iCloud स्कॅमने उडवली iPhone यूजर्सची झोप! अशी होतेय फसवणूक, सावध राहण्यासाठी वाचा एक्सपर्टचा सल्ला

iCloud Scam: आयफोन यूजर्ससाठी धोक्याची घंटा! स्कॅमर्सनी पुन्हा एकदा आयफोन यूजर्समना टार्गेट करण्यासाठी प्रयत्न सुरु केले आहेत. यासाठी आता ईमेल्स पाठवून यूजर्सना घाबरवले जात आहे.

• iCloud स्टोरेज फुल झाल्याचा बनावट ईमेल पाठवून स्कॅमर्स आयफोन यूजर्सना फसवण्याचा प्रयत्न करत आहेत.
• ईमेलमधील लिंकवर क्लिक केल्यास बनावट वेबसाईटवर नेऊन बँक डिटेल्स, अ‍ॅपल आयडी आणि पासवर्ड चोरले जातात.
• अनोळखी ईमेल, संशयास्पद लिंक आणि चुकीच्या भाषेचा वापर दिसल्यास लगेच सावध राहून अशा मेल्स डिलीट करणे आवश्यक आहे.

आयफोन यूजर्ससाठी अतिशय महत्त्वाची बातमी आहे. एका ग्राहक संघटनेने जगभरातील सुमारे 1.8 अब्ज आयफोन यूजर्ससाठी इशारा जारी आहे. यूजर्सचा डेटा धोक्यात असल्याचे सांगत एका धोकादायक ईमेल स्कॅमबाबत चेतावणी देण्यात आली आहे. अशी माहिती मिळाली आहे की, अलीकडेच टेक कंपनी अ‍ॅपलच्या नावाने आयफोन यूजर्सना एक ईमेल पाठवला जात आहे. या ईमेलमध्ये लिहीले आहे की, तुमते आयक्लाऊड स्टोरेज फुल्ल झाले आहे. यामुळे तुमचे अकाऊंट ब्लॉक केले जाऊ शकते किंवा फोटो डिलीट होऊ शकतात. तुम्हाला देखील असा ईमेल आला असेल तर सावध व्हा. कारण आयफोन यूजर्सची फसवणूक करण्यासाठी ही स्कॅमर्सची नवीन पद्धत आहे. हा स्कॅम अतिशय धोकादायक असून वेगावे व्हायरल होत आहे. आयफोन यूजर्सची फसवणूक करण्यासाठी आणि त्यांना जाळ्यात ओढण्यासाठी स्कॅमर्स पुन्हा एकदा सक्रीय झाले आहेत.

iPhone Secret Codes: नेटवर्क स्ट्रेंथपासून आयफोन हिडन फीचर्सपर्यंत… केवळ एक कोड डायल करा आणि मिळवा संपूर्ण माहिती

iCloud स्कॅम नक्की आहे?

गेल्या काही दिवसांपासून सायबर गुन्हेगार आयफोन यूजर्सना ईमेल पाठवून त्यांची फसवणूक करत आहे. या ईमेलमध्ये असा दावा केला जात आहे की, तुमचे iCloud स्टोरेज फुल झाले आहे आणि यामुळे तुमचे अकाऊंट ब्लॉक होऊ शकते. एवंढच नाही तर ईमेलमध्ये असा दावा केला जात आहे की, iCloud मधील तुमचे फोटो आणि व्हिडीओ देखील डिलीट होऊ शकतात. यामध्ये तुम्हाला त्वरित आयक्लाऊडचे स्टोरेज अपग्रेड करण्यासाठी आणि पेमेंट करण्यासाठी सांगितलं जातं. जर यावर यूजर्सनी क्लिक केलं तर मोठा अनर्थ होऊ शकतो. (फोटो सौजन्य – Pinterest)

iCloud स्कॅममध्ये यूजर्सची फसवणूक कशी केली जाते?

ईमेलमध्ये दिलेल्या आयक्लाऊडचे स्टोरेज अपग्रेड किंवा पेमेंट बटनवर क्लिक केल्यास तुमच्यासमोर एक बनावट वेबसाईट ओपन होते. ही वेबसाईट अगदी अ‍ॅपलच्या खऱ्या वेबसाईटप्रमाणे दिसते. इथे स्कॅमर्स तुमच्याकडून बँक डिटेल्स, कार्ड नंबर, अ‍ॅपल आयडी आणि पासवर्ड सारखी माहिती मागतात. जेव्हा तुम्ही ही माहिती एंटर करता तेव्हा स्कॅमर्स तुमचा डेटा चोरतात.

खोटे आणि बनावट ईमेल्स कसे ओळखावे?

बनावट ईमेल्स ओळखण्याची पद्धत अतिशय सोपी आहे. या ईमेल्सचे एड्रेस विचित्र असतात, जसे .biz.ua किंवा दुसऱ्या देशाचा डोमेन असू शकतो. तसेच, अशा ईमेलमध्ये ‘Your account may expires today’ यासारख्या स्पेलिंग आणि व्याकरणाच्या चुका असतात आणि अत्यंत भीतीदायक भाषा वापरली जाते. त्यामुळे जर तुम्हाला आलेल्या ईमेलमध्ये अशा भाषेचा वापर करण्यात आला असेल तर वेळीच सावध व्हा आणि कोणत्याही लिंकवर क्लिक करू नका.

घरबसल्या बदला स्मार्ट प्रीपेड मीटरचा मोबाईल नंबर! सोपी आहे प्रोसेस, जाणून घ्या सविस्तर

एक्सपर्ट्स काय म्हणाले?

• एक्सपर्ट्सने आयफोन यूजर्सना सावध राहण्याचा आणि कोणत्याही अनोळखी लिंकवर क्लिक न करण्याचा सल्ला दिला आहे.
• अशा प्रकारच्या ईमेल्सकडे दुर्लक्ष करा किंवा डिलीट करा.
• कोणत्याही लिंकवर क्लिक करू नका.
• कोणत्याही वेबसाईटवर तुमची माहिती शेअर करू नका.
• सेटिंग्ज > आयक्लॉडवर जाऊन तुमच्या आयफोनचे स्टोरेज तपासा.