डेटा सुरक्षित करण्यासाठी व्हिसा कंपनीच्या महत्त्वाच्या टिप्स; लक्षात ठेवाल तर फायद्यात रहाल

कठीण आणि अभेद्य पासवर्ड वापरणे तसेच अधिकृत आणि सुरक्षित वेबसाइट्स व अॅप्सद्वारेच आर्थिक व्यवहार करणे हे सायबर सुरक्षेसाठी महत्त्वाचे आहे. अनधिकृत सॉफ्टवेअर्स आणि साधे पासवर्ड डेटा चोरीचा धोका निर्माण करतात.

फोटो सौजन्य - Social Media

Follow Us:

Follow Us:

डेटा खासगीत्व सप्ताह (Data Privacy Week) हा आपल्या व्यक्तिगत आणि आर्थिक माहितीच्या संरक्षणासाठी सक्रिय उपाय करण्याची आठवण करून देतो. डिजिटल जीवनशैलीमुळे ऑनलाइन धोके वाढत आहेत. डेटा गळती आणि सायबर हल्ल्यांच्या घटनांमध्ये वाढ होत असल्याने आर्थिक माहिती सुरक्षित ठेवणे अत्यावश्यक झाले आहे. याच अनुषंगाने, व्हिसाने काही सोप्या पण प्रभावी टिप्स दिल्या आहेत ज्यामुळे आपण आपले आर्थिक व्यवहार अधिक सुरक्षित ठेवू शकतो.

नाश्त्याला बनवा प्रोटीनने भरलेला अंडा-भुर्जी सँडविच, चवीलाही अप्रतिम; आरोग्यालाही फायदेशीर

टोकनायझेशनचा अवलंब करा

ऑनलाइन पेमेंट करताना टोकनायझेशनचा वापर करणे हा महत्त्वाचा उपाय आहे. या प्रक्रियेत कार्डच्या खऱ्या माहितीसाठी एक विशेष टोकन तयार केले जाते, जे व्यवहार सुरक्षित बनवते. यामुळे डेटा चोरीचा धोका कमी होतो. आपल्या कार्डांची टोकनायझेशन सुविधा विश्वासार्ह वेबसाइट्सवर सक्रिय करून घ्या.

सार्वजनिक वाय-फायचा वापर टाळा

सार्वजनिक वाय-फाय नेटवर्क्सवर हॅकिंगचा धोका अधिक असतो. त्यामुळे संवेदनशील माहिती उघडणे किंवा आर्थिक व्यवहार टाळणे गरजेचे आहे. जर सार्वजनिक वाय-फायचा वापर अनिवार्य असेल, तर व्हर्च्युअल प्रायव्हेट नेटवर्क (VPN) चा वापर करून सुरक्षित कनेक्शन प्राधान्य द्या.

टू-फॅक्टर ऑथेंटिकेशन (2FA) सक्षम करा

ही सुरक्षा सुविधा एक अतिरिक्त पडताळणीचा स्तर प्रदान करते. पासवर्ड व्यतिरिक्त टेक्स्ट कोड किंवा बायोमेट्रिक स्कॅनची आवश्यकता असते. शक्य असेल तेथे 2FA सुविधा सक्रिय करून खात्यांना अधिक भक्कम संरक्षण द्या.

कठीण पासवर्ड वापरा

अभेद्य पासवर्ड हे आपल्या ऑनलाइन खात्यांचे संरक्षण करण्यासाठी सर्वात महत्त्वाचे पाऊल आहे. प्रत्येक खात्यासाठी वेगळा आणि जटिल पासवर्ड ठेवा. हा पासवर्ड अक्षरे, संख्या आणि विशेष चिन्हांचा समावेश असलेला असावा. जसे “My$tr0ngP@ssw0rd!” असा पासवर्ड निवडल्यास तो सहज तर्क लावून ओळखता येत नाही. याद्वारे हॅकर्सना खात्यांपर्यंत पोहोचण्याचा मार्ग बंद होतो. “12345” किंवा “password” यांसारखे सरळसोपे पासवर्ड कधीही वापरू नयेत. जर आपल्याला विविध खात्यांसाठी वेगळे पासवर्ड लक्षात ठेवणे कठीण जात असेल, तर विश्वसनीय पासवर्ड व्यवस्थापन टूल्सचा (Password Manager) वापर करून त्यात सुरक्षितपणे पासवर्ड स्टोअर करा.

सुरक्षित वेबसाइट्स व Apps वापरा

आर्थिक व्यवहार किंवा व्यक्तिगत माहिती देण्यापूर्वी वेबसाइट सुरक्षित आहे याची खात्री करणे आवश्यक आहे. URL च्या सुरुवातीला “https://” असणे आणि पॅडलॉक चिन्ह दिसणे हे संकेतस्थळाच्या सुरक्षिततेचे महत्त्वाचे लक्षण आहे. हे संकेतशब्दांची सुरक्षितता आणि डेटा एनक्रिप्शन सुनिश्चित करते. फक्त अधिकृत Apps स्टोअर्समधून जसे की Google Play Store किंवा Apple App Store मधूनच Apps डाउनलोड करावेत. अनधिकृत वेबसाइट्स आणि Apps वरून डाउनलोड केलेले सॉफ्टवेअर्स आपल्या आर्थिक व वैयक्तिक माहितीशी छेडछाड करू शकतात. हे सायबर फसवणुकीस कारणीभूत ठरू शकते. त्यामुळे कोणतेही नवीन Apps डाउनलोड करताना त्याचे रिव्ह्यू व प्रतिष्ठा तपासणे गरजेचे आहे.

बजाज फाऊंडेशनकडून मुंबईमध्‍ये ‘युथ इको समिट’च्‍या २०२५ एडिशनचे आयोजन; विविध समस्यांवर चर्चा

वरील सर्व उपाय अमलात आणल्यास आपण सायबर हल्ल्यांपासून सुरक्षित राहून सुरक्षित ऑनलाइन व्यवहार करू शकतो. सजगता आणि दक्षता राखल्यास अधिक सुरक्षित डिजिटल वातावरण निर्माण करणे शक्य आहे. आजपासूनच या टिप्स अंमलात आणा आणि सुरक्षिततेचा आनंद घ्या.

Web Title: Important tips from visa to secure data

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com