Tech Tips: Keyboard फक्त टायपिंगसाठी नाही! ‘या’ भन्नाट शॉर्टकट्समुळे कंप्युटर वापरणं होईल सुपरफास्ट, जाणून घ्या

तुम्ही देखील किबोर्डचा वापर केवळ टायपिंगसाठी करता का? किबोर्डच्या काही शॉर्टकट्समुळे कंप्युटर वापरण्याचा तुमचा अनुभव पूर्णपणे बदलू शकतो. कॉपी-पेस्ट करण्यापासून कंप्यूटर लॉक करण्यापर्यंत सर्वकाही किबोर्डच्या मदतीने करू शकता.

• किबोर्डच्या मदतीने इतर अनेक काम अगदी सहज पूर्ण केली जाऊ शकतात
• किबोर्डच्या मदतीने तुम्ही कंटेट कॉपी आणि पेस्ट करू शकता
• किबोर्डच्या मदतीने तुम्ही स्क्रीनशॉट देखील घेऊ शकता

कंप्युटर आणि लॅपटॉपचा वापर करणाऱ्या सर्वांनाच माहिती आहे की, आतापर्यंत किबोर्डचा वापर केवळ टायपिंगसाठी केला जातो. पण सध्याच्या काळात केवळ टायपिंग नाही तर किबोर्डच्या मदतीने इतर अनेक काम अगदी सहज पूर्ण केली जाऊ शकतात. यामुळे तुमचा लॅपटॉप किंवा कंप्युटर वापरण्याचा अनुभव अधिक चांगला होतो. याबाबत आता सविस्तर जाणून घेऊया.

Instagram Grey Tick: तुमच्या अकाऊंटवरही दिसतेय ग्रे टिक? यूजर्स झाले हैराण, नेमकं प्रकरण काय? जाणून घ्या

कॉपी-पेस्ट करण्यासाठी मदत

किबोर्डच्या मदतीने तुम्ही कंटेट कॉपी आणि पेस्ट करू शकता. कॉपी करण्यासाठी Ctrl+C आणि पेस्ट करण्यासाठी Ctrl+V या कीचा वापर केला जातो. तसेच, Ctrl+X च्या मदतीने तुम्ही कोणताही टेक्स्ट किंवा फाईल कट करू शकता. तसेच, जर तुमच्याकडून चुकून कोणते काम झाले तर Ctrl+Z च्या मदतीने तुम्ही अंडू करू शकता. तर Ctrl+Y दाबून रीडू करू शकता.  (फोटो सौजन्य: Pinterest) 

माऊसशिवाय ॲपमध्ये स्विच करू शकता

जर कंप्युटरमध्ये एखादी विंडो ओपन असेल तर प्रत्येकवेळी माऊसच्या मदतीने दुसरी विंडो निवडण्याची गरज नाही. तुम्ही किबोर्डमध्ये Alt+Tab दाबून कंप्युटरमधील विंडोजमध्ये अतिशय वेगाने स्विच करू शकता. जेव्हा तुम्ही ब्राऊझर, वर्ड आणि दुसऱ्या ॲप्सवर एकाचवेळी काम करत असाल तर अशावेळी हे फीचर तुमच्यासाठी फायद्याचे ठरू शकते.

स्क्रीनशॉट घेऊ शकता

किबोर्डच्या मदतीने तुम्ही स्क्रीनशॉट देखील घेऊ शकता. विंडोज कंप्युटरमध्ये PrtScn बटन संपूर्ण स्क्रीनचा स्क्रीनशॉट घेण्यासाठी मदत करू शकतो. तसेच, Windows+Shift+S दाबून तुम्ही स्क्रीनच्या कोणताही विशिष्ट भाग सिलेक्ट करून त्या स्क्रीनशॉट घेऊ शकता. यामुळे महत्त्वाची माहिती सेव्ह आणि शेअर करणं आणखी सोपं होतं.

फाइल आणि फोल्डर मॅनेज करणं

कंप्युटर किबोर्डच्या मदतीने फाईल्स आणि फोल्डर मॅनेज करणं देखील अतिशय सोपं होतं. Windows+E दाबून फाईल एक्सप्लोअर ओपन करू शकता. तसेच, एखादी फाईल निवडल्यानंतर F2 दाबून त्याचे नाव देखील अगदी सहज बदलले जाऊ शकते. डिलीट केल्याने फाईल रिसायकल बिनमध्ये जाते.

Tech Tips: सोशल मीडियावर लाखो Views वाढवायचे? आता महागड्या प्रमोशनची गरज नाही, ‘या’ टिप्स तुमच्यासाठी ठरतील गेमचेंजर

ब्राऊझर वापरण्यासाठी होते मदत

Ctrl+T दाबून नवीन स्क्रीन टॅब ओपन करू शकता. जर तुम्हाला आधीपासून सुरु असलेला टॅब बंद करायचा असेल तर Ctrl+W दाबू शकता. तसेच, जर एखादा टॅब चुकून बंद झाला तर Ctrl+Shift+T दाबून तो टॅब पुन्हा ओपन करू शकता. तसेच एखादी वेबसाईट वेगाने सर्च करण्यासाठी Ctrl+L दाबून सहजपणे ॲड्रेस बार उघडू शकता.

कंप्यूटर लॉक करण्यासाठी फायदेशीर

जर तुम्हाला काही वेळासाठी तुमच्या कंप्युटरपासून दूर जायचे असेल तर तुम्ही माऊसने कंप्युटर लॉक करण्याऐवजी Windows+L दाबू शकता. यामुळे कंप्युटर त्वरित लॉक होईल. यामुळे कोणीही दुसरा व्यक्ती तुमच्या कंप्युटरचा वापर करू शकणार नाही.