Realme Price Hike: महागाईचा आणखी एक झटका! Realmeच्या ‘या’ स्मार्टफोनच्या किंमती वाढल्या, खरेदीआधी जाणून घ्या नवीन दर

Realme स्मार्टफोन खरेदी करणाऱ्या भारतीय ग्राहकांना आता मोठी झटका बसणार आहे. कारण कंपनीने त्यांच्या काही स्मार्टफोनच्या किंमती वाढवण्याचा निर्णय घेतला आहे. त्यामुळे आता हे स्मार्टफोन मॉडेल्स खरेदी करण्यासाठी ग्राहकांन जास्तीचे पैसे खर्च करावे लागणार आहेत.

• रिअलमी P4 पॉवरच्या तिन्ही व्हेरिअंट्सच्या किंमतीत प्रत्येकी 3 हजार रुपयांची वाढ झाली आहे.
• P4x, P4R आणि P4 लाइट 5G च्या विविध व्हेरिअंट्सच्या किंमतीत 1 ते 3 हजार रुपयांपर्यंत वाढ करण्यात आली आहे.
• P4 लाइट 4G ची किंमतही वाढली असून, कंपनीने या दरवाढीबाबत अद्याप अधिकृत माहिती दिलेली नाही.

टेक कंपनी रिअलमीने भारतातील यूजर्सना पुन्हा एकदा झटका दिला आहे, कंपनीने भारतात त्यांच्या अनेक स्मार्टफोनच्या किंमती वाढवल्या आहेत. अलीकडेच वनप्लस, ओप्पो आणि विवोसारख्या टेक ब्रँड्सने देखील त्यांच्या स्मार्टफोनच्या किंमतीत वाढ करण्याची घोषणा केली होती. त्यानंतर आता रिअलमीने देखील त्यांच्या काही स्मार्टफोन्सच्या किंमती वाढवल्या आहेत. एका टिप्स्टरने दिलेल्या माहितीनुसार, रिअलमी P4 पॉवर, P4x, P4R, P4 लाइट 5G आणि P4 लाइट 4G सारख्या मॉडेल्सच्या व्हेरिअंट्सच्या किंमती 1 ते 3 हजार रुपयांनी वाढवण्यात आल्या आहेत.

4,900mAh बॅटरी अन् Exynos 2500 चिपसेट… नव्या Samsung स्मार्टफोनने वेधले सर्वांचं लक्ष, किंमत वाचून तुम्हालाही बसेल धक्का

रिअलमी P4 पॉवरच्या नवीन किंमती

टिप्स्टर संजू चौधरीने एक्सवर शेअर केलेल्या पोस्टनुसार, रिअलमी P4 पॉवरच्या तिन्ही व्हेरिअंटच्या किंमतीत 3 हजार रुपयांची वाढ करण्यात आली आहे. डिव्हाईसचे 8GB + 128GB व्हेरिअंट आता 29,999 रुपयांऐवजी 32,999 रुपयांच्या किंमतीत खरेदीसाठी उपलब्ध असणार आहे. तर 8GB + 256GB व्हेरिअंटची किंमत 31,999 रुपये होती. आता हे व्हेरिअंट खरेदी करण्यासाठी 34,999 रुपये खर्च करावे लागणार आहेत. तर 12GB + 256GB व्हेरिअंटची किंमत 34,999 रुपये होती, जी आता 37,999 रुपये झाली आहे.  (फोटो सौजन्य: Pinterest) 

Price hike alert🚨
realme increases the price of their smartphone by upto ₹3k: P4 power:
• 8/128GB: ₹29,999 → ₹32,999
• 8/256GB: ₹31,999 → ₹34,999
• 12/256GB: ₹34,999 → ₹37,999 P4x:
• 6/128GB: ₹22,999 → ₹24,999
• 8/128GB: ₹24,999 → ₹27,999 P4R:
•… pic.twitter.com/juSE42lHAI — Sanju Choudhary (@saaaanjjjuuu) August 27, 2026

रिअलमी P4x च्या नवीन किंमती

कंपनीने रिअलमी P4x च्या किंमतीत देखील वाढ केल्याची माहिती आहे. डिव्हाईसच्या 6GB + 128GB व्हेरिअंटची किंमत 24,999 रुपये झाली आहे. ही किंमत पूर्वी 22,999 रुपये होती. तर 8GB + 128GB व्हेरिअंटची किंमत पूर्वी 24,999 रुपये होती. मात्र आता हे व्हेरिअंट खरेदी करण्यासाठी 27,999 रुपये खर्च करावे लागणार आहे.

रिअलमी P4R च्या नवीन किंमती

स्मार्टफोनच्या 4GB + 64GB व्हेरिअंटची किंमत 1 हजार रुपयांनी वाढवण्यात आली आहे. त्यामुळे आता हे व्हेरिेअंट खरेदी करण्यासाठी 18,999 रुपयांऐवजी 19,999 रुपये खर्च करावे लागणार आहेत. तसेच, 4GB + 128GB व्हेरिअंट आता 20,999 रुपयांऐवजी 21,999 रुपयांच्या किंमतीत खरेदीसाठी उपलब्ध असणार आहे. तसेच, 6GB + 128GB व्हेरिअंटची किंमत 23,999 रुपये आणि 6GB + 256GB व्हेरिअंटची किंमत 26,999 रुपये झाली आहे. मात्र या व्हेरिअंट्च्या किंमती पूर्वी अनुक्रमे 22,999 रुपये आणि 24,999 रुपये होत्या.

रिअलमी P4 लाइट 5G च्या नवीन किंमती

रिअलमी P4 लाइट 5G च्या किंमतीत देखील वाढ करण्यात आली आहे. आता या डिव्हाईसचे 4GB + 64GB व्हेरिअंट खरेदी करण्यासाठी 16,499 रुपयांऐवजी 17,999 रुपये खर्च करावे लागणार आहेत. तसेच, आता 4GB + 128GB व्हेरिअंटची किंमत 19,999 रुपये झाली आहे. हि किंमत पूर्वी 18,499 रुपये होती. 6GB + 128GB व्हेरिअंट खरेदी करण्यासाठी आता ग्राहकांना 20,999 रुपयांऐवजी 22,999 रुपये खर्च करावे लागणार आहेत.

मार्केट गाजवण्यासाठी Boltt सज्ज! भारतीय बाजारात लाँच केला पहिला स्मार्टफोन, बजेट फ्रेंडली किंमतीत मिळणार पावरफुल फीचर्स

तसेच, रिअलमी P4 लाइट 4G च्या 4GB + 64GB व्हेरिअंटची किंमत 1 हजार रुपयांनी वाढवण्यात आली आहे. त्यामुळे आता हे व्हेरिअंट खरेदी करण्यासाठी 13,999 रुपये खर्च करावे लागणार आहेत. 4GB + 128GB मॉडेलची किंमत 2 हजार रुपयांनी वाढवण्यात आली आहे. त्यामुळे आता हे व्हेरिअंट खरेदी करण्यासाठी 15,999 रुपये मोजावे लागणार आहेत. स्मार्टफोनच्या या वाढत्या किंमतीबाबत कंपनीने अद्याप कोणतेही अधिकृत विधान जाहिर केले नाही. मात्र नवीन किंमती रिअलमी इंडियाच्या वेबसाईटवर दिसत आहेत.