रविवार, 15 नोव्हेंबर 2026
ई-मेल आयडी प्रोफेशनल नाही? चिंता नको! आता क्षणातच बदलू शकता तुमचे यूजरनेम, फक्त फॉलो करा या स्टेप्स
यापूर्वी जेव्हा यूजर्सना त्यांच्या अकाऊंटचे नाव बदलायचे असेल तेव्हा त्यांच्याकडे केवळ एकच पर्याय होता, तो म्हणजे नवीन अकाऊंट तयार करणं. मात्र आता असं होणार नाही. कारण गूगलच्या नवीन फीचरमुळे यूजर्सना जिमेल अकाऊंटचे यूजरनेम बदलण्याची सुविधा मिळणार आहे. त्यामुळे आता यूजर्सना केवळ यूजरनेमसाठी नवीन अकाऊंट तयार करण्याची गरज भासणार नाही. जीमेल यूजरनेम बदलल्यानंतर देखील तुमचे ईमेल, फोटो आणि फाइल्स सर्वकाही पूर्वीसारखेच राहणार आहे. त्यामध्ये कोणताही बदल होणार नाही. गुगलने ही सुविधा दिली आहे कारण तुमचा नवीन ईमेल तुमचा मुख्य लॉगिन आयडी बनेल. (फोटो सौजन्य – Pinterest)
You asked, we delivered. If you’re a U.S. Google user, you can now change your account username for tools like Gmail, Photos, Drive and more — while keeping your emails, data and account history. Here’s what to know: 1️⃣ You can choose any available @gmail.com username. 2️⃣… pic.twitter.com/eF2lgbJaFg — Google (@Google) March 31, 2026
सर्वात आधी तुम्हाला गुगल अकाऊंटच्या सेटिंगमध्ये जावे लागणार आहे. इथे पर्सनल इंफॉरमेशन ओपन करा आणि ईमेलवर टॅप करा. नवीन गूगल अकाऊंट ईमेल निवडा आणि हा ईमेल बदलण्याचा पर्याय निवडा. तुमचे नवीन यूजरनेम निवडा किंवा तयार करा आणि त्याची पुष्टी करा. सध्या गूगलचे हे फीचर केवळ अमेरिकेतील यूजर्ससाठी उपलब्ध आहे. कंपनी टप्प्याटप्प्याने हे फीचर सर्व यूजर्सपर्यंत पोहोचवण्यासाठी प्रयत्न करत आहे.
गुगलने सांगितलं आहे की, नवीन फीचरअंतर्गत जेव्हा एखादा यूजर त्यांचा ईमेल बदलतो, तेव्हा त्या यूजरचा जुना जीमेल आईडी एक ऑप्शनल ईमेल एड्रेस स्वरुपात काम सुरु ठेवतो. जर कोणी तुमच्या जुन्या ईमेल आयडीवर ईमेल पाठवला तर तो ईमेल तुम्हाला तुमच्या नवीन ईमेल आयडीवर मिळणार आहे. जिमेल यूजरनेम बदलण्यासाठी काही मर्यादा सेट करण्यात आल्या आहेत.
