाची आवश्यकता असेल तर तुम्ही कंपनीचा हा रिचार्ज प्लॅन खरेदी करू शकतात.