Google Maps Update: नेव्हिगेशन अ‍ॅपमध्ये आलं नवीन पावर सेविंग मोड! बॅटरी वाचवण्यासाठी होणार मदत, असा करा वापर

Google Maps New Feature: गुगल मॅप्समध्ये सतत नवीन फीचर्स जोडले जात असतात. प्रवासावेळी गुगल मॅप्सचा वापर करताना या फीचर्सचा मोठ्या प्रमाणात फायदा होतो. आता देखील कंपनीने गुगल मॅप्समध्ये एक नवीन फीचर जोडलं आहे.

• बॅटरी वाचवण्यासाठी डिझाईन केलं नवीन अपडेट
• Google Maps ब्लॅक-एंड-व्हाइट इंटरफेस
• एक्स प्लॅटफॉर्मवर अनेक यूजर्सनी स्क्रीनशॉट शेअर केले

लोकप्रिय नेव्हिगेशन प्लॅटफॉर्म गुगल मॅप्समध्ये आता एका नवीन फीचरचा समावेश करण्यात आला आहे. हे फीचर यूजर्सना त्यांच्या फोनची बॅटरी वाचवण्यासाठी मदत करणार आहे. या नवीन फीचरचं नाव Power Saving Mode असं आहे. हे फीचर सध्या Pixel 10 सीरीज स्मार्टफोनवर उपलब्ध आहे. नोव्हेंबर महिन्यात आयोजित करण्यात आलेल्या Pixel Feature Drop ईव्हेंटमध्ये कंपनीने या नवीन फीचरची घोषणा केली होती. हे नवीन अपडेट नेव्हिगेशन प्लॅटफॉर्मचा वापर करताना बॅटरी वाचावी आणि दिर्घकाळ अ‍ॅपचा वापर करता यावा, यासाठी डिझाईन करण्यात आलं आहे.

Apple Store Noida: iPhone चाहत्यांसाठी खुशखबर! नोएडामध्ये सुरु होणार नवं रिटेल स्टोअर, या दिवशी होणार ओपनिंग

गुगल मॅप्समध्ये नवीन पावर सेविंग मोड समाविष्ट

या Power Saving Mode मध्ये Google Maps ब्लॅक-अँड-व्हाइट इंटरफेस पाहायला मिळतो, ज्यामुळे बॅटरी कंजप्शन कमी होते. यासोबतच स्क्रीनवर लिमिटेड अपडेट दाखवले जातात आणि केवळ महत्त्वाचे नेविगेशन डायरेक्शन मिळते. नोव्हेंबर महिन्यात Feature Drop चा एक भाग म्हणून Google ने गुगल मॅप्समध्ये नवीन पावर सेविंग मोड समाविष्ट केले होते, ज्याचा उद्देश नेव्हिगेशन दरम्यान बॅटरी लाईफ वाढवणं असा आहे. (फोटो सौजन्य – Pinterest)

Pixel 10 सीरीज फोनवर मिळालं नवीन फीचर

हे फीचर Pixel 10 सीरीज स्मार्टफोनवर उपलब्ध आहे. एक्स प्लॅटफॉर्मवर अनेक यूजर्सनी स्क्रीनशॉट शेअर करत माहिती दिली आहे की, त्यांना त्यांच्या Pixel 10 सीरीज फोनवर गुगल मॅप्समधील हे नवीन फीचर मिळाले आहे. नवीन पावर सेविंग मोडसह, गुगल मॅप्स अ‍ॅप ब्लॅक-एंड-व्हाइट इंटरफेसमध्ये स्विच करतो, स्क्रीन ब्राइटनेस आणि रिफ्रेश रेट कमी करतो, केवळ महत्त्वाचे नेविगेशन इंस्ट्रक्शन दाखवतो.

पावर सेविंग मोडचा वापर कसा करावा?

Google Maps चे पावर सेविंग मोड आता केवळ Pixel 10 सीरीजसाठी उपलब्ध आहे. याचा अर्थ असा आहे की, Pixel 10, Pixel 10 Pro, Pixel 10 Pro XL आणि Pixel 10 Pro Fold यूजर्स गुगल मॅप्समधील या नवीन फीचरचा वापर करू शकणार आहेत. हे फीचर केवळ ड्रायव्हिंग मोडवर काम करते. वॉकिंग आणि बाइकिंग नेविगेशनला अद्याप हे नवीन फीचर सपोर्ट करत नाही. Google Pixel 10 सीरीज यूजर्स Google Maps > Settings > Navigation मध्ये जाऊन ड्रायव्हिंग ऑप्शनमधून पावर सेव्हिंग मोड ऑन करू शकतात.

TRAI Report October 2025: Jio ने मारली बाजी, 20 लाख नवीन यूजर्स जोडले! Airtel नेही दाखवली आपली ताकद

पावर सेविंग मोडमध्ये दिसणार केवळ महत्त्वाची माहिती

नेव्हिगेशन सुरु झाल्यानंतर यूजर्स पावर बटन प्रेस करून लॉक स्क्रीनवर लो-पावर मॅप व्यू अ‍ॅक्टिवेट करू शकणार आहेत. एग्जिटसाठी स्क्रीनवर टॅप करा किंवा पावर बटन पुन्हा एकदा प्रेस करा. तुम्हाला पुन्हा पावर सेविंग मोडचा वापर करायचा असेल तर तुम्ही पुन्हा एकदा पावर बटण प्रेस करू शकता. पावर सेविंग मोडमध्ये यूजर्सना केवळ महत्त्वाची माहिती दिसणार आहे. जसे पुढील टर्न आणि या मोडमध्ये स्क्रीनची ब्राइटनेस आणि कलरचा वापर करून बॅटरी वाचवण्यासाठी मदत केली जाणार आहे.