GPay मध्ये आले नवे ‘पॉकेट मनी’ फीचर! एकाच UPI ने संपूर्ण कुटूंब करू शकणार पेमेंट, स्टेप बाय स्टेप फॉलो करा ही प्रोसेस

GPay Pocket Money Feature: तुम्ही देखील गुगल पे यूजर आहात का? कंपनी एक नवीन फीचर घेऊन आली आहे. हे नवीन फीचर विशेषत: वयोवृद्ध आणि लहान मुलांसाठी सुरु करण्यात आले आहे.

• GPay चे ‘पॉकेट मनी’ फीचर एकाच यूपीआय आयडीवर 5 सदस्यांना जोडण्याची सुविधा देत असून बँक अकाऊंट नसलेले सदस्यही पेमेंट करू शकतात.
• हे फीचर NPCI च्या यूपीआय सर्कलवर आधारित असून प्रायमरी यूजरच्या अकाऊंटमधून सेकेंडरी मेंबर्स नियंत्रित मर्यादेत व्यवहार करू शकतात.
• सेटअप प्रक्रियेत क्यूआर कोड स्कॅन, लिमिट सेट करणे आणि ओळख पडताळणी आवश्यक असून सुरक्षिततेला विशेष महत्त्व देण्यात आले आहे.

टेक कंपनी गुगलच्या मालकीचे पेमेंट प्लॅटफॉर्म गुगल पेमध्ये एक नवीन फीचर लाँच करण्यात आले आहे. या नव्या फीचरचं नाव पॉकेट मनी फीचर असं आहे. या नव्या फीचरमध्ये एकाच यूपीआय आयडीचा वापर संपूर्ण कुटूंब करू शकणार आहे. या फीचरमध्ये तुम्ही घरातील अशा लोकांना देखील जोडू शकणार आहात, ज्यांच्याकडे बँक अकाऊंट नाही. हे विशेषतः लहान पेमेंटसाठी तयार केलेल्या NPCI च्या UPI सर्कल फीचरवर आधारित आहे. नावावरून स्पष्ट होत आहे की, हे फीचर लहान मुल आणि वयोवृद्धांसाठी पॉकेट मनीचे काम करणार आहे. गूगलचे नवे ‘पॉकेट मनी’ फीचर कसे काम करणार आहे, जाणून घेऊया.

Amazfit T-Rex Ultra 2 भारतात लाँच! 30 दिवसांची बॅटरी आणि 180+ स्पोर्ट्स मोडसह मिळणार हे फीचर्स, किंमत वाचून व्हाल थक्क

गुगल पे चे नवीन पॉकेट मनी फीचर

NPCI ने गेल्यावर्षी यूपीआय सर्कल सर्विसची सुरुवात केली होती. यामध्ये एकच यूपीआय अकाऊंटचा वापर 5 सदस्य करू शकतात. गूगलचे पॉकेट मनी फीचर देखील यावर आधारित आहे. गुगल पे च्या नव्या फीचरमध्ये घरातील 5 सदस्य त्यांचे अकाऊंट लिंक करू शकणार आहेत. या नव्या फीचरची सर्वात खास गोष्ट म्हणजे ज्या सदस्यांकडे बँक अकाऊंट नाही, ते सदस्य देखील यूपीआय सर्विसचा वापर करू शकणार आहेत. उर्वरित सदस्य फक्त प्रायमरी मेंबरच्या बँक अकाऊंटमधून UPI पेमेंट वापरू शकतील.  (फोटो सौजन्य – Pinterest)

See more

GPay मध्ये पॉकेट मनी फीचर कसे सेट कराल?

• सर्वात आधी तुम्हाला तुमच्या स्मार्टफोनमध्ये गुगल पे अ‍ॅप लाँच करावा लागणार आहे.
• आता अ‍ॅप ओपन करा आणि प्रोफाईल स्क्रीनवर तुम्हाला यूपीआय सर्कल ऑप्शन दिसणार आहे.
• आता सेटअप पॉकेट मनीवर टॅप करा.
• आता तुम्हाला त्या व्यक्तीचे नाव किंवा नंबर निवडावे लागणार आहे, ज्याला तुम्हाला फीचरमध्ये जोडायचे आहे.
• ज्या व्यक्तीला तुम्हाला यूपीआय सर्कलमध्ये जोडायचं आहे, त्या व्यक्तीच्या यूपीआय सर्कलचा क्यूआर कोड तुम्हाला स्कॅन करावा लागणार आहे.

AI+ चा नवा धमाका! 6,000mAh बॅटरीसह लाँच केले स्वस्त 5G स्मार्टफोन्स, जाणून घ्या फीचर्स आणि किंमत

• इथे तुम्हाला मंथली लिमिट किंवा अप्रूव एवरी पेमेंटवाल्या पर्यायापैकी एकाची निवड करावी लागणार आहे.
• आता तुमचे डिटेल्स आणि सेकेंडरी यूजरची माहिती आणि आधार नंबर एंटर करा.
• इथे यूपीआय पिन एंटर करा आणि विनंती पाठवा.
• सेकेंडरी यूजर जेव्हा विनंती स्विकारले त्यानंतर पॉकेट मनी सर्विस सुरु होणार आहे.

सुरक्षेच्या कारणास्तव, प्रत्येक प्रायमरी मेंबरने सेकेंडरी मेंबरची ओळख व्हेरिफाय करणं आवश्यक आहे. यासाठी सेकेंडरी यूजरच्या आयडीचा तपशील प्रविष्ट करणे आवश्यक आहे. कोणत्याही फसवणुकीच्या व्यवहारांचा मागोवा घेण्यासाठी बँक हा तपशील त्यांच्या नोंदींमध्ये ठेवतात.