Tech Tips: आयफोनवरून अँड्रॉईडमध्ये WhatsApp चॅट्स ट्रान्सफर करायच्या? चिंता सोडा अन् फॉलो करा ही सोपी प्रोसेस

व्हॉट्सअ‍ॅपने अलीकडेच त्यांच्या यूजर्ससाठी एक नवीन फीचर आणले आहे. या फीचरमध्ये यूजर्सना आयफोनवरून अँड्रॉईडवर चॅट्स ट्रांसफर करण्याची सुविधा मिळणार आहे. यासाठी अत्यंत सोपी प्रोसेस फॉलो करावी लागणार आहे.

• आता आयफोनवरून अँड्रॉईड फोनमध्ये व्हॉट्सअ‍ॅपचे मेसेज, फोटो आणि व्हिडीओ सहज हलवता येणार आहेत.
• यासाठी कोणतेही वेगळे अ‍ॅप डाउनलोड करण्याची गरज नाही, व्हॉट्सअ‍ॅपमधीलच फीचर वापरावे लागेल.
• क्यूआर कोड स्कॅन करून आणि तोच मोबाईल नंबर वापरून जुने चॅट्स नवीन फोनमध्ये सुरक्षितपणे मिळतील.

तुम्ही आयफोनवरून अँड्रॉईडवर किंवा अँड्रॉईडवरून आयफोनवर शिफ्ट होण्याचा विचार करताय का? अशा परिस्थितीत सर्वात मोठी समस्या मेसेजिंग प्लॅटफॉर्म व्हॉट्सअ‍ॅपवर उद्भवते. कारण आयफोनवरून अँड्रॉईडवर शिफ्ट होताना व्हॉट्सअ‍ॅप चॅट्स ट्रांसफर करताना अनेक समस्यांचा सामना करावा लागतो. मात्र आता असं होणार नाही. कारण व्हॉट्सअ‍ॅपने त्यांच्या यूजर्ससाठी एक नवीन फीचर आणलं आहे. या फीचरच्या मदतीने यूजर्स अगदी सहज आयफोनवरून अँड्रॉईडवर चॅट्स ट्रांसफर करू शकणार आहेत. यासाठी कोणत्याही थर्ड पार्टीचा वापर करण्याची गरज नाही. तसेच आता यूजर्सना फोटो, व्हिडीओ किंवा फाईल्स गमावण्याची चिंता देखील सतावणार नाही. त्यामुळे जरी तुम्ही आयफोनवरून अँड्रॉईडवर शिफ्ट होण्याचा विचार करत असाल तरी काही चिंता नाही.

7000mAh बॅटरी आणि 50MP कॅमेरा… Realme चा तगडा स्मार्टफोन भारतात लाँच; वाचा किंमत आणि स्पेसिफिकेशन्स

नवीन फीचर अशा पद्धतीने डिझाईन करण्यात आले आहे की, यूजर्स कोणत्याही थर्ड पार्टीचा वापर न करता आयफोनवरून अँड्रॉईडवर चॅट्स ट्रांसफर करू शकणार आहेत. यामुळे यूजर्सना त्यांचे चॅट सुरुवातीपासून पुन्हा सुरू करण्याची गरज भासत नाही, त्याऐवजी ते जिथे थांबले होते तिथूनच त्यांचे संभाषण पुढे चालू ठेवू शकतात. यासाठी काही सोप्या स्टेप्स फॉलो कराव्या लागणार आहेत.  (फोटो सौजन्य – Pinterest) 

व्हॉट्सअ‍ॅप क्रॉस-प्लॅटफॉर्म चॅट ट्रांसफर

व्हॉट्सअ‍ॅपचे नवीन क्रॉस-प्लॅटफॉर्म माइग्रेशन फीचर यूजर्सना आयफोनवरून अँड्रॉईडवर चॅट हिस्ट्री, मीडिया फाइल्स, व्ह़ॉईस नोट्स, डॉक्यूमेंट्स, व्हॉट्सअ‍ॅप चॅनल्स आणि कम्युनिटीज ट्रांसफर करण्याची सुविधा देतात. मेटाच्या मालकीच्या या मेसेजिंग प्लॅटफॉर्मने असा दावा केला आहे की, तुम्ही फोन बदलल्यानंतरही तुमचे महत्त्वाचे चॅट्स आणि शेअर केलेले संपर्क सुरक्षित राहतील.

आयफोनवरून अँड्रॉईडवर व्हॉट्सअ‍ॅप चॅट्स कसे ट्रांसफर करायचे?

• तुमच्या जुन्या आयफोनवरून नवीन अँड्रॉईडवर व्हॉट्सअ‍ॅप चॅट्स ट्रांसफर करण्यासाठी काही सोप्या स्टेप्स फॉलो कराव्या लागणार आहेत.
• तुमच्या आयफोनवर सर्वात आधी व्हॉट्सअ‍ॅप ओपन करा आणि चॅट्स> ट्रांसफर चॅट हिस्ट्री>ट्रांसफर टू अँड्रॉईड या स्टेप्स फॉलो करा.
• सर्व स्टेप्स पूर्म झाल्यानंतर कंटीन्यूवर टॅप करा.
• कॅमेरा एक्सेसची परवानगी मागितल्यानंतर अलाऊ वर टॅप करा. चॅट ट्रांसफर करण्याच्या प्रोसेसदरम्यान तुमचा आयफोन अनलॉक असल्याची खात्री करा.
• आता तुमचे अँड्रॉईड डिव्हाईस ओपन करा. व्हॉट्सअ‍ॅप ओपन करा आणि त्याच नंबरवरून तुमचे अकाऊंट व्हेरिफाय करा, ज्याचा वापर तुम्ही आयफोनवर केला होता.

Airtel Recharge Plan: कमी पैशांत जास्त सुविधा! कंपनी घेऊन आली स्वस्त प्लॅन, JioHotstar सब्सक्रिप्शनसह मिळणार इतका डेटा

• आता तुमचे डिव्हाईस कनेक्ट करण्यासाठी विचारले जाईल, तेव्हा अलाऊवर टॅप करा.
• क्यूआर कोड स्कॅन करण्यासाठी आयफोन कॅमेऱ्याचा वापर करा.
• वायफाय नेटवर्कसह कनेक्ट करा आणि ट्रांसफर सुरु करण्यासाठी जॉईन वर टॅप करा.
• प्रक्रिया पूर्ण झाल्यावर, तुमचे चॅट्स पाहण्यासाठी तुमच्या अँड्रॉइड डिव्हाइसवर ‘नेक्स्ट’ वर टॅप करा. आता तुम्ही तुमच्या नवीन अँड्रॉइड फोनवर व्हॉट्सॲप वापरणे सुरू करू शकता.