Instagram Update: आता प्रोफाइल ग्रिडवर तुमचाच कंट्रोल! आवडीनुसार बदला इंस्टग्राम पोस्ट्सची जागा… वाचा संपूर्ण प्रोसेस

Instagram Reorder Grid Feature: इंस्टाग्रामने एक नवीन आणि अनोखं फीचर लाँच केलं आहे. हे फीचर यूजर्सना त्यांची प्रोफाईल ग्रीड एडीट करण्याचा पर्याय देणार आहे. नव्या फीचरच्या मदतीने आता प्रोफाइलवरील फोटो आणि रील्सची मांडणी आवडीनुसार बदलता येणार असून प्रोफाइल अधिक आकर्षक बनवणे सोपे होणार आहे.

इंस्टाग्रामच्या ‘Reorder Grid’ फीचरमुळे यूजर्सना प्रोफाइलवरील पोस्ट्सची जागा मनाप्रमाणे बदलता येणार आहे.

• यापूर्वी पोस्ट्स केवळ तारीखनुसार दिसत होत्या, मात्र आता जुन्या पोस्ट्सही वरच्या बाजूला आणता येणार आहेत.
• कोणत्याही पोस्टवर लाँग प्रेस करून ‘Reorder Grid’ पर्याय निवडल्यास पोस्ट्स सहजपणे पुन्हा मांडता येतील.

Instagram New Feature: सोशल मीडिया प्लॅटफॉर्म गेल्या काही दिवसांपासून यूजर्ससाठी सतत नवीन फीचर्स आणि अपडेट्स घेऊन येत आहे. अलीकडेच इंस्टंट नावाचे एक नवीन फीचर देखील यूजर्ससाठी रिलीज करण्यात आले आहे. यानंतर आता कंपनीने त्यांच्या यूजर्ससाठी आणखी एक नवीन फीचर सादर केलं आहे. या नव्या फीचरचं नाव रिऑर्डर ग्रिड असं आहे. हे फीचर प्रोफाइल ग्रिडसंबंधित आहे. आता यूजर्स त्यांच्या आवडीनुसार प्रोफाईलवरील पोस्ट अ‍ॅडजस्ट करू शकणार आहे. याची प्रोसेस देखील अतिशय सोपी आहे.

Apple WWDC 2026: ईव्हेंटमध्ये नव्या macOS 27 Golden Gate चं अनावरण! Mac यूजर्सचा अनुभव बदलणार, जाणून घ्या खास फीचर्स

आवडीनुसार पोस्ट्सची जागा बदलू शकणार

आतापर्यंत आपल्या प्रोफाईलवरील पोस्ट तारीखनुसार दिसत होत्या. म्हणजेच लेटेस्ट पोस्ट वर आणि जुन्या पोस्ट खाली दिसत होत्या. तसेच यूजर्सना 3 पोस्ट्स पिन करण्याचा पर्याय देखील होता. मात्र आता यामध्ये काही बदल करण्यात आला आहे. आता यूजर्स त्यांच्या आवडीनुसार पोस्ट्सची जागा बदलू शकणार आहेत. म्हणजेच तुम्ही अनेक महिन्यांपूर्वी शेअर केलेली पोस्ट्स वरच्या बाजूला अ‍ॅडजस्ट करू शकणार आहात आणि नुकतीच शेअर केलेली पोस्ट खाली अ‍ॅडजस्ट करू शकणार आहेत. अनेकदा आपल्याला नवीन आणि लेटेस्ट पोस्ट्सपेक्षा जुने फोटो आणि रिल्स अधिक आवडतात. मात्र केवळ 3 पोस्ट्स पिन करण्याचा पर्याय असल्यामुळे अनेकदा आपल्याला आपल्या आवडत्या पोस्ट्स प्रोफाईल ग्रिडवर वरच्या बाजूला घेता येत नाहीत. मात्र आता असं होणार नाही.  (फोटो सौजन्य – X) 

you can move posts around on your Instagram grid starting this week. tap, drag and drop your posts wherever you want 🪄 pic.twitter.com/HKqO5TValM — Instagram (@instagram) June 8, 2026

इंस्टाग्राम रिऑर्डर ग्रिड

इंस्टाग्रामवरील रिऑर्डर ग्रिड नावाच्या नव्या फीचरमुळे तुम्ही प्रोफाईल ग्रिडवरील फोटो तुमच्या आवडीनुसार रांगेत लावू शकणार आहात. याचा एक व्हिडीओ इंस्टाग्रामने त्यांच्या एक्स अकाऊंटवर शेअर केला आहे. या व्हिडीओवर अनेक यूजर्सनी कमेंट देखील केली आहे. एका यूजरने म्हटलं आहे की, यामुळे प्रोफाईलची मांडणी करणे खूपच सोपे होईल! मी कदाचित ती अधिक छान आणि नीटनेटकी दिसण्यासाठी थोडी अतिरिक्त मेहनतही घेईन. कारण आता मी तसे करू शकतो!! तर दुसऱ्या यूजरने म्हटलं आहे की, त्यांनी ‘वेळेनुसार क्रमवारी’ (time sorting) लावण्याच्या पद्धतीला सर्वांसाठी शक्य केले आहे. आता कोणीही एखादी जुनी पोस्ट घेऊन ती नवीन पोस्ट असल्यासारखी दर्शवू शकते.

जुना Smartphone विकताय? सर्वात आधी आवर्जून करा ही 4 कामं; नाहीतर वैयक्तिक डेटा होऊ शकतो लीक

फॉलो करा ही सोपी प्रोसेस

• सर्वात आधी तुमच्या स्मार्टफोनमध्ये इंस्टाग्राम ओपन करा.
• आता प्रोफाईलवर क्लिक करा.
• आता कोणत्याही एका पोस्टवर लाँग प्रेस करा.
• आता तुम्हाला पिन टू यूवर मेन ग्रिड, रिऑर्डर ग्रिड, अ‍ॅडजस्ट प्रिव्ह्यु, लाईक आणि कमेंट असे काही पर्याय दिसू लागतील.
• यापैकी रिऑर्डर ग्रिडवर क्लिक करा.
• आता तुम्ही तुमच्या आवडीनुसार तुमचे फोटो खाली किंवा वर नेऊ शकता.