आपत्कालीन परिस्थितीत केवळ एक आवाज अन् मदत हजर? Google च्या नव्या फीचरची सर्वच चर्चा, असं करणार काम
अँड्रॉईड ऑथोरिटीने शेअर केलेल्या एका रिपोर्टनुसार, कंपनी एक अशी व्हॉईस-बेस्ड सेफ्टी अलर्ट सिस्टिम तयार करत आहे, ज्यामध्ये कोणतेही बटन प्रेस न करता एसओएस अलर्ट पाठवला जाऊ शकतो आणि आपत्कालीन परिस्थितीत सर्वात आधी प्रतिक्रिया देणाऱ्यांना कॉल देखील केला जाणार आहे. कंपनीने हे फीचर अद्याप सर्व यूजर्ससाठी रोलआऊट केले नाही. मात्र समोर आलेल्या काही रिपोर्ट्सनुसार, हे फीचर पर्सनल सेफ्टी ॲपच्या ‘2026.09.16.982745548’ बिल्ड वर्जनमध्ये स्पॉट करण्यात आले आहे. (फोटो सौजन्य – AI Created)
लीक झालेल्या कोड स्ट्रिंग्सनुसार, यूजर्सना एसओेएस अलर्ट पाठवण्यासाठी एक हँड्स फ्री पद्धत निवडण्याचा पर्याय मिळण्याची शक्यता आहे. कोडव्यतिरिक्त, एका ॲनिमेशनद्वारे देखील हे फीचर लवकर रोलआऊट केले जाण्याचे संकेत मिळतात. हे ॲनिमेशन लोकेशन चेक, इमरजेंसी कॉलिंग आणि व्हिडीओ रेकॉर्डिंग सारखे फीचर्स दर्शवू शकतो.
असं सांगितलं जात आहे की, जेव्हा यूजर तीन वेळा ‘हेल्प’ बोलतील, त्यावेळेस हे फीचर ॲक्टिव्हेट केलं जाणार आहे. सेटअपदरम्यान वर सांगितलेले ॲनिमेशन पाहायला मिळू शकते. याव्यतिरिक्त, अलर्ट पाठवणं थांबवण्यासाठी यूजर्स कँसल बोलू शकतात आणि जर अलर्ट पाठवणं सुरु ठेवायचे असेल तर येस बोलू शकतात. रिपोर्टनुसार, या पुष्टीकरणामुळे हे फीचर चुकून कार्यान्वित होण्यापासून देखील रोखले जाईल.
रिपोर्ट्सनुसार, हे फीचर वेगवेगळ्या कंपन्यांच्या अंड्रॉईड फोन्समध्ये येऊ शकतं. कदाचित, सॅमसंग स्मार्टफोन्समध्ये कदाचित हे फीचर मिळणार आहे. कारण सॅमसंग त्यांच्या वेगळ्या कस्टम एसओएस सिस्टिमचा वापर करतो. गूगलने अद्याप या फीचरबाबत अधिकृत घोषणा केली नाही. हे फीचर रोलआऊट करण्यापूर्वी कंपनी यामध्ये काही बदल करण्याची शक्यता देखील वर्तवली जात आहे किंवा हे फीचर पूर्णपणे काढून टाकू शकते.
हे सर्व डिटेल्स एपीके टियरडाउनवर आधारित आहेत. ज्यामध्ये केवळ एक्सपेरिमेंटल कोड असतात. हे कोड अधिकृत रिलीजपूर्वी बदलू शकतात किंवा आगामी अपडेटमध्ये याला पूर्णपणे काढून टाकले जाऊ शकते.
.png "Videos"){kind=small}
