Tech Tips: फोन चोरी झाला? घाबरू नका… लगेच करा ही 3 कामं, नाहीतर बँक अकाउंट होईल रिकामं

फोन चोरी झाल्यानंतर क्षणातच योग्य निर्णय घेणं अत्यंत गरजेचं असतं, अन्यथा तुमचं मोठ्या प्रमाणात नुकसान होऊ शकतं. तुमचं नावं आणि नंबर वापरून लोकांची फसवणूक केली जाऊ शकते, तसेच तुमचे बँक अकाऊंंट देखील रिकामे होऊ शकते.

• सर्वात पहिले काम म्हणजे तुमचे सिम कार्ड त्वरित ब्लॉक करा
• दुसरे सर्वात महत्त्वाचे काम म्हणजेच पोलिसांत तक्रार दाखल करणे
• डिपार्टमेंट ऑफ टेलीकॉमच्या संचार साथी पोर्टल आणि CEIR प्लॅटफॉर्मवर जाऊन IMEI नंबर ब्लाॅक करू शकता

स्मार्टफोन आपल्यासाठी सर्वात महत्त्वाचे गॅझेट आहे. आपण स्मार्टफोनशिवाय एक मिनिट देखील राहू शकत नाही. कारण स्मार्टफोनच्या मदतीने आपण आपली अनेक कामं अगदी चुटकीसरशी करू शकतो. आपले फोटो, बँकिंग ॲप्स, सोशल मीडिया अकाऊंट्स आणि इतर बरीच माहिती स्मार्टफोनमध्ये सेव्ह केलेली असते. याशिवाय इतर महत्त्वाचे डॉक्यूमेंट्स देखील आपल्या स्मार्टफोनमध्ये सेव्ह केलेले असतात. अशा परिस्थितीत जर आपला फोन चोरी झाला तर मोठी समस्या निर्माण होऊ शकते.

गेमिंग लव्हर्ससाठी खुशखबर! भारतात या दिवशी लाँच होणार Infinix GT 50 Pro… डिझाइनमध्ये दिसणार अनोखा प्रयोग

फोन चोरी झाल्यानंतर काय करावे, अनेकांना सूचत नाही. तुम्ही त्वरित योग्य पाऊल उचलली नाही तर तुमचं मोठं नुकसान होऊ शकतं. फोन चोरी झाल्यानंतर त्यामधील डेटाचा चुकीचा वापर केला जाऊ शकतो आणि तुमचे बँक अकाऊंट देखील रिकामे केले जाऊ शकते. यासाठी फोन चोरी झाल्यानंतर वेळ वाया न घालवता सर्वात आधी 3 महत्त्वाची कामं पूर्ण करा.  (फोटो सौजन्य – AI Created) 

सर्वात आधी सिम कार्ड ब्लॉक करा

फोन चोरी झाल्यानंतर सर्वात पहिले काम म्हणजे तुमचे सिम कार्ड त्वरित ब्लॉक करा. कारण आजच्या काळात बँक अकाऊंट्स, यूपीआय ॲप्स आणि सोशल मीडिया प्लॅटफॉर्म्स तुमच्या नंबरला लिंक केलेले असतात. अशा परिस्थितीत जर तुम्ही सिम कार्ड ब्लॉक केले नाही तर तुमचा फोन चोरी करणारी कोणतीही व्यक्ती ओटीपी मिळवू शकते आणि तुमचे बँक अकाऊंट रिकामे करू शकते.

तुमच्या नावाने, तुमच्या नंबरवरून फोन किंवा मेसेज करून लोकांची फसवणूक देखील केली जाऊ शकते. यामुळे फोन चोरी झाल्यानंतर त्वरित तुमच्या सर्विस प्रोवाइडर म्हणजेच एयरटेल, जियो, वोडाफोन-आइडिया किंवा बीएसएनएलच्या कस्टमर केयरला कॉल करा. त्यांना सर्व परिस्थिती सांगा आणि त्यांना तुमचे सिम कार्ड ब्लॉक करण्याची विनंती करा.

पोलिसांत तक्रार दाखल करा

सिम कार्ड ब्लॉक केल्यानंतर दुसरे सर्वात महत्त्वाचे काम म्हणजेच पोलिसांत तक्रार दाखल करणे. तुम्ही ऑनलाईन पोर्टलद्वारे देखील पोलिसांत तक्रार दाखल करू शकता. फोन चोरी झाल्यानंतर किंवा हरवल्यानंतर पोलिसांत तक्रार दाखल करा. हा अहवाल सायबर सेल आणि पोलीस नोंदींसाठी अत्यंत महत्त्वाचा आहे. जेव्हा तुम्ही तुमचा फोन कायमस्वरूपी ब्लॉक करण्यासाठी किंवा त्याचा मागोवा घेण्यासाठी आवश्यक सरकारी प्रक्रिया पूर्ण करता.

अनेक राज्यांमध्ये ऑनलाइन ई-एफआईआर दाखल करण्याची सुविधा उपलब्ध आहे. ज्याचा वापर करून तुम्ही घरबसल्या त्वरित पोलिसांत तक्रार दाखल करू शकता. हा अहवाल कायदेशीर पुरावा म्हणून काम करतो, ज्याचा वापर तुम्ही नंतर CEIR पोर्टलवर विनंती सादर करताना करू शकता; तसेच, कोणत्याही अनुचित घटनेच्या वेळी तो तुमचे संरक्षणही करतो.

CEIR पोर्टलला भेट द्या आणि IMEI क्रमांक त्वरित ब्लॉक करा

फोन चोरी झाल्यानंतर डिपार्टमेंट ऑफ टेलीकॉमच्या संचार साथी पोर्टल आणि CEIR प्लॅटफॉर्मवर जाऊन IMEI नंबर ब्लाॅक करू शकता. यासाठी त्वरित CEIR च्या ऑफिशियल वेबसाइट https://www.ceir.gov.in/Home/index.jsp ला भेट द्या. इथे तुम्हाला तुमच्या चोरी झालेल्या फोनचा IMEI नंबर, मोबाईल नंबर आणि खरेदीचे बिल किंवा पोलीस तक्रारीची प्रत अपलोड करावी लागणार आहे. यानंतर फोन ब्लॉक करण्याची विनंती करावी लागेल.

काय सांगता!!! केवळ एक प्रॉम्प्ट अन् तयार होईल Video Game… Google ने सादर केलं नवं तंत्रज्ञान; जाणून घ्या कसं काम करणार?

तुम्ही विनंती सबमिट केल्यानंतर सरकार आणि सर्व टेलिकॉम कंपन्या या फोनच्या IMEI नंबरला देशभरात ब्लॅकलिस्ट करतील. याचा सर्वात मोठा फायदा असा होतो की, चोराने कोणतेही नवीन सिम कार्ड घातले तरी तो फोन पूर्णपणे निरुपयोगी होतो. म्हणजेच फोन केवळ पेपरवेट ठरेल आणि कोणत्याही नेटवर्कवर चालणार नाही.