Realme C85 5G: कमी पैशात जास्त फीचर्स हवेत? Realme चा नवा स्मार्टफोन तुमच्यासाठी बेस्ट… किंमत वाचून थक्क व्हाल

Realme Smartphone Launched: लेटेस्ट लाँच स्मार्टफोनमध्ये 7,000mAh बॅटरी देण्यात आली आहे. जी 22 तासांपर्यंत व्हिडीओ प्लेबॅक, 50 तासांपर्यंत कॉलिंग आणि तब्बल 145 तासांचा म्यूझिक प्लेबॅक ऑफर करते, असा दावा कंपनीने केला आहे.

• 15 हजारांहून कमी किंमतीत नवीन स्मार्टफोन लाँच
• कमी किंमतीत मिळणार दमदार परफॉर्मंस
• बजेट लेव्हल सेगमेंटमध्ये नव्या स्मार्टफोनची एंट्री

चीनी स्मार्टफोन कंपनी Realme ने भारतातील स्मार्टफोन मार्केटमध्ये मोठा धमाका केला आहे. भारतातील स्मार्टफोन मार्केटमध्ये Realme C85 5G हा नवीन स्मार्टफोन लाँच करण्यात आला आहे. हा स्मार्टफोन बजेट सेंगमेंटमध्ये लाँच करण्यात आला आहे. डिसेंबरच्या सुरुवातीला देशातील ई कॉमर्स प्लॅटफॉर्म आणि कंपनीच्या वेबसाईटवर या स्मार्टफोनची विक्री सुरु होणार आहे. कंपनीने या नुकत्याच लाँच केलेल्या स्मार्टफोनमध्ये MediaTek Dimensity 6300 चिपसेट दिला आहे. ज्याला 4GB रॅम आणि 128GB ऑनबोर्ड स्टोरेजसह जोडण्यात आलं आहे. हे डिव्हाईस दोन रंगात उपलब्ध आहे.

Instagram Update: क्रिएटर्ससाठी खुशखबर! या भाषांमध्ये ट्रान्सलेट करू शकतात रिल्स, Edits अ‍ॅपमध्येही झाला इंडियन फॉन्ट्सचा समावेश

भारतात Realme C85 5G ची किंमत आणि उपलब्धता

भारतात Realme C85 5G स्मार्टफोन दोन रॅम व्हेरिअंटमध्ये लाँच करण्यात आला आहे. या स्मार्टफोनच्या 4GB रॅम आणि 128GB इनबिल्ट स्टोरेजवाल्या बेस व्हेरिअंटची किंमत 14,999 रुपये आणि टॉप-ऑफ-द-लाइन 6GB रॅम आणि 128GB स्टोरेज व्हेरिअंटची किंमत 16,499 रुपये ठेवण्यात आली आहे. 1 डिसेंबरपासून भारतात या स्मार्टफोनची विक्री सुरु होणार आहे. पॅरट पर्पल आणि पीकॉक ग्रीन कलरमध्ये हा स्मार्टफोन खरेदीसाठी उपलब्ध आहे. (फोटो सौजन्य – X) 

Realme C85 5G चे स्पेसिफिकेशन्स आणि फीचर्स

डिस्प्ले

Realme C85 5G मध्ये 6.8-इंच LCD स्क्रीन दिला आहे. ज्यामध्ये HD+ (720×1,570 पिक्सेल) रेजोल्यूशन, 144Hz पर्यंत रिफ्रेश रेट, 1,200 निट्सपर्यंत पीक ब्राइटनेस, 180Hz पर्यंत टच सँपलिंग रेट आणि कॉर्निंग ग्लास प्रोटेक्शन देण्यात आले आहे. या स्मार्टफोनमध्ये 100 टक्के sRGB, 83 टक्के DCI-P3 कलर गॅमट, 16.7 मिलियन कलर्स आणि 90.4 टक्के स्क्रीन-टू-बॉडी रेश्यो देखील आहे.

प्रोसेसर

हे डिव्हाईस ऑक्टा कोर MediaTek Dimensity 6300 चिपसेटवर आधारित आहे, जो ARM Mali-G57 MC2 GPU सह येतो. Realme C85 5G मध्ये 6GB पर्यंत रॅम आणि 12GB पर्यंत Dynamic रॅम देखील आहे. हा फोन 128GB ऑनबोर्ड स्टोरेजसह लाँच करण्यात आला आहे. कंपनीने दावा केला आहे की, फोनमध्ये एकाच वेळी 17 अ‍ॅप्स वापरले जाऊ शकतात. यामध्ये एक वेपर चेंबर आहे. ज्यामध्ये 5,300 sq mm हीट डिसिपेशन एरिया आहे.

कॅमेरा यूनिट

फोटोग्राफीसाठी, Realme C85 5G मध्ये 50-मेगापिक्सेलचा Sony IMX852 रियर कॅमेरा यूनिट दिला आहे. डिव्हाईसमध्ये 30 fps वर 1080p रेजोल्यूशन वाले व्हिडीओ रेकॉर्ड केले जाऊ शकतात. नवीन हँडसेटमध्ये सेल्फी आणि व्हिडीओ कॉलिंगसाठी 8-मेगापिक्सेलचा फ्रंट-फेसिंग कॅमेरा देखील आहे, ज्याच्या मदतीने यूजर 30 fps वर 1080p व्हिडीओ शूट करू शकतात.

कनेक्टिविटी आणि ऑनबोर्ड सेंसर

कनेक्टिविटीसाठी Realme C85 5G मध्ये, 5G, 4G LTE, यूएसबी टाइप-सी पोर्ट, ड्युएल बँड वाय-फाय, ब्लूटूथ 5.3, बीडौ, जीपीएस, ग्लोनास, गॅलीलिओ आणि क्यूझेडएसएस सारखे फीचर्स दिले आहेत. ऑनबोर्ड सेंसरमध्ये एक प्रॉक्सिमिटी सेंसर, एक एम्बिएंट लाइट सेंसर, एक कलर टेम्परेचर सेंसर, एक ई-कंपास, एक एक्सेलेरोमीटर आणि एक जायरोस्कोप समाविष्ट आहे. हा स्मार्टफोन IP69 डस्ट आणि वॉटर रेजिस्टेंससह लाँच करण्यात आला आहे.

Free Fire Max: प्लेअर्सना फ्री मिळणार जबरदस्त Target Practice इमोट, अनलॉक करण्यासाठी फॉलो करा स्टेप्स

बॅटरी आणि चार्जिंग

Realme C85 5G मध्ये 7,000mAh बॅटरी दिली आहे, जी 45W SuperVOOC वायर्ड फास्ट चार्जिंगला सपोर्ट करते. कंपनीने दावा केला आहे की, फोन एकदा चार्ज केल्यानंतर 22 तासांपर्यंत व्हिडीओ प्लेबॅक, 50 तासांपर्यंत कॉलिंग आणि तब्बल 145 तासांचा म्यूझिक प्लेबॅक देतो.