BSNL Sim Offer: काय सांगता! फक्त 1 रुपया खर्च करा अन् मिळवा BSNL सिम; कंपनीच्या नवीन ऑफरने उडवली ग्राहकांची झोप

BSNL Freedom 2.0: सरकारी टेलिकॉम कंपनी पुन्हा एकदा त्यांच्या यूजर्ससाठी नवीन सिम ऑफर घेऊन आली आहे. यामध्ये यूजर्सना केवळ 1 रुपयांत नवीन सिम कार्ड खरेदी करण्याची संधी मिळणार आहे. यामध्ये यूजर्सना कोणते फायदे मिळणार, याबाबत जाणून घेऊया.

• BSNL Freedom 2.0 ऑफरमध्ये नवीन सिम अवघ्या 1 रुपयात मिळणार आहे.
• सिमसोबत 24 दिवस अनलिमिटेड कॉलिंग, रोज 100 एसएमएस आणि 1GB डेटा मिळणार आहे.
• ही मर्यादित ऑफर 12 सप्टेंबर 2026 पर्यंत उपलब्ध असून, नवीन सिमसाठी आधार कार्ड आवश्यक आहे.

भारतातील सरकारी टेलिकॉम कंपनी भारत संचार निगम लिमिटेड (बीएसएनएल) गेल्या काही दिवसांपासून त्यांची नेटवर्क सर्विस अपग्रेड करण्यात व्यस्त आहे. बीएसएनएलने अनेक ठिकाणी त्यांचे 4जी नेटवर्क सुरु केले आहे. तर इतर ठिकाणी 5जी नेटवर्कची चाचणी सुरु झाली आहे. तसेच कंपनी त्यांच्या ग्राहकांसाठी सतत नवीन रिचार्ज प्लॅन लाँच करण्यावर देखील भर देत असते. त्यामुळे अनेक यूजर्स सध्या बीएसएनएलकडे आकर्षित होत असल्याचे पाहायला मिळत आहे. जर तुमच्या क्षेत्रात बीएसएनएल नेटवर्क असेल आणि तुम्ही नवीन बीएसएनएल सिम खरेदी करण्याचा विचार करत असाल तर आता तुमच्यासाठी चांगली संधी आहे.

आता रेशन कार्डही डिजिटल! ‘मेरा रेशन’ ॲपवर मिळणार धान्यापासून रेशन दुकानापर्यंतची सर्व माहिती, वाचा सविस्तर

बीएसएनएल पुन्हा एकदा त्यांच्या ग्राहकांसाठी बीएसएनएल फ्रीडम ऑफर 2.0 घेऊन आली आहे. या ऑफरमध्ये तुम्हाला केवळ 1 रुपयांत नवीन सिम मिळणार आहे. यासोबतच यूजर्सना अनलिमिटेड कॉलिंग, रोज 100 एसएमएस, 1 जीबी डेली डेटा मिळणार आहे. हा प्लॅन 24 दिवसांपर्यंत उपलब्ध असणार आहे. कंपनीने त्यांच्या एक्स अकाऊंटवर पोस्ट शेअर करत बीएसएनएल फ्रीडम ऑफर 2.0 बद्दल माहिती दिली आहे.  (फोटो सौजन्य: Pinterest) 

बीएसएनएल फ्रीडम 2.0 प्लॅनमध्ये मिळणार हे फायदे

बीएसएनएल फ्रीडम 2.0 ऑफर केवळ नवीन सिम कार्ड खरेदी करणाऱ्या यूजर्सना मिळणार आहे. कंपनीने लाँच केलेल्या या नवीन ऑफरअंतर्गत बीएसएनएल सिम केवळ 1 रुपयांत उपलब्ध असणार आहे. हे सिम खरेदी करणाऱ्या यूजर्सना एक बीएसएनएल प्लॅन ऑफर केला जाणार आहे. या प्लॅनअंतर्गत यूजर्सना अनलिमिटेड व्हॉईस कॉल (लोकल आणि नॅशनल), रोज 100 एसएमएस आणि डेली 1 जीबी डेटा मिळणार आहे. या प्लॅनची व्हॅलिडिटी 24 दिवलांची आहे. मात्र या प्लॅनची व्हॅलिडिटी संपल्यानंतर बीएसएनएल सिम ॲक्टिव्ह ठेवण्यासाठी यूजर्सना नवीन रिचार्ज प्लॅन खरेदी करावा लागणार आहे. बीएसएनएल वेबसाईट आणि ॲपवर विविध रिचार्ज प्लॅनची माहिती देण्यात आली आहे. इथून तुम्ही तुमच्या गरजेनुसार नवीन रिचार्ज प्लॅन खरेदी करू शकता.

Sometimes, a new beginning is all about taking that first step. With BSNL Freedom 2.0, get your SIM at just ₹1 and start your journey to better connectivity.#BSNLIndia #BSNLSelfCareApp #InternetForEveryone #DigitalLife #IndiaOnline #BSNLServices #SmartIndia… pic.twitter.com/vUFZE4AfUJ — BSNL India (@BSNLCorporate) August 31, 2026

कंपनीने एक्सवर पोस्ट शेअर करत या खास ऑफरबाबत माहिती दिली आहे. विशेष म्हणजेच ही ऑफर मर्यादित काळासाठी उपलब्ध असणार आहे. त्यामुळे तुम्हाला जर या ऑफरचा फायदा घेऊन बीएसएनएल सिम खरेदी करायचे असेल तर घाई करावी लागणार आहे. कारण कंपनीची ही विशेष ऑफर 12 सप्टेंबर 2026 पर्यंत उपलब्ध असणार आहे.

फोल्डेबल फोनच्या दुनियेत Xiaomiचा नवा ‘धमाका’! 6000mAh बॅटरीसह येतोय Xiaomi 18 Fold, यूजर्सना मिळणार ‘हे’ भन्नाट फीचर्स

जर तुम्हाला सरकारी टेलीकॉम कंपनी बीएसएनएलच्या फ्रीडम 2.0 ऑफरचा लाभ घ्यायचा असेल तर तुम्ही तुमच्या जवळील ऑथराइज्ड सिम रिटेल स्टोअरला भेट देऊ शकता. यानंतर तुम्ही या ऑफरअंतर्गत नवीन सिम खरेदी करू शकतात. नवीन सिम खरेदी करण्यासाठी तुमच्याकडे आधार कार्ड आणि आधारला लिंक असलेला मोबाईल नंबर असणं गरजेचा आहे.