फोन वारंवार चार्ज करण्याची कटकट संपणार? Redmi K100 मध्ये मिळणार तब्बल 10,000mAh बॅटरी, लाँचपूर्वीच चर्चा सुरु

Upcoming Redmi K100: रेडमी लवकरच एक नवीन स्मार्टफोन लाँच करणार आहे. या स्मार्टफोनबाबत अधिकृतपणे घोषणा करण्यात आली आहे. कंपनीच्या आगामी स्मार्टफोनमध्ये 10,000mAh बॅटरीसह तगडे फीचर्स ऑफर केले जाणार आहे.

• आगामी स्मार्टफोनमध्ये दमदार बॅटरी अनेक तगडे फीचर्स ऑफर केले जाणार
• रेडमीने आगामी स्मार्टफोनचा टिझर शेअर केला
• रेडमी के 100 मध्ये 10,000mAh बॅटरी मिळणार

Upcoming Redmi Smartphone: टेक कंपनी रेडमी लवकरच त्यांचा नवीन स्मार्टफोन बाजारात लाँच करणार आहे. हा स्मार्टफोन Redmi K100 या नावाने लाँच केला जाणार आहे. कंपनीच्या आगामी स्मार्टफोनमध्ये दमदार बॅटरी अनेक तगडे फीचर्स ऑफर केले जाणार आहेत, ज्यामुळे यूजर्सचा अनुभव अधिक चांगला होईल. स्मार्टफोन लाँच होण्यापूर्वीच कंपनीने डिव्हाईसची माहिती अधिकृतपणे जाहिर केली असल्याचे सांगितलं जात आहे. रेडमीने त्यांच्या आगामी स्मार्टफोनचा टिझर शेअर केला आहे, यामध्ये दमदार बॅटरी कॅपिसिटीबाबत माहिती शेअर करण्यात आली आहे.

फेक कॉल्सना बसणार आळा! अनोळखी कॉल उचलण्यापूर्वीच समजणार कॉलिंगच कारण, WhatsApp चं नवं फीचर नेमकं आहे तरी काय?

आगामी रेडमी के 100

रेडमी के 100 हा कंपनीचा पहिला स्मार्टफोन असणार आहे, ज्यामध्ये 10,000mAh बॅटरी मिळणार आहे. कंपनीचं असं म्हणणं आहे की, या फोनमध्ये कंपनीच्या लेटेस्ट Jinshajiang बॅटरी टेक्नोलॉजीचा वापर करण्यात आला आहे. शाओमीचं असं म्हणणं आहे की, नवीन बॅटरी 28% सिलिकन-कार्बन कंटेंट आणि एनर्जी डेन्सिटी 957Wh/L आहे, -20 डिग्री टेंप्रेचरवर देखील स्टेबल हाय परफॉर्मेंस ऑपरेशन ऑफर करते.  (फोटो सौजन्य: X) 

शाओमीचे प्रेसिडेंट काय म्हणाले?

शाओमीचे प्रेसिडेंट Lu Weibing ने यांनी असा दावा केला आहे की, हा स्मार्टफोन सिंगल चार्जवर 29 तासांचा शॉर्ट-व्हिडीओ प्लेबॅक, 24 तासांचे लाईव्ह स्ट्रीमिंग आणि 47 तासांचे म्यूजिक प्लेबॅक ऑफर करण्यास सक्षम आहे. यासोबतच, कंपनीने असा दावा केला आहे की, हे डिव्हाईस 18 तासांपर्यंत नेव्हिगेशन, 46 तासांपर्यंत वाचन आणि 1,000 पर्यंत शॉर्ट ड्रामा एपिसोड्स प्लेबॅक करण्यास सक्षम आहे. कंपनीचा आगामी स्मार्टफोन 100W वायर्ड चार्जिंग आणि 27W वायर्ड रिवर्स चार्जिंगला सपोर्ट करणार आहे. तसेच, या डिव्हाईसमध्ये बायपास चार्जिंग फीचर देखील दिले जाऊ शकते.

स्मार्टफोनचा डिस्प्ले

आगामी रेडमी के 100 स्मार्टफोनमध्ये 6.83-इंच डिस्प्ले ऑफर केला जाऊ शकतो, ज्याचा रिफ्रेश रेट 165Hz, पीक ब्राइटनेस 3,500 निट्सची आहे. हा फोन 480Hz मल्टी फिंगर टचला सपोर्ट करणार आहे. शाओमीचं असं म्हणणं आहे की, फोनमध्ये 40 हून अधिक गेम 165fps वर खेळू शकता.

6700mAh बॅटरीसह नवा Poco 5G स्मार्टफोन लाँच! 50MP कॅमेरा अन् 120Hz OLED डिस्प्लेसह मिळणार तगडे फीचर्स, वाचा सविस्तर

स्मार्टफोनचा प्रोसेसर

कंपनीने आधीच कंफर्म केले आहे की, रेडमीचा हा आगामी फोन स्नॅपड्रॅगन 8 एलीट प्रोसेसर आणि D2 गेमिंग डिस्प्लेसह लाँच केला जाऊ शकतो. ही दुसरी चिप गेमिंगदरम्यान ग्राफिक्स आणि फ्रेम रेटमध्ये सुधारणा करेल. हा फोन ‘हायपरओएस 4 सह येईल आणि यात मागील बाजूला आडव्या मांडणीतील कॅमेरा मॉड्यूल असेल, ज्यावर ‘बोस’ द्वारे ट्यून केलेल्या ऑडिओचे ब्रँडिंगही पाहायला मिळेल.